YAASINƆ20bus_sim
1Wɛ̃ɛ è lalandi zĩḿma,í gbãaa è ń da yãbↄɛn,gbɛ̃ kɛ̀ tò à a dɛ ↄ̃ndↄ̃ↄ vĩro.2Kína pↄfɛ̃na dɛ lán músu pũtãna bà,gbɛ̃ kɛ̀ tò à pↄ fɛ̃̀ a zĩnda kpà gaazimɛ.3Baasina lɛokpakↄ̃anɛ bɛ̀ɛ vĩ,faasaideenↄ è kasakɛ swèe kɛro.4Mɛadee è bú wí a gurↄↄaro,tó à gàa bura pↄ́kɛ̃gurↄ, è pↄ́ke ero.5Gbɛ̃ntee nↄ̀sɛguuyã nɛ́ í lↄ̀mɛ,mↄde asánsidee bé à yã pìnↄ tↄna dↄ̃.6Gbɛ̃ paridee è a maakɛna yã o,mↄde bↄna gbɛ̃ náanɛdeea zĩ'ũ.7Gbɛ̃ maaa ègↄ̃ kuu taari sai,aubarikadeenↄn nɛ́ kɛ̀ à ń tónↄ ũ.8Kína kɛ̀ vɛ̃ɛna a yãkpaɛkɛkiiaè à zaa píngi dↄ̃ a wɛ́ɛ guu à plɛkↄ̃tɛ.9Dé bé é fↄ̃ à o kɛ̀ a nↄ̀sɛ yãke vĩro,á kuu durun sai wásawasaa?10Kilooyↄ̃na zaaa kↄ̃n mↄnafiki zakao,Dii zà beeenↄn píngi.11Baa kↄ̃kↄ̃'ona guu wè dↄ̃ nɛ́a,tó à yãkɛna maa ke à zɛ́ vĩ.12Swã kɛ̀ wè yã mao kↄ̃n wɛ́ɛ kɛ̀ wè guu eoo,Dii bé à ń kɛ́ ń píngi.13Tó ń ye i'onazi, nɛ́ gↄ̃ takaasidee ũmɛ,ǹ itɛ̃, pↄ́blee é mↄ́mma.14Pↄ́luri è be: À maaro! À maaro!Tó à kào aɛ, è a zĩnda sáabu kpá.15Vura kun, ben òso din,mↄde dↄ̃na kuuna lɛ́mmɛ gbɛ̀ bɛ̀ɛdee ũ.16Tó gbɛ̃ nibↄ fĩa dì a musu,ǹ à uta sí ǹgↄ̃ kũna tↄↄba ũ adee gɛ̃ɛ ũ.17Dibidibi pↄ́blee ègↄ̃ nna gbɛ̃nɛmɛ,è yãa à gↄ̃ n lɛ́n lán gbɛ̀wa bà.18Ǹ zɛ yão lɛ́damma musu,ǹ yã gwa maamaa, nɛ́ gbasa ǹ zĩ̀ ká.19Kↄmↄtↄdee ègↄ̃ lili oo kↄ̃n danↄ asiiyãomɛ,ǹton kakↄ̃a kↄ̃n yãbↄɛrioro.20Gbɛ̃ kɛ̀ à a de ke a da kà,à fitia é ga gusia níginigimmɛ.21Túbiblena idɛ wahaakɛsaiègↄ̃ aubarika vĩ zãaro.22Ǹton à zaaa gɛ̃ɛbona laasuu lɛ́ro.Ǹ sↄ̃kpa Diizi à n mì sí.23Dii zà kilooyↄ̃na zaaan,mↄnafiki zaka è kɛnɛro.24Dii bé è gbɛ̃ntee kɛ̀sɛ da zɛ́a.Dian gbɛ̃ é yã kɛ̀ eé kɛ zɛ́ dↄ̃ↄ?25Gba lɛ́gbɛ̃na Ludanɛ kpaakpaa kari vĩ,nɛ́ yãa ǹ laasuu lɛ́ lù kɛ̀ ń sɛ̀nɛ pìa.26Kína ↄ̃ndↄ̃dee è gbɛ̃ zaaanↄ plɛplɛà ń ká gbɛ̀n à ń agaa pá.27Dii fitia è gbɛ̃ntee laasuu pu,è nↄ̀sɛguuyã tàasi kɛ píngi.28Gbɛ̃kɛɛ kↄ̃n náanɛon kína dãkparinↄ ũ,maakɛna è à kpata kãsã pɛ́ɛ.29Gↄ̃kparɛnↄ gbãaamɛ ń ĩadãbↄ ũ,mare ìsinↄ mìkã puraamɛ ń gakui ũ.30Wɛ́ɛtãmmana è à zaaa kɛ̃ḿma,flã̀ ↄ̃amma è yã bɛ̃̀ɛ nↄ̀sɛn.