Read Yáasiↄ 4

Yáasiↄ4bqc_sim

Gbɛ̃zↄ̃ↄ lɛdama

¹Ma nɛ́ↄ, à gbɛ̃zↄ̃ↄ lɛdama ma,à á laai kpálɛ kɛ́ à e àↄ dↄ̃a vĩ.²Dↄ̃a súsu málɛ daɛ́,ásu pãkpa ma yãdanɛio.³Kɛ́ má kú nɛ́ ũ ma mae ↄzĩ,má busɛ ma da nɛ́ mɛ̀ndona ũ.⁴Ma mae yãdàmɛɛ à mɛ̀:Ǹyↄ̃ ma yã́ kũa n sↄ̃u,ma yãdilɛnɛↄ da, n kua iↄ na.⁵Ɔ̃nↄkũ, ǹyↄ̃ dↄ̃a vĩ,asu sãngu ǹ pãalɛ ma yã́ɛo.⁶Ńsu pãkpa ↄ̃nↄio, a n dↄ̃́a,ǹyↄ̃ yeaàzi, a ↄkunla.⁷Ɔ̃nↄkũ, ↄ̃mɛ yã́pii mi ũ,dↄ̃a wɛɛlɛ ń àizɛɛ pↄ́ ń vĩ píio.⁸Ǹ aà kṹ gbã́ugbãu, a n kã́fĩ,didiwà ↄplapla, a n kpɛla.⁹Aↄ dɛ fùa maa ũ n miwa,àↄ dɛnɛ kíafua gawide ũ.

¹⁰Ma nɛ́, swã́kpa ma yã́i,yã́pi da, n wɛ̃ni aↄ gbã̀a.¹¹Ma ↄ̃nↄ zɛ́ ↄ̀lↄnɛ,ma n da yãmaa zɛ́wa.¹²Tó ńlɛ táa'ou, pↄe a kpanɛo,tó ńlɛ bàalɛu, ńyↄ̃ gɛ̃nalɛo.¹³Ǹyↄ̃ ma lɛdama kũa, ńsu gbaɛo,didiwà gbãa, asa ↄ̃mɛ n wɛ̃ni ũ.¹⁴Ńsu vãikɛnaↄ zɛ́ sɛo,ńsu tɛ gbɛ̃vãiↄ zɛ́io.¹⁵Ɛ̃nɛ́, ńsu namáo,kɛ̃́má, ǹ n gɛa kɛ.¹⁶Tó aai vãi e kɛ̀o, aali i'oo,tó aai gbɛ̃́ e kàaũo, i lí gɛ̃ ń wɛ́uo.¹⁷Asa vãikɛa mɛ́ ń pↄblea ũ,gbɛ̃́ↄ wɛtãa mɛ́ ń imia ũ.¹⁸Gbɛ̃maaↄ zɛ́ dɛ lán gudↄlɛiawa,a gupua ìↄ dɛdɛ lán ĩatɛ̃ dɛdɛawa.¹⁹Vãikɛnaↄ zɛ́ dɛ lán gusia níiniiwa,aali pↄ́ pↄ́ tò wàlɛ gɛ̃nalɛ dↄ̃o.

²⁰Ma nɛ́, laaidↄ yã́piↄwa,swã́sɛ ma yã'onɛi.²¹Ńsu kpá swã́ao,ǹyↄ̃ kũa n sↄ̃u.²²Asa a dɛ wɛ̃ni ũ gbɛ̃́ pↄ́ le kũ̀ↄnɛ,a dɛ mɛ̀ bṹu aafia ũ.²³Azaiasa laaidↄ n sↄ̃ yã́wa,asa wɛ̃ni zĩ́na bↄ̀ sↄ̃ kĩ́iɛ.²⁴Bↄ yãbɛ̃ɛ'oau,mikɛ̃ yãkpaanla'oawa.²⁵Wɛdↄ n aɛ,gugwa n kuu súsu.²⁶Zɛ́ sɛ́ súsu,n yãkɛaↄ píi a bↄ maa.²⁷Ńsu yɛɛlɛ ↄplaai ge zɛɛio,ńsu gbápɛlɛ vãi zɛ́uo.

Yáasiↄ 4 / bqc_sim

Gbɛ̃zↄ̃ↄ lɛdama

Yáasiↄ4bqc_sim