Read YAASINƆ 24

YAASINƆ24bus_sim

¹Ǹtongↄ̃ lugaa gbɛ̃ zaaanↄ gwenaziro,ǹton kakↄ̃anyona ni dɛ sero,²zaakɛ yã gbãaa laasuu bé ègↄ̃ kú ń swɛ̃̀n,yãkete ègↄ̃ kú n lɛ́mmɛ.

³Ɔ̃ndↄ̃ↄn wè bɛ kpáɛo,làakari è tó àgↄ̃ pɛɛna.⁴Dↄ̃nan wè pↄ́ káo kpɛ́nↄ pakↄ̃n auziki maa bɛ̀ɛdeeo.

⁵Ɔ̃ndↄ̃dee gbãaa ègↄ̃ kaaramɛ,dↄ̃̀ri iko ègↄ̃ gaa aɛmɛ.⁶Baaru è tó wà zĩ̀ asãnsi dↄ̃,tó yãkɛkɛrinↄↄ pari, è tó wà zĩ̀ ble.

⁷Ɔ̃ndↄ̃ↄ lezĩ dɛ faasaideela,lakutu kↄ̃kakↄ̃aa guu à lɛ́ ègↄ̃ nakↄ̃anamɛ.

⁸Gbɛ̃ kɛ̀ ègↄ̃ zaakɛnnɛna laasuu vĩinwè à sísi mↄnafikide.⁹Yãfaasai wàaripana nɛ́ durummɛ,gbɛ̃ke ègↄ̃ ye faboriziro.

¹⁰Tó n mɛ̀kpɛtɛ kɛ̀ nawɛ̃akɛgurↄ,n gbãaa bítaro.

¹¹Ǹ gbɛ̃ kɛ̀ aↄ̃ mì pɛ̀ gaaanↄ mì sí,ǹ gí gbɛ̃ kɛ̀ aↄ̃ sòro wèe sii kaatɛnannↄnɛ.¹²Tó n bè: O'o, wá dↄ̃ yãro fá,Luda kɛ̀ nↄ̀sɛguuyã dↄ̃ é eroo?N wɛ̃̀ndi gwàri à yã dↄ̃,eé fĩa bo baadenɛ a yãkɛnaamɛ.

¹³Ma nɛ́, ǹ zↄ́ ble, zaakɛ à maa,zↄ́sa è kɛ lɛ́nɛ nna.¹⁴Lɛn ↄ̃ndↄ̃ↄ è kɛ gbɛ̃nɛ nna a nↄ̀sɛn lɛ.Tó n ↄ̃ndↄ̃ kũ̀, nɛ́gↄ̃ ziaa vĩ,tãmaa é n nɛro.

¹⁵Dàde, ǹton gbɛ̃ maaa ua kpákparo,ǹton à bɛ pↄ́nↄ kpokɛro.¹⁶Baa tó gbɛ̃ maaa lɛ̀ɛ gɛ̃̀n swɛɛplaa,è ɛara à fɛɛmɛ,zaakɛrinↄ sↄ̃, mↄ́nzi è ń fu.

¹⁷Tó n ibɛɛ lɛ̀ɛ, ǹton pↄnnaa kɛro,tó à fù, ǹton à yáa dↄro.¹⁸Tó Dii è lɛ, eé kɛnɛ nnaro,à pↄfɛ̃ é yãa n ibɛɛ pìamɛ.

¹⁹Ǹton tó gbɛ̃ zaaanↄ yã n kũ gbãaro,ǹton zaakɛrinↄ gwena ni dɛro,²⁰zaakɛ gbɛ̃ zaaa égↄ̃ ziaa vĩro,Luda é zaakɛrinↄ fitia tɛ́ dɛ.

²¹Ma nɛ́, ǹ vĩa kɛ Diinɛ kↄ̃n kínao,ǹton gbɛ̃nna kpá kↄ̃n gbɛ̃ kɛ̀ aↄ̃ bↄ̀ ń kpɛɛnↄoro,²²zaakɛ yã é ń le kãndomɛ.Dé bé à dↄ̃ lán weé ń ásaru kɛ nà?

Ɔ̃ndↄ̃deenↄ yãn yɛ̀ dↄ

²³Ɔ̃ndↄ̃deenↄ yãn yɛ̀ dↄ:Gbɛ̃wɛɛgwana yãkpaɛ guu maaro.²⁴Gbɛ̃ kɛ̀ è yã nnaa kpá taarideea,gbɛ̃nↄ é sa zaaa onɛ, boriinↄ é à ká.²⁵Gbɛ̃ kɛ̀ è yã da taarideela égↄ̃ à maaa ee,Luda é aubarika dan maamaa.²⁶Yãwenlana súusudɛ lán lɛ́pɛna lɛ́a bàmɛ.

²⁷Ǹ n bàazi zĩi kɛ ǹ n bura soru kɛ,nɛ́ gbasa ǹ kpɛ́ bo sa.

²⁸Ǹton n gbɛ̃daaa bↄbↄ a dàn pãro,ǹton tó n lɛ́ gbɛ̃nↄ sãsãro.²⁹Ǹton be: Mɛ́ kɛnɛ lán à kɛ̀mɛ nàro,kesↄ̃ mɛ́ fĩa bonɛ a yãkɛnaa.

³⁰Ma pã mɛade búnɛ,ma dↄ faasaidee geepiwɛ̃ búzi,³¹ben má è lɛ̀ bↄ̀ɛ à dàgula píngi,à sɛ̃̀ kù, gũ̀ kɛ̀ à bò kↄ̃n gbɛ̀o lɛ̀ɛ.³²Ma yã beee gwà ma laasuu lɛ̀a,ben pↄ́ kɛ̀ má è yã dàdamɛ.³³Tó n bè: Mɛ́ ii o féte, mɛ́ kámma bo féte,mɛ́ daɛ féte ↄkpana ma kùa,³⁴takaasi é bↄ n ã lán kpãi bà,pↄ́kɛ̃sãmma é mↄ́nzilán gbɛ̃ kɛ̀ gↄ̃kɛbↄ kũna bà.

YAASINƆ 24 / bus_sim

Ɔ̃ndↄ̃deenↄ yãn yɛ̀ dↄ

YAASINƆ24bus_sim