Read ሌሚሶ ማጻፋ 2

ሌሚሶ ማጻፋ2gmv_etw

ኣ ኤራቴፌ ቤቲዛ ኣንጆ

¹ታ ናዞ! ኔኒ ታ ቃላ ሲዪኮ፥ታ ኣዛዞካ ኔኒ ኔ ዎዚናን ዎኮ፥²ኔ ሃይ ኣ ኤራቴኮዛሪኮ፥ኔ ዎዚና ኣኬካኮኔ ዛሪኮ፥³ሻኪ ኤሪሲዛ ኤራቴኔ ኮይኮ፥ኔ ቃላ ቁ ሂስታዳኣኬካ ጼይጊኮ፥⁴ኢዞካ ቢራ ኮይዛ ማላኔ ኮይኮ፥ቆታን ዲዛ ኣቆታ ማላኔ ኢዞ ሚን ኮይኮ፥⁵ሄ ዎዴ ኔኒጎዳስ ያሻቴ ኣኬካና፤ጾሳካ ሎኤዳ ኤራና።⁶ጎዳይ ኣ ኤራቴኢሚዛ ጊሻስኢዛፔ ኤራቴኔኣኬካይ ቤቴስ።⁷ኢዚ ሱሬታስ ጾኖ ሚንጄስ፤ኢስታ ቦላ ዎሶይ ባይንዳይታስጎንዳሌ ጊዴስ።⁸ሱሬ ፒርዳ ኦጌ ናጌስ፤ባስ ኣማኔቲዛይታሄሜ ሚንስ።⁹ሄ ዎዴ ኔኒ ጺሎቴ፥ሱሬ ፒርዳ፥ጌላይ ባይንዳ ፒርዳኔሎኦ ኦጌ ኡባ ሻካ ኤራና።¹⁰ጋሶይካ ኣ ኤራቴኔ ዎዚናን ጌላና፤ኤራቴይካኔ ሼምፖ ኡፋይሳና።¹¹ሻኪ ኤሮይ ኔስ ጎንዳሌ ጊዳና፤ኣኬካይካ ኔና ናጋና።¹²ኣ ኤራቴ ኔናኢታ ኣሳታ ኦጌፔ ኣሻና፤ጌላ ሃሳይዛይታፔካ ኔና ናጋና።¹³ኢስቲ ማ ኦጌን ባናስሱሬ ኦጌ ኣጊዛይታ፤¹⁴ኢስቲ ኢታ ኦሶን ኡፋዬቲዛይታ፤ጌላ ኦጌን ሆምቦጪዛይታ።¹⁵ኢስታ ኦጌይ ጌላ፤ኢስታ ሄሜታይ ሚርቄ።

¹⁶ኣ ኤራቴላይማ ማጫሳፌ ናጋና፤ባ ኢንጻርሳን ጪሚዛሪፔኔና ኣሻና።¹⁷ኢዛ ባ ዬላጋቴኣዚና ኣጊዳሮ፤ጾሳ ሲንን ጌሊዳጫቆ ቃላ ካዳሮ።¹⁸ኢዚ ሶ ቤ ሃይቆስ ጋስ፤ኢዚ ኦጌቲካሞይቲሌታ ዱላታን ጋቴስ።¹⁹ኢዚኮ ጌሊዳኦኒካ ጉዬ ሲሜና፤ዴኦ ኦጌካ ዴሜና።

²⁰ሄሳ ጊሻስ ኔኒሎኦ ኣሳታ ሌሚሶ ካላ፤ጺሎታ ኦጌን ሄሜታ።²¹ሱሬ ኣሳቲ ቢታ ቦላ ጋምኣና፤ዎሶይ ባይንዳ ኣሳቲካኢዚ ቦላ ሚኒ ዳና።²²ጊዶ ኣቲን ኢታቲ ቢታፌ ያና፤ኣማኔቶንታይቲካ ቃሌታና።

ሌሚሶ ማጻፋ 2 / gmv_etw

ኣ ኤራቴፌ ቤቲዛ ኣንጆ

ሌሚሶ ማጻፋ2gmv_etw