Read Yáasiↄ 23

Yáasiↄ23bqc_sim

¹Tó n mↄ pↄblei ń gbãadeo,ǹyↄ̃ dↄ̃ gbɛ̃́ pↄ́ kú n aɛ.²Tó asiaden n ũ,fɛ̃na da n kòlowa.³Ńsu to aà pↄ́ níside n wɛ́ bleo,asa blɛpiá kokoazuanɛɛ.

⁴Ńsu ĩada nzĩawa ↄ zↄ̃ↄ ea yã́io,ǹ nzĩa ↄ̃nↄ tó.⁵Wì wɛ́lɛ ↄ̃awaɛ ↄ̃ ì gɛ̃zɛa,ì gã̀sĩa bↄ ì vua lán yãamusuwa.

⁶Ńsu bĩide blɛ bleo,ńsu to aà pↄ́ níside n wɛ́ bleo,⁷asa ìↄ a ↄ̃a nao a nↄ̀sɛuɛ.Ì onɛ ǹ pↄble ǹ imi, ãma aà pↄ dↄmao.⁸Ńyↄ̃ a miↄna pↄ́ ń blè pisiɛ,aà sáau pↄ́ ń kpà i kɛ pã.

⁹Ńsu yã'o sↄũ swã́uo,asa a sakanɛ n ↄ̃nↄyãuɛ.

¹⁰Ńsu kↄↄ baa vĩo,ńsu nɛtonɛↄ bú lɛ ǹ ka n pↄ́uo.¹¹Asa an Zɛnnↄde gbãa,a bↄ n kpɛɛ, i yã́sińnↄ.

¹²Lɛdama da n sↄ̃u,swã́sɛ dↄ̃ayãi.

¹³Ńsu gí n nɛ́ totoio.Tó ń gbɛ̃̀ ń flão, a gao.¹⁴Ǹ aà gbɛ̃ ń flão,ǹ aà bↄ ga lɛ́zĩ.

¹⁵Ma nɛ́, tó n nↄ̀sɛ paaa,ma pↄna a kɛ zài.¹⁶Tó yã́zɛde lɛ́ bↄ n lɛ́u,ma nↄ̀sɛ a yáalↄ.

¹⁷Ńsu duunkɛnaↄ gwea nidɛo,ǹyↄ̃ Dii vĩa vĩ gↄↄpii.¹⁸Asa ńyↄ̃ↄ zia vĩɛ,mɛ́ tãmaa a n nɛo.

¹⁹Ma nɛ́, ma yãma, ní ↄ̃nↄkũ,to n laai àↄ ku yã́zɛdekɛawa.²⁰Ńsu yãalɛ ń wɛ̃dɛnaↄo,ńsu ǹyↄ̃ ku lɛ́'udeↄ guuo.²¹Asa wɛ̃dɛna ń lɛ́'udeo ì gↄ̃ puaɛ,an mɛkɛmuuna ì ń da zwã̀nkasa yeauɛ.

²²Ǹ n de'ia yãma,tó n da zikũ̀, ńsu sakaaàguo.²³Ǹyↄ̃ sĩana yá, ńsu zɛɛ̀o,ↄ̃nↄ ń yãdanɛo ń wɛzɛ̃o wɛɛlɛ.²⁴Gbɛ̃maa mae pↄ ìↄ na maamaaɛ,ↄ̃nↄna de'ia mikpɛ ìↄ tɛ́vuɛ.²⁵To n de ń n dao pↄ àↄ nama,to n da'ia yáalↄma.

²⁶Ma nɛ́, ǹ n nↄ̀sɛ wɛ̃mɛɛ,wɛ́tɛ ma yãkɛai.²⁷Asa káaluaá ɛ̀ zòoloɛ,nↄɛ dↄ́ɛ'ĩideá tↄ̃ↄ kpaolonaɛ.²⁸Ì gbɛ̃́ kpákpa lán kpã́iwɛliwɛwa,ì to gↄ̃ɛ daside gↄ̃ náaisaiɛ.

²⁹Dé wì waiyookɛɛ̀i?Dé wì ó'o kɛɛ̀i?Démɛ lɛkpaa vĩi?Démɛ zↄa vĩi?Démɛ ì kɛ'ĩa pãi?Dé wɛ́ mɛ́ tɛ̃ai?³⁰Gbɛ̃́ pↄ́ aaì sɛ̀ɛ dɛ wɛ̃ tùui,aaì gɛ́ kpálɛkɛi vɛ̃ɛ yãalɛaiↄnɛ.³¹Ńsu wɛbii vɛ̃ɛwa a tɛ̃akɛ n wɛ́ bleo,asa ìↄ pipi kɛɛona guuɛ, mɛ́ a gɛ̃a lɛ́u ìↄ na.³²Gbɛzã a swaa kĩma lán mlɛ̃waɛ,i n gbã à n kũ lán píligonawa.³³Ńyↄ̃ wɛsi pↄ́ pↄ́ ni e yãaolɛ,ńyↄ̃ làasoo kpaanlakɛ n sↄ̃u.³⁴Ńyↄ̃ↄ dɛ lán gbɛ̃́ pↄ́ wúlɛa gó guu ísiaawa,lán gbɛ̃́ pↄ́ kú gó zwã̀a misonaawa.³⁵Ńyↄ̃ mɛ: Wà ma gbɛ̃, i ↄ̃ao,wà ma kɛ búubuu, mi a wãwãmao.Bↄɛ ma wɛ́ a wee mà í wɛɛlɛ mi lↄi?

Yáasiↄ 23 / bqc_sim

Yáasiↄ23bqc_sim