Aguri la biga
1Mabigasina Aguri la biga mwau matauna Yakei latula.“Yaubada gala isikailigu, Yaubada gala isikailigu,mapaila yeigu bogwa lamama.2Yeigu makawala natana wala mauna e gala makawala tomota;deli nanogu gala wala makawala tomota ninasi.3Gala avai tuta atakutu avai kabitam deli gala sitana anikoli Yaubada.4Tauwau! Availa sitana ikabitam labuma kala nikoli?Kaina availa sitana ikipatu yagila oyamala?Kaina ikapoli sopi okarekwa?Kaina isaili kaligeila valu watanawa komwaidona?Mwa! Kidamwa kunikoli kulukwaigu, ki, avai tau matauna? E avai tau latula?5“Yaubada iuvagi komwaidona avaka la biga katotila. Matauna makawala vayoula, e matausina availa availa ilokaiasi matauna bogwa bikwalasi.6Kidamwa bukukwatusai avaka eilivali, matauna bikamitilakaim e bibanaim yoku tosasopa.”Tuvaila bigivakala
7Mwa Yaubada anigadaim magigu bukutagwala bukusakaigu kwaiyu vavagi, e oluviga bakaliga.8Kwaitala, kuyamataigu taga basasopa, e kwaiyuwela, bukutagwala ulo kaisisu bibodaigu wala. Mapaila kusakaigu kʹagu avaka wala bibodaigu.9Paila kidamwa ulo kaisisu saina migamaga igau kaina bakaluwouwaim. Mitaga kidamwa bikatukwakavaigu ogu kwaukweda, igau baveilau e bogwa bayomsilaim yoku ulo Yaubada.10Gala avai tuta bukukwavilivili taitala touwata baisa kala tokugwa. Paila igau bibulotaim e bukuboda mmayuyu.11Mimilisi tomota ikavilivilaisi tumisia, deli gala ikabikuwolaisi inisia.12Mimilisi tomota idokaisi matausina tomigileu, mitaga pupagatuwokuva wala.13Mimilisi tomota idokaisi wala bogwa tobubwaila - wa, oninasi idokaisi wala bogwa bwaina!14Mimilisi tomota ititakunasi si kaisisu metoya osi lamadada deli vakatutuki baisa tonamakava deli togumalawa.15Nigadakakata litula nayu, e nayu wala yagasi, “Kusakaigu!” Kwaivasi vavagi makwaisina gala avai tuta bikatulokasi,16Tuma,vivila nakaliga,butumala magila kuna,e kovasupa.17Availa bikatudeu tamala kaina bivakadoli inala bogwa eivinumoya, ibodi wala mluveka bikomasi matauna, kaina kilakila bitapwesaisi matala.Mimilisi bigivakala
18Isisuaisi kwaivasi vavagi makwaisina saina kweninigonigwa paila bakateta.19Natana mluveka iyoyowa ogawata,natana keiyuna isigisagina odakuna,kaitala waga inainevi la keda obolita,deli tau sola vivila ivitouulasi si kalubaila.20La bubunela vivila minana nakomlilipwa baisa makawala. Bila ikailasi, e oluvi bima ikayawisi bim, e bikaibiga kawala, “Mitaga gala wala avai sula avagi!”21Kwaivasi vavagi makwaisina ovalu watanawa gala ikwani valu watanawa bitugwali.22taitala ula biguyau,taitala tonagowa biyosi komwaidona avaka magila bikoma,23natana naseputupwatula bivai,deli natana ula biyouli kabala la giyouvila.24Minasina navasi mauna nakikekita baisa ovalu watanawa, mitaga saina nakabitam.25Lata. minasina saina namamama, mitaga idadodigasi kʹasi otutala milamala.26Kwakwau. minasina makawala gala napapeula, mitaga iiniyenisi kasi nobwala opapala dakuna.27Nipawa. minasina gala isim si guyau, mitaga komwaidosi wala biyoyowasi gulitinidesi.28Ulau. ibodaida wala bitayosi minasina oyamada, mitaga gagabila bitabani minasina wa ligisa.29Vavagi kwaivasi makwaisina itututu nona avai tuta bitagisi bililoulasi.30laiyoni, saina napeuligaga odubasi mauna komwaidona, e deli gala avai mauna bikukoli;31namwala gota,e minana rekorekwa la kailoula,deli goli gweguya bivamnakasi omitasi kasi viloumgwa.32Kidamwa lokuninagowa wala kaluvalova deli bukuninamsi mitugaga, desi kukwapatu e bukunanamsa bibwaina!33Kidamwa bukuvakamenu kunaita, bukubani pwapwa. Kidamwa bukuwaiya som kabulula, biviloubusi buyavi. Kidamwa bukuvitoumwala gibuluwa bogwa bukuboda mwau.