Read Yáasiↄ 27

Yáasiↄ27bqc_sim

¹Ńsu ĩ́anadã zia yã́ musuo,asa ń dↄ̃ yã́ pↄ́ zia a io.²To wà n sáaukpa, ńsu ǹ nzĩa sáaukpao.To à bↄ gbɛ̃pãleↄ lɛ́u, asu bↄ n lɛ́uo.³Gbɛ gbia, ũfãaá asoɛ,kási sↄũ ĩadama ì tↄ̃́má dɛ beea.⁴Pↄkũma pãsĩ, pↄfɛ̃ ì dańla,démɛ a nↄ̀sɛgↄ̃a fↄ̃ sↄ̃i?⁵Gbɛ̃́ gbaa laai bíla wáa maadɛ yea gbɛ̃́zi yãe oaɛ̀ saia.⁶Gbɛ̃na yã'ↄ̃ma kpaańzi náai vĩ,ibɛɛ lɛ́pɛama mↄafili vĩ.⁷Gbɛ̃́ pↄ́ kãa ì zazakũ zↄ́waɛ,ãma nↄandɛna pↄ́ kĩ̀sã dↄ̃o.

⁸Gbɛ̃́ pↄ́ kɛ̃̀ a uawa àlɛ bɛbɛbɛbɛdɛ lán bã pↄ́ sã̀sã a sakpɛwawaɛ.⁹Nísi gĩnana ń tulaletio ì ń pↄ kɛ na,lɛdaakↄ̃wa ń nↄ̀sɛmɛndoo ì gbɛ̃naↄ kɛ na.¹⁰Ńsu ǹ n gbɛ̃na vũaao ge n mae gbɛ̃na.Tó yã́ n le, ńsu gɛ́ n vĩ̀i ge n dãuna bɛo.N gbɛ̃́dee pↄ́ kú kãi maa dɛ n bɛ gbɛ̃́ pↄ́ kú zã̀a.¹¹Ma nɛ́, ǹyↄ̃ ↄ̃nↄ, ma pↄ i kɛma na,mí e yã́zãsi ma sↄ̃̀sↄ̃naↄwa.¹²Laaide ì dↄaa vãi e ↄ̃ ì ulɛɛ̀,làasoosaide ì gi àↄ gɛ́ ↄ̃ ì yã'e.¹³Tó gbɛ̃́ nibↄ fĩa dì a miwa, ǹ aà ula sí,ǹyↄ̃ kũa tↄ̀ↄma ũ gbɛ̃́pi gɛ̃ɛ ũ.¹⁴Tó n lɛdà ía n samaa'ò n gbɛ̃́deeɛ kↄↄkↄↄ,wa dilɛ savãi ũɛ.¹⁵Nↄ sòlede muaań í pↄ́ lɛ́ tↄ̃tↄ̃ zɛsai lou zã́oɛ.¹⁶Aà zùukɛaá ĩ́ana zùukɛaɛ,ade lɛ́ í ↄkũkpaɛ.¹⁷Lá mↄↄ ì kↄ̃ lɛkɛ,màa gbɛ̃nazĩna ì a gbɛ̃́dee kɛkɛ.¹⁸Tó n laaidↄ̀ lí nɛ'inawa, ńyↄ̃ a nɛ́ ble,tó n ↄlìa n diizi, a n kpɛla.¹⁹Lá gbɛ̃́ ì a oa e í guu,màa gbɛ̃́ ì a nↄ̀sɛ dↄ̃ a yãkɛawa.²⁰Lá gɛↄ lí mↄ́ bɛda ń tɛ́owao,màa gbɛ̃́ wɛ́ yea pↄ́i lí mↄ́wào.²¹Wì ã́nusu ń vuao maa dↄ̃ a baasaa guuɛ,màa wì gbɛ̃́ bɛɛɛ dↄ̃ aà tↄbↄa guu.²²Baa tó n faasaide kà góuńlɛ aà sabo ń pↄ́wɛnao sãnu,aà faasaikɛ a kɛ̃wào.

²³Nìliↄ n pↄtuoↄ kua dↄ̃ maamaa,laaidↄ n kpàsa pↄ́ↄwa.²⁴Asa àizɛɛ líↄ ku gↄↄpiio,mɛ́ gawi líↄ gɛ́ wɛ̃ ń wɛ̃oo.²⁵Sɛ̃ ì láa, a dafu ì bↄlɛ,ni a tàaa kpá pↄ́ↄnɛ,²⁶ni pↄkasa kɛ ń n sãↄ kã́o,ni bú lú ń n blè ↄ̃ao,²⁷ń bleↄ vĩ iↄ dinzi n pↄblea ũ,ni n uadeↄ ń n nↄɛ zĩkɛnaↄ gwaò.

Yáasiↄ 27 / bqc_sim

Yáasiↄ27bqc_sim