1Mwana ya munu, kana nge ndima mambu ya munu,kana nge bumba mbote bantumunu ya munu mutindu kimvwama,2kana nge teka makutu ya nge na kuwa mambu ya ndwenga,kana nge fungula ntima ya nge samu na kubakula yawu,3ya tsyelika, kana nge bokila mayela,kana nge ke na kubakula,4kana nge sosa yawu mutindu mbongo,kana nge landa yawu mutindu kimvwama ya kubumbama,5na yina, nge ke zaba yinki zola kutuba kuzitisa Yave.Mpe nge ke kuzwa luzabu ya Nzambi.6Samu ti Yave ke pesaka ndwenga,luzabu mpe mayela ke basikaka na yinwa ya yandi.7Yandi ke kubikaka lusalusu ya yandisamu na bantu ya kusungama,yandi kele kinwanunu yina ke kebaka nzutusamu na bayina ke na ndyatulu ya kulunga.8Yandi ke sadisaka bayina kele na ndyatulu ya kusungama,yandi ke kengidilaka bayina kele ya kukwikama na yandi.9Na yina, nge ke bakula yinki kele kutambula na ludedomo,kusala mbote mpe kuvwanda ya kusungama,ni bima nyonso yayi kele nzila ya buyenge.10Na yina, ndwenga ke kota na ntima ya nge,mpe luzabu ke sala ti mwela ya nge kuvwanda na kyese.11Mayindu ya mbote ke keba nge,mayela ke vuukisa nge.12Yawu ke kabikisa nge na kusala yimbi,yawu ke keba nge na muntu yina ke basisaka mambu ya luvunu.13Yawu ke keba nge mpe na bayina me bika na kulanda nzila ya kusungama,samu na kulanda banzila ya kitombe.14Bawu ke sakanaka na yimbi,bawu ke yangalalaka na kusala yimbi.15Bawu kele na ndyatulu ya kutengama,bawu ke tambulaka na banzila yina kele ve ya kusungama.16Na yina, nge ke kangama ve na kento ya ngana,nge ke kangama ve na kento ya nzenza yina ke lebaka babakala,17kento yina bikaka bakala ya yandi ya buntwenya,kento yina zimbanaka ngwisani ya Nzambi ya yandi.18Samu ti kento ya mutindu yina, mvwandulu ya yandi ke na kubwisa yandi na lufwa,ndyatulu ya yandi ke na kunata yandi na yinsi ya bafwa.19Konso bakala yina ke kwendaka na sika ya yandi ke vutukaka dyaka ve,yandi ke zimbanaka nzila ya luzingu.20Na yina, nge ke tambula na banzila ya bantu ya mbote,nge ke vwanda na mvwandulu ya bantu ya kudedama.21Samu ti bantu ya kusungama ke zinga na yinsi,bantu yina ke na ndyatulu ya kulunga ke zingila na yinsi.22Kasi bantu ya yimbi ba ke katula bawu na yinsi,ba ke bingisa bantu yina kele ve ya kukwikama.