Read YAASINƆ 29

YAASINƆ29bus_sim

¹Gbɛ̃ kɛ̀ wà kpã̀kɛ̃zi maamaa, ben à gì mazi,adee é kaatɛ kãndo yↄ̀ↄ sai.²Tó gbɛ̃ maaanↄ dàgula, gbɛ̃nↄ pↄↄ ègↄ̃ nnamɛ,tó gbɛ̃ zaaa kú kpatan, wègↄ̃ m boomɛ.³Gbɛ̃ kɛ̀ ye ↄ̃ndↄ̃ↄzi è a de pↄↄ kɛ nna,kaaruanↄ bɛ zɛ́sɛri è a ↄↄ yaka.⁴Kína è tó a bùsu gbãa kaara yãzɛdee musu,ↄdↄnkpɛɛgbasiri sↄ̃ è a bùsu dɛmɛ.⁵Gbɛ̃ kɛ̀ èe lɛ́nnaa kɛɛ a gbɛ̃daaanɛe bà kpakpaa a zĩndanɛmɛ.⁶Gbɛ̃ zaaa taarikɛna è à kũ takutɛɛ ũmɛ,gbɛ̃ maaa è guda kɛ kↄ̃n pↄnnaao.⁷Gbɛ̃ maaa è làakari dↄ takaaside yãgↄ̃gↄ̃naa,zaakɛri sↄ̃ è à yã daro.⁸Gbɛ̃ faborinↄ è wɛ́tɛ wã,ↄ̃ndↄ̃rinↄ è gbɛ̃nↄ làakari kpáɛńnɛ.⁹Tó ↄ̃ndↄ̃dee gàa yãkpaɛ kɛ kↄ̃n yↄ̃nkↄↄo,yↄ̃nkↄↄ pì è pↄ fɛ̃ è yáa dↄ, à lɛ́ è nakↄ̃aro.¹⁰Gbɛ̃dɛrinↄ è za taarisaideemmɛ,aↄ̃ègↄ̃ gbɛ̃ maaanↄ wɛtɛ wà ń dɛ.¹¹Yↄ̃nkↄↄ pↄfɛ̃ è bↄ à wɛ́ɛamɛ,ↄ̃ndↄ̃dee sↄ̃ è a pↄfɛ̃ naawamɛ.¹²Tó gbãadee e swã kpaa ɛgɛyãzi,à ìbanↄ è gↄ̃ zaakɛrinↄ ũ ń píngimɛ.¹³Takaasidee kↄ̃n gbãamↄnnɛrio yã mɛ̀n doo kɛ̀ vĩ,Dii bé à tò ń wɛ́ɛ e guu ee ń píngi.¹⁴Kína kɛ̀ è yãkpaɛ kɛ takaasideenↄnɛ kↄ̃n yãpuraao,à kpata kãsãpɛɛna égↄ̃ gbãa gurↄ sãnda píngi.¹⁵Totona kↄ̃n flã̀o è tó gbɛ̃ ↄ̃ndↄ̃ kũ,nɛ́ kɛ̀ wà à tò a zĩndanɛ è wí da a daamɛ.¹⁶Tó zaakɛrinↄ dàgula, taarikɛna è kↄ̃mɛ,mↄde gbɛ̃ maaanↄ é ń kpɛɛ e.¹⁷Ǹ n nɛ́ toto, eé n làakari kpáɛnnɛ,eé tó n pↄↄ kɛ nna.¹⁸Guu kɛ̀ Luda yã kunlo, wègↄ̃ ń zĩndakũna dↄ̃ro.Aubarikadeen gbɛ̃ kɛ̀ à à doka kũna ũ.¹⁹Wè zↄ̀ toto kↄ̃n lɛ́oro.Baa tó à mà, eé zĩi kɛaro.²⁰N gbɛ̃ kɛ̀ è wã à yã oo èↄ́?Yↄ̃nkↄↄ sã̀ↄ dɛ adeela.²¹Zↄ̀ kɛ̀ wà à zaza kũ̀ zaa à nɛ́ngo zĩ,é yãa à gↄ̃ guturu ũmɛ.²²Pↄfɛ̃ri è swèe da,nↄ̀sɛfutadee è durun kɛ maamaa.²³Ĩadãna è ń busamɛ,zĩndabusana bé è ń kaara.²⁴Gbɛ̃ kɛ̀ è ble kↄ̃n kpãio zà a zĩndammɛ,è lada kↄ̃n Ludao, mↄde è we à yãpuraa oro.²⁵Vĩakɛna gbɛ̃nteenɛ nɛ́ takutɛɛmɛ,gbɛ̃ kɛ̀ è Dii náanɛ kɛɛ mì égↄ̃ da'iana.²⁶Gbɛ̃ paridee è gbãadee aɛ wɛtɛ,mↄde yãkpaɛkɛna nɛ́ Dii yãmɛ.²⁷Gbɛ̃ maaa ye ɛgɛdeeziro,gbɛ̃ zaaa è za zɛ́suususɛrimmɛ.

YAASINƆ 29 / bus_sim

YAASINƆ29bus_sim