Obwîrhonzi bunalange omuntu oku bîra babî
1Mwâna wâni, erhi wankayankirira ebinwa byâni, okanabîkirira amarhegeko gâni oku murhima gwâwe,2Okanarhega oburhimanya okurhwiri, onayêrekezagye omurhima ebwa makengu.3Nêci, erhi wankadôsa emirhima, erhi wankalakira obukengêre,4Erhi wankabulongereza kula balongereza ensaranga erhi wankabusikimba kula bahûmba obuhirhi,5Ago mango wanayumva okurhînya Nyakasane kwo kuderha kurhi, wanabandâna okurhînya Nyakasane.6Nyamuzinda ye hâna oburhimanya, Omu kanwa kâge mwo murhenga obumanye n’obumva.7Abashinganyanya bo abîkîre obucire bwâge, yêne ye mpenzi ya balya basêza obudahemuka,8Yêne ye mulanzi w’enjira z’obushinganyanya, ye mulanzi w’enjira z’abemêzi bâge.9Ago mango wanamanya kurhi omuntu ashinganyanya, Kurhi abâ ntagengwa na kurhi arhondêza! Njira za bucire ezo zoshi.10Amango omurhima gwâwe gwâjâmwo oburhimanya, n’obumanye bushagaluse omurhima gwâwe11Ago mango, obwîrhonzi bwanakulânga, n’obumva bwânakubîka.12Kuderha mpu bakuyâse njira mbî, bakuyâse omuntu w’ebinwa by’obulyâlya,13Bakuyàse balya bakàlekêrera enjira nnungêdu; balya bajà babûnda-bûnda omu njira z’omwizimya;14Balya bayumva basîmire okukola amaligo, banunirwe n’okubêra omu mahabwe.15Enjira zâbo zibà za binzongo-nzongo, n’emikâba bayishamwo erhabà eshongîre.16Obwîrhonzi bwâkulanga oku mukazi w’embuga , oku mukazi mugenzi n’oku binwa byâge by’olubohôlolo;17Olya walesire owâbo bàkulaga bo naye, àyibagire eciragâne ca Nyamuzinda wâge.18Enyumpa yâge ehengemire ebwa lufù, n’enjira zâge yo ziyêrekîre ebwa mpehema.19Abajà emunda ali boshi barhalimwo ôgaluka, barhacifà bâlabasire omu njira z’akalamo.20Ntyo kwo walambagira omu njira y’abantu nkana, kwo walanga enjira y’abashinganyanya.21Bulyâla abantu bashinganyanya bo bâyishirya ecihugo , entagengwa zo zâyishicibêramwo;22Ci abaminya bôhe kukûlwa bayishikûlwa omu cihugo. Endyâlya kukagwa zâyishicikagwâmwo.