Read YAASINƆ 26

YAASINƆ26bus_sim

¹Lán lousisina dɛ nà kwɛɛ,lan loumana dɛ nà pↄ́kɛ̃gurↄↄa,lɛn gakui e kↄ̃si kↄ̃n yↄ̃nkↄↄoro lɛ.²Lán kíkoia kↄ̃n taakasooègↄ̃ vĩavĩa à gá kɛ̀ à su kɛ̀ nà,lɛn gbɛ̃kana pãa è pↄ́ke woḿmaro lɛ.³Gezee nɛ́ sↄ̃ pↄ́mɛ,flã̀ nɛ́ zaaki pↄ́mɛ,yↄ̃nkↄↄ pↄ́n gò ũ a kpɛɛa.⁴Ǹton we yↄ̃nkↄↄla a faasaikɛɛaro,lɛ ǹton gↄ̃ lán à bàro yãnzi.⁵Ǹ yã we yↄ̃nkↄↄla a faasaikɛ lɛ́n,lɛ àton a zĩnda gwa ↄ̃ndↄ̃dee ũro yãnzi.⁶Tó n lɛ́kpãsã kɛ̀ yↄ̃nkↄↄ gãzĩ,n n zĩnda yàkamɛ, n yã wɛ̀tɛ n zĩndanɛ.⁷Yáasi kɛ̀ kú yↄ̃nkↄↄ lɛ́ndɛ lán ɛrɛ gbá kɛ̀ e gbãkɛɛ bàmɛ.⁸Bɛ̀ɛlina yↄ̃nkↄↄnɛ dɛ lán gbɛ̀dana gbɛ̀mban bà.⁹Yáasi kɛ̀ kú yↄ̃nkↄↄ lɛ́ndɛ lán lɛ̀ kɛ̀ dana wɛ̃dɛri ↄzĩ bàmɛ.¹⁰Gbɛ̃ kɛ̀ yↄ̃nkↄↄ ke gbɛ̃ gɛ̃̀zɛ́laa dà zĩindɛ lán tofekari kɛ̀ è nↄ̀bↄ píngi gbãa bàmɛ.¹¹Yↄ̃nkↄ ɛarana a yãfaasaikɛnaadɛ lán gbɛ̃ɛ kɛ̀ ɛ̀ara a pisizi bàmɛ.¹²N gbɛ̃ kɛ̀ à a zĩnda dìɛ ↄ̃ndↄ̃dee ũu èↄ́?Yↄ̃nkↄↄ sã̀ↄ dɛàla.¹³Mɛadee è be: Músu kú zɛ́mmɛ,nↄ̀bↄ pãsĩ tɛ́ gãaɛ.¹⁴Lán gbà ègↄ̃ nigãa a sigbea nà,lɛn mɛadee ègↄ̃ liɛliɛ a daɛkiia lɛ.¹⁵Mɛadee è ↄ gɛ̃ taanà fua à pↄ́blee lí à da a lɛ́n.¹⁶Mɛadee ègↄ̃ daa a ↄ̃ndↄ̃ↄdɛ yãwenladↄ̃ri gↄ̃ↄn swɛɛplaaanↄla.

¹⁷Gbɛ̃ kɛ̀ vĩ̀ à pɛ̀ɛ danↄ lɛokpakↄ̃andɛ lán gbɛ̃ kɛ̀ gbɛ̃ɛ kũ̀ a swãa bà.¹⁸Gbɛ̃ kɛ̀ à a gbɛ̃daaa sã̀sãgbasa à bènɛ: Mɛ́ɛ fàadi boomɛdɛ lán bã̀ndee kɛ̀ e kà tɛ́deekↄ̃n kà sɛwɛɛdeeo zuuńzi bàmɛ.

²⁰Tó yàka kuuro, tɛ́ è gamɛ,tó kↄmↄtↄdee kuuro, swèe è yãamɛ.²¹Lán sĩsĩi è kɛ tɛ́yↄ̃nɛ nà,lán yàka è kɛ tɛ́nɛ nà,lɛn lɛokpakↄ̃adee è swèe da lɛ.²²Kↄmↄtↄde yã è kɛńnɛ lán zↄ́ bà,è gɛ̃ lɛ́n dↄ̃̀ↄ ai nↄ̀sɛ guu.

²³Nↄ̀sɛpãsĩdee kɛ̀ è yã nnannaa ońnɛdɛ lán loo kɛ̀ wà kondogi í lɛ̀a bàmɛ.²⁴Zanguri è a zĩnda kɛkɛ kↄ̃n lɛ́omɛ,mↄde mↄnafiki bé à kú à swɛ̃̀n.²⁵Tó yã nnannaa bↄ̀ à lɛ́n, ǹton síro,zaakɛ yã zaa mɛ̀n swɛɛplaa bé à kú à swɛ̃̀n.²⁶Baa tó à a zangu ùtɛ mↄnafiki guu,à zaaa è bↄ gupuraaa pari wáa.

²⁷Gbɛ̃ kɛ̀ èe wɛ̀ɛ yↄ̃ↄńnɛ é zu à guumɛ,gbɛ̃ kɛ̀ èe gbɛ̀ gbegere paa, gbɛ̀ pì é si adeea.²⁸Ɛgɛdee è za gbɛ̃ kɛ̀ è ń yakan,mↄnafikidee è gbɛ̃ kpá lɛɛnazi.

YAASINƆ 26 / bus_sim

YAASINƆ26bus_sim