Nhelo24vid_pbt

1Uleche kuwonela fihi wehile,na kugana kuwa hamwe na hewo,2kwa vila majesa ga hewo geng'ha ndo kuwala kilewa,haduhu linojile lyoneche lilingulawa kuli milomo ja hewo.3Ng'handa yanguzenjigwa kwa luhala,na kwimizwa nzinzili kwa kuvizela.4Kwa uwanzi vihengo vyake vyangumemezwa,vinhu vya sendi nyinji na vya kunojeza.5Munhu yawele na luhala kana ludali ng'hatu,naye yawele na uwanzi kangonjeza mong'ho.6Kwa ulongozi unojile koweza kitowa ngondo,na kusumya kwa winji wa wanhu walingukulonjela ganojile.7Luhala lwa kuchanya ng'hatu kwa mpoka,kuli nhing'hano kahela cha kulonga.8Yalingijesa kudita wihe,kochemigwa mjuvi.9Kiwika goya kudita chinhu kwa mpoka ndo gehile,yalingubeza ndo izudizo kwa chila munhu.10Wone uwe ng'hochele mhela wa magazo,lelo hegwe ndo kwahela mong'ho lukami.11Mlohole munhu yalinguholigwa kuluta kubagama hihi hela,uleche kulemwela kumlohola yalingukopoligwa ne nongwa.12Hamba uleche kulonga, “Hatuvizelele.”Kwa vila Nguluwi yalingupima nhumbula za wanhu kangulola,heye yalinguwamila ukomu wa hemwe kanguvizela,komha chila munhu kwa kiwhana na madito ga heye.13Mwana wa heni, ulye hanombwa kwa vila ndo inoga,ilala lya hanombwa ndo linona kumlomo.14Ndo vyoluwele luhala kuli nhumbula ya hegwe,wone ulupate mbuli za hegwe zolutilila goya,na kitumbila kwa hegwe hakukusigwa hihi hela.15Uleche kubeteza kwa uviso kota mwihe kuhatowa haluga ha munhu yatanganiche,uleche kujeza kuwifya ng'handa ya heye,16kwa vila munhu yatanganiche kangugwa mala nyinji na kwinuka,ila mwihe hoyochikwang'hwala howeza kwinuka.17Uleche kutowa luchenze kwa chiwalo cha kugwa kwa mng'honyo wa hegwe,ne kusangalala mnhumbula mwa hegwe kwa kikwang'hwala kwa heye,18kwa vila Mkulu Nguluwi yalingugona ago honojezwa,hanji koleka kumgaza.19Uleche kuzudila kwa chiwalo cha wehile,ne kuwonela maya,20kwa vila mwihe howa na ganojile hamba,chenje cha ukomu wa heye chozimigwa.21Mwana wa heni, umdumbe Mkulu Nguluwi na kumhulichiza mndewa,uleche kilumba na walingubelenhuka,22kwa vila kudumigwa kwa hewo kwanguwafikaga baho du.Haduhu yalinguvizela kutunya kowokwambuza.

Nhelo ziyage

23Azo kahi ndo nhelo za wanhu wawele na luhala.Kuganilila wanhu kuli utaguso hakuwele kunojile.24Yoneche yalingumlonjela yawele na nongwa,“Kwahela nongwa,”kangupanjilwaga na wanhu na kuzudilwa na wanhu wa isi zinji.25Ila walinguwagaza wehile wowa na usangalalo,na utambichizo wokuya kwa hewo.26Kwidichila kwa hachi,ndo kota kumkumbatila goloko.27Ukole mijito ja hegwe kunze tandi,uwiche goya chila chinhu kumgunda,hamba uzenje ng'handa ya hegwe.28Uleche kulavya ulolezi kwa munhu youlingikalasa habehi ne chiwalo,ne kulonga udesi kwa heye.29Uleche kulonga, “Ndomdita kota vyoyanditile.Yangundapa nyhilule chibida.”30Nang'hola habehi ha mgunda wa mgata,mgunda wa mizabibu wa mpoka.31Ulole, miwa najali jotile kuli chila honhu,misolo najigubika honhu hake heng'ha,na lukanzi lwake lwa maganga lubomoka.32Nandola na kijesa,hamba nandilangusa.33Uwase hado hela, usinzile hado.Uswinize moko ga hegwe wesele hado.34Mhela awo uzunwa wokuvaba kota yalinguboka,kupunguchilwa kokuwinza kota muhizi.
expand_more
Search