Read Emigani 30

Emigani30shr_buk

¹Ebinwa bya Aguri, mwene Yâkehe w’è Masi.Alaga ebinwa oyo muntu àrhumiraga Itiyeli, kuli Itiyeli bona Ukala.²Ntà muhwinja akâni omu bantu, ntajira makengu ga muntu,³Oburhimanya ntabuyigaga, n’obumanye bw’abimâna⁴Ndi okola osôkîre emalunga anabuligaluka?Ndi okola ofumbasire empûsi omu nfune zâge?Ndi okola obohire amîshi omu cirondo câge?Ndi watwâga embibi z’igulu zoshi? K’oyishi izîno lyâge?K’oyishi izîno ly’omugala?⁵Ngasi luderho lwa Nyamuzinda lubà lucesîbwe n’omuliro;abâ mpenzi y’oyegemire muli ye.⁶Akanwa kâge orhahîra okakahebakwo akandi,wankanatumula bakujire munywesi.

Omusengero

⁷Bibirhi nkusêngîre, orhabinyimaga, obinshobôze ntacifà:⁸Oncînge oku bunywesi n’oku bulênzi,orhampâga bukenyi orhampâga na bugale,ci ondeke nâni ndye oku mugati .⁹Kuderha nti nakayigurha obone namâkuhaba,obone nkola naderha nti: Nyamuzinda ye ndi oyo!nîsi erhi nshalike obone nkola nazimba,obone namâhemukira izîno lya Nyamubâho.¹⁰Orhahîraga okashobeka omujà emunda nnabamwâbo ali,ankanakuhehêrera ohanyagale.

Enyumpa mbî ziri inni, n’ebirhayumvîkana ho biri

¹¹Hali obûko, oku bàjacira îshe, kwo na nnina barhamukenziri.¹²Hali obûko bumanya mpu buli bwa bêru-kwêru, n’obwo izinga lyâbo libananîrekwo.¹³Hali obûko bulolera abandi oku cikanyi, n’ebisike biyunjwire kagayo.¹⁴Hali obûko bujira engôrho mpu mîno, n’orhwere mpu myanganga,rhwo bashanyangulamwo abagûnda,babarhenze hano igulu, banasigise abakenyi abâbo bantu.

Hali binni birhîgurha

¹⁵Omushundwe gujira banyere babirhi: bo ba lêrha! lêrha!Hali bisharhu birhîgurha na binni birhaderha mpu: «lekaga»!¹⁶Okuzimu, endâ y’engûmba, idaho lirhigurha mîshi,n’omuliro gurhaderha mpu: lekaga!¹⁷Amasù omuntu akengulamwo îshe, âgagayira nnina wa muntu obugikulu,bihungu by’oku lwîshi byâgarhule, bigukuma byâgashêge!

¹⁸Hali bisharhu nyumva bintalusire, na binni ntishi:¹⁹enjira ya lubaka emalunga,enjira y’enjoka oku mbyâ,enjira y’obwârho omu karhî k’enyanja,enjira y’omulume omu mwanahyâ ,

²⁰Enjira y’omukazi w’ecishungu yoshi eyo:anabà amâlya ahôrhole nakanwa, erhi:«ntà bubî najizire».

²¹Hali bisharhu bigeza igulu mw’omusisi: na binni birhalindwa:²²omujà wamâhinduka mwâmi,n’omusirhe wamagala,²³Omunyere bàkazâgibenga wamâheruka,n’omujà-nyere wamâyîmûla nn’omumwâbo!

Ebinyinyî nabyo hibà binni

²⁴Hano igulu habâ binyinyi binni: cikwône barhimanya omu barhimanya.²⁵Obunyegere, lubà lubaga lwa butya-butya, ci kwône buyishi oku bahaka enguli canda.²⁶Ebishegeshe, ebà ngabo ya mbula-misî, ci kwône biyishiyûbaka omu mabâle.²⁷Enzige, zirhajira murhambo, ci kwône bwinjà zihinda.²⁸Omusherebera, nfune egugwârha, cikwône omu bwâmi guyâlukiza .

Abayishikânânda

²⁹Hali basharhu bayishicûka, na bani bayishikânanda.³⁰Wa-ntale, ntwâli omu by’erubala, arhayôboha bici!³¹Nyaluhazè wakânanda omu karhî k’engoko,n’ecihebe cayâbula obusò,na mwâmi omu ngabo yâge.