Read Yáasiↄ 24

Yáasiↄ24bqc_sim

¹Ńsu lua gbɛ̃vãiↄ gweaio,ńsu yãalɛańnↄ nidɛ seo.²Yã́ gbãa làasoo mɛ́ ìↄ kú ń sↄ̃u,yãkele mɛ́ ìↄ dↄ ń lɛ́u.

³Ɔ̃nↄ wì uakpaò,wɛzɛ̃ ì to àↄ báaa vĩ.⁴Dↄ̃a ↄ̃ wì pↄ́ kaò làasiↄ paiń àizɛɛ maa gawideo.

⁵Ɔ̃nↄna gbãa ìↄ kã́fĩɛ,dↄ̃na iko ìↄ dɛdɛɛ.⁶Zĩgbasɛlɛa ì to wà fↄ̃ wà zĩka,tó yãkɛkɛnaↄ dasi, ì to wà zĩble.

⁷Ɔ̃nↄ lɛsĩ dɛ faasaidea,wɛ̃́lɛ kↄ̃kãaa guu aà lɛ́ ìↄ kpaaũaɛ.

⁸Gbɛ̃́ pↄ́ ìↄ vãikɛanɛ́ làasoo vĩↄ̃ wì mɛ kↄ̃nide.⁹Yãfaasai wàaipaaá duunaɛ,gbɛ̃e líↄ ye gbɛ̃́laanikɛna gĩyãio.

¹⁰Tó n nzĩa bùsa taasiɛ,n yɛ̃̀ɛɛ mɛ́ bílao.

¹¹Gbɛ̃́ pↄ́ aa mipɛ̀ gawaↄ suaba,gbɛ̃́ pↄ́ aa sòo lɛ́ si kaalɛ guuↄ misi.¹²Tó n mɛ̀: Ó'o, wá dↄ̃ yãao fá,Lua pↄ́ nↄ̀sɛ guu yã́ dↄ̃ a eo lé?N wɛ̃ni Dↄ̃̀ana a yã́ dↄ̃,a fĩabo baadeɛ a yãkɛawaɛ.

¹³Ma nɛ́, zↄ́ ble, asa a naɛ,zↄsapuna ì kɛ lɛ́ɛ na.¹⁴Màa ↄ̃nↄ ì kɛ gbɛ̃́ɛ na a nↄ̀sɛu.Tó n ↄ̃nↄkũ̀, ńyↄ̃ↄ zia vĩ,mɛ́ tãmaa a n nɛo.

¹⁵Dàade, ńsu gbɛ̃maa ua kpákpao,ńsu ǹ aà pↄ́ↄ waawà a bɛo.¹⁶Baa tó gbɛ̃maa lɛ̀lɛ gɛ̃n sopla, ì ɛa fɛlɛɛ,vãikɛnaↄ sↄ̃, músi ì to aa fu.

¹⁷Tó n ibɛɛ lɛ̀lɛ, ńsu pↄnakɛo,tó à fù, ńsu tidↄaàlao.¹⁸Tó Dii è màa, a kɛɛ̀ nao,aà pↄkũma a wee n ibɛɛpiwaɛ.

¹⁹Ńsu to gbɛ̃vãiↄ yã́ n kũ gbãao,ńsu lua vãikɛnaↄ gweaio.²⁰Asa gbɛ̃vãi líↄ zia vĩo,Lua a vãikɛnaↄ tɛdɛ.²¹Ma nɛ́, vĩakɛ Diiɛ ń kíao,ńsu gbɛ̃́kpa ń gbɛ̃́ pↄ́ bↄ̀ ń kpɛↄo.²²Asa yã́ a ń le kã́ndoɛ.Démɛ dↄ̃ lá wa ń ásookɛi?

Ɔ̃nↄnaↄ yã́n kɛ lↄ

²³Ɔ̃nↄnaↄ yã́n kɛ lↄ:Gbɛ̃bↄbↄa'ↄsi yã́kpalɛ guu maao.²⁴Gbɛ̃́ pↄ́ ì yãnakpa tàaedewa,wa savãi'oɛ̀, buiↄ i ↄlɛlɛɛ̀.²⁵Gbɛ̃́ pↄ́ ì yã́'ĩikpawà aↄ maa e,Lua a báaadaaàgu maamaaɛ.²⁶Gbɛ̃́ pↄ́ ì yãwe gbɛ̃́wa wásawasalɛ́ lɛ́pɛwàɛ.

²⁷Ɔlia n buai a zĩↄ láa,ní gbasa kpɛdↄ sa.

²⁸Ńsu bↄbↄ ń n gbɛ̃́deeo pão,ńsu to n lɛ́ gbɛ̃́ↄ sã́são.²⁹Ńsu mɛ: Má kɛɛ̀ lá a kɛ̀mɛɛwaɛo,ge má fĩaboɛ̀ a yãkɛawaɛo.

³⁰Ma pã màade bua,ma dↄ ↄ̃nↄkɛ̃sãmade vɛ̃ɛbui,³¹ↄ̃ má è lɛ bↄ̀lɛ dàgua píi,à sɛ̃kù, gĩ pↄ́ a bò ń gbɛo kwɛ̀.³²Ma yã́pi gwà, ma làasookɛ̀wà,ↄ̃ yã́ pↄ́ má èpi yãdàdamɛɛ.³³Tó n mɛ̀: Má i'o yↄↄ, má kã́mabo yↄↄ,má wúlɛ yↄↄ ↄkpaa ma kùɛ,³⁴pↄtaasi a n zãmakɛ lán kpã́iwa,pↄ́ nↄana i mↄma lán gↄ̃kɛbↄdewa.

Yáasiↄ 24 / bqc_sim

Ɔ̃nↄnaↄ yã́n kɛ lↄ

Yáasiↄ24bqc_sim