Read YAASINƆ 22

YAASINƆ22bus_sim

¹Tↄ́ nnaa dɛ auzikila,nna kↄ̃n gbɛ̃nↄo dɛ vura kↄ̃n kondogiola.²Auzikidee kↄ̃n takaasideeo kãsãa dↄ̃nkↄ̃mɛ,Dii bé à ń kɛ́ ń píngi.³Làakaridee è gĩakɛ à à zaaa e à utɛnɛ,ↄ̃ndↄ̃saidee ègↄ̃ gaa ai à wɛ́ɛtãmma e.⁴Zĩndabusana kↄ̃n vĩakɛna Diinɛo gbɛ̀nauziki kↄ̃n bɛ̀ɛo kↄ̃n wɛ̃̀ndio ũ.⁵Lɛ̀ kↄ̃n takutɛɛo kú gbɛ̃ dↄ̀rↄsaide zɛ́n,gbɛ̃ kɛ̀ ye aafiazi è kɛ̃ḿma.⁶Ǹ nɛ́ féte da zɛ́ kɛ̀ dɛ à sɛ́a,tó à ìsi kũ̀, eé kɛ̃aro.⁷Auzikidee è gbãaa mↄ takaasideenɛ,pↄ́sɛ̃kãri è zↄ̀ ble pↄ́deenɛ.⁸Gbɛ̃ kɛ̀ à à zaaa tↄ̃̀, adee é yã e à kɛ̃gurↄ,à pãsĩkɛgo é à gbɛ̃.⁹Luda é aubarika da gbɛ̃ kɛ̀ gbɛ̃kɛɛ vĩinkɛ̀ è pↄ́blee kpaatɛ takaasideenↄnɛ yãnzi.¹⁰Ǹ pɛ́ faboria, swèe é mì dɛ,yãkete kↄ̃n wío é yãa.¹¹Nↄ̀sɛpuradee kɛ̀ à lɛ́gbɛ nnabé eégↄ̃ dɛ kína gbɛ̃nna ũ.¹²Dii wɛ́ɛ ègↄ̃ tɛ́ dↄ̃nazi,è mìkpɛɛ zu náanɛsaide yãnɛ.¹³Mɛadee è be músu kú bàazi,tó ma bↄ, eé ma dɛ gãalɛ.¹⁴Kaarua lɛ́ nɛ́ wɛ̀ɛ zòotomɛ,gbɛ̃ kɛ̀ Dii pↄↄ fɛ̃̀o è lɛ́ɛ à sin.¹⁵Faasaiyã ègↄ̃ kú nɛ́nↄ swɛ̃̀n,totona kↄ̃n flã̀o é tó aↄ̃ kɛ̃a.¹⁶Gbɛ̃ kɛ̀ è wɛ́ɛ tã takaasideea lɛ à a auziki kaarakↄ̃n gbɛ̃ kɛ̀ è gba da ↄↄdeenɛo, aↄ̃ píngi é kɛ̃sã.

Ɔ̃ndↄ̃deenↄ lɛ́damma

¹⁷Ǹ swã kpá ǹ ↄ̃ndↄ̃rinↄ yã'onnɛna ma,ǹ n nↄ̀sɛ wɛ̃ ma yãdannɛnanɛ,¹⁸zaakɛ à nna ǹgↄ̃ kũna n swɛ̃̀ guu,àgↄ̃ kú n lɛ́mmɛ.¹⁹Baa mpi, mɛ́ɛ yã daannɛ gbã̀a,lɛ ǹgↄ̃ Dii náanɛ vĩ yãnzimɛ.²⁰Ma yã'onnɛna kɛ̃̀nnɛ mɛ̀n baaakuri,yã pìnↄ lɛ́damma kↄ̃n dↄ̃nao vĩ.²¹Mɛ́ɛ yãpuraa kɛ̀ náanɛ vĩi daannɛ,lɛ ǹ e ǹ yã weńla a zɛ́amɛ.

²²Ǹton gbãasaidee ble à gbãasaikɛ yãnziro,ǹton gbãaa mↄ wɛ̃ndadeenɛ yãkpaɛkɛkiiaro,²³zaakɛ Dii é yã síńyo,eé wɛ́ɛ tã gbɛ̃ kɛ̀ aↄ̃ↄe wɛ́ɛ tãaḿmanↄa.

²⁴Ǹton gbɛ̃nna kpá kↄ̃n pↄfɛ̃rioro,ǹtongↄ̃ tɛ́ kↄ̃n pɛ̃tɛ̃deeoro,²⁵lɛ ǹton à dà sɛ́ɛǹ n zĩnda kpá yãziro yãnzi.

²⁶Ǹton gbɛ̃ke fĩa di n musuro,ǹton kpɛ́gaau sɛ́nɛro.²⁷Tó ń pↄ́ke vĩ ǹ fĩa booro,weé n daɛbↄ sɛ́ n gĩzĩ.

²⁸Ǹton tↄↄtɛ lɛ́ sèeda zii wurɛro,n dezinↄ bé aↄ̃ pɛ̀ɛ.

²⁹N gbɛ̃ kɛ̀ à a zĩi dↄ̃ maamaaa èↄ́?Adee é zĩi kɛ kínanↄnɛ,èe kɛ talakanↄn eé kɛńnɛro.

YAASINƆ 22 / bus_sim

Ɔ̃ndↄ̃deenↄ lɛ́damma

YAASINƆ22bus_sim