Read Fakkeenya 22

Fakkeenya22gaz_bib

¹Maqaan gaariin badhaadhummaa guddaa caalaa filatamaa dha;kabajamuunis meetii fi warqee caala.

²Wanni sooressaa fi hiyyeessa wal fakkeessu kanaa dha:Uumaan hunda isaanii Waaqayyoo dha.

³Namni hubataan balaa argee jalaa dhokata;wallaalaan immoo ittuma deemee adabama.

⁴Gad of qabiisnii fi Waaqayyoon sodaachuun,qabeenya, ulfinaa fi jireenya namaa kennu.

⁵Karaa hamootaa irra qoraattii fi kiyyootu jira;namni lubbuu isaa eeggatu garuuwaan kana irraa fagaatee jiraata.

⁶Daaʼima tokko karaa inni irra deemuu qabu barsiisi;inni gaafa dulloome iyyuu karaa sana irraa hin jalʼatu.

⁷Sooressi hiyyeessa bulcha;liqeeffataan garbicha liqeessituu ti.

⁸Namni hammina facaasu rakkina haammata;uleen aarii isaas ni hurraaʼaa.

⁹Namni arjaan waan nyaata isaa hiyyeeyyiif qooduufofii isaatii ni eebbifama.

¹⁰Qoostuu of biraa ariʼi; lolli ni qabbanaaʼaa;wal diddaa fi arrabsoonis hin jiraatu.

¹¹Nama qulqullina garaa jaallatuu fidubbiin isaa namatti tolu mootiin michuu isaaf taʼa.

¹²Iji Waaqayyoo xiyyeeffatee beekumsa ilaala;inni garuu dubbii nama hin amanamnee ni busheessa.

¹³Dhibaaʼaan, “Leenci ala jira!Ani karaa gubbaatti nan ajjeefama!” jedha.

¹⁴Afaan ejjituu boolla gad fagoo dha;namni dheekkamsa Waaqayyoo jala jiru achi keessa buʼa.

¹⁵Gowwummaan yaada daaʼimaa keessatti hidhameera;uleen ittiin adaban garuu irraa fageessa.

¹⁶Namni qabeenya isaa guddifachuuf jedheehiyyeessa hacuucuu fi kan sooressaaf kennaa kennu ni deega.

Jecha tokkoffaa

¹⁷Qalbeeffadhuutii waan namni ogeessi jedhu dhaggeeffadhu;yaada kees gara waan ani barsiisuutti deebifadhu;¹⁸yoo ati qalbiitti qabatteehunduma isaa hidhii kee irratti qopheeffattewanni kun nama gammachiisaatii.¹⁹Akka abdiin kee Waaqayyo taʼuufani harʼa suma mataa kee iyyuu nan barsiisa.²⁰Ani jecha soddoma, jecha gorsaatii fibeekumsaa siif hin barreessinee?²¹Kanas ani akka ati warra si erganiifdeebii dhugaa kennituuf waan qajeelaa fidhugaa si argisiisuufin barreesse mitii?

Jecha lammaffaa

²²Ati sababii inni hiyyeessa taʼeef jettee hiyyeessa hin saamin;rakkataas mana murtiitti hin cunqursin;²³Waaqayyo dubbii isaanii ni ilaalaaf;jireenya warra isaan saamaniis ni saamaatii.

Jecha sadaffaa

²⁴Nama dafee aaru michuu hin godhatin;nama akka salphaatti dheekkamu wajjinistokkummaa hin qabaatin;²⁵yoo kana goote karaa isaa baratta;ofii kees kiyyootti galchita.

Jecha afraffaa

²⁶Nama harka dhaʼee waadaa galuyookaan nama liqii namaatiif wabii taʼu hin taʼin;²⁷yoo ati waan baaftu dhabde,sireen kee iyyuu si jalaa fudhatama.

Jecha shanaffaa

²⁸Dhagaa daarii durii,kan abbootiin kee dhaaban hin dhiibin.

Jecha jaʼaffaa

²⁹Nama hojii isaa keessatti ogummaa qabu argitee?Inni fuula moototaa dura dhaabata;fuula namoota kaanii dura garuu hin dhaabatu.