Read YAASINƆ 19

YAASINƆ19bus_sim

¹Kuuna takaaside taarisaidee ũu maadɛ kuuna yↄ̃nkↄ yãzaa'ori ũula.²Aĩa vĩna dↄ̃na sai maaro,wãna bíta è ń kɛ̃ zɛ́amɛ.³Gbɛ̃ntee faasaikɛɛ è zɛ́ yakanɛ,ben è Dii taari e.⁴Auziki è tó wà gbɛ̃nna e pari,takaaside gbɛ̃nna è kɛ̃amɛ.⁵Sèeda ɛgɛdee é bↄ pãro,ɛgɛdee é gí wɛ́ɛtãmma eziro.⁶Gbɛ̃ paridee è kpatableri tↄ́ nnaa sí,baade píngi ègↄ̃ yezi gbadari gↄ̃ dɛ a gbɛ̃ ũmɛ.⁷Takaasidee danɛnↄ è pã kpázimɛ,weé à gbɛ̃nnanↄ kɛ̃ana o dↄro.Tó èe wɛtɛɛ à yã ońyo,aↄ̃ègↄ̃ kú bɛro.⁸Gbɛ̃ kɛ̀ èe ↄ̃ndↄ̃ kũu ye a zĩndazimɛ,gbɛ̃ kɛ̀ ye làakarizi è à maaa e.⁹Sèeda ɛgɛdee é bↄ pãro,ɛgɛtori é kaatɛ.¹⁰Lán nnamana e kↄ̃si kↄ̃n yↄ̃nkↄↄo nàro,lɛn zↄ̀ kíblena wɛ̃ɛnɛnↄa e kↄ̃sioro lɛ.¹¹Làakaridee pↄↄ è fɛ̃ kpaaro,lákana taarilan à ĩadãbↄ ũ.¹²Kína pↄfɛ̃na dɛ lán músu pũtãna bà,à maakɛnnɛna dɛ lán mↄdↄpisina sɛ̃̀a bàmɛ.¹³Nɛ́ yↄ̃nkↄↄn a de yakana ũ,nↄ swèedee dɛ lán ítↄ̃tↄ̃na zɛna sai bàmɛ.¹⁴Wè bɛɛ kↄ̃n a auzikio e túbi ũmɛ,mↄde nↄ làakaride ena è bↄ Dii kiiamɛ.¹⁵Mɛakɛna è ń da ibita'onan,nↄaa è gbɛ̃ gina dɛ.¹⁶Gbɛ̃ kɛ̀ è yã'onnɛna da è a wɛ̃̀ndi dãkpa,gbɛ̃ kɛ̀ è a zĩnda yãkɛna daroo é ga.¹⁷Gbɛ̃ kɛ̀ wɛ̃nda dↄ̃̀ takaasideenɛ pↄ́ sɛ̃̀kã Diinɛmɛ,àmbe é à yãkɛnanↄ fĩa bonɛ.¹⁸Ǹ n nɛ́ toto a gurↄↄa,mↄde ǹton tó à gɛ̃ ↄla ai à garo.¹⁹Pↄfɛ̃bitadee é fĩa bomɛ,tó n à bò, à bona égↄ̃ lɛ́ vĩro.²⁰Ǹ lɛ́damma ma ǹ totona sí,lɛ ǹ ↄ̃ndↄ̃ kũ gurↄ aɛzĩ yãnzi.²¹Laasuu kú gbɛ̃ntee nↄ̀sɛn pari,mↄde yã kɛ̀ Dii zɛ̀o bé è kɛ.²²Gbɛ̃kɛɛn wè wɛtɛ gbɛ̃nteea,takaasidee maa dɛ ɛgɛdeela.²³Vĩakɛna Diinɛ è mↄ́ wɛ̃̀ndio,gbɛ̃ kɛ̀ vĩi è ii o làakario kpaɛna,à zaaa è à lero.²⁴Mɛadee è ↄ gɛ̃ taanà fua à pↄ́blee lí à da a lɛ́n.²⁵Ǹ fabori gbɛ̃, yↄ̃nkↄↄ é gↄ̃ làakari vĩ,ǹ kpãkɛ̃ làakarideezi, eé yã dada.²⁶Nɛ́ kɛ̀ è a de gbɛ̃ à pɛ́ a daa nɛ́nɛ́ gina kɛ̀ è wí daḿmamɛ.²⁷Ma nɛ́, tó n kámma bò kↄ̃n lɛ́dammamanao,n pã yãdↄ̃nanɛn gwe.²⁸Sèeda zaadee è yãzɛdee fabo,zaakɛri è à zaaa mↄ́mↄ zaa.²⁹Gò logona faborinↄla,gbɛ̃nan yↄ̃nkↄↄnↄ pↄ́ ũ ń kpɛɛa.

YAASINƆ 19 / bus_sim

YAASINƆ19bus_sim