Read Yáasiↄ 18

Yáasiↄ18bqc_sim

¹Zĩa pↄeã mɛ́ ì dↄaa gbɛ̃́ pↄ́ ì kɛ̃́máɛ,ì fɛ̃́ńzi lɛdama píi musu.²Sↄũ lí pↄnakɛ wɛzɛ̃ yã́ musuo,yã́ pↄ́ dɛ̀dɛwà ↄ̃ ì o.³Vãikɛa ì mↄ́ ń sakanguoɛ,kpɛbↄyã ì láani inɛ́.⁴Gbɛ̃nazĩna lɛgbɛ dɛ lán ísiwaɛ,lán swa'i bàalɛa ge ↄ̃nↄ lↄ̀ↄwa.⁵Kɛa vãikɛnaɛ kɛ̀kɛge yãkɛkɛa yãesaideɛ ↄkpɛai maao.⁶Sↄũ lɛ́ ì aà da sòleu,aà yã'oa ì aà kpa gbɛ̃ai.⁷Sↄũ lɛ́ ì aà ↄ̃̀ↄkpa,aà yã'oa ì aà kũ lán baiwa.⁸Gbɛ̃pena yã́ ì kɛnɛ́ lán zↄ́wa,ì gɛ̃ lɛ́u dↄ̃̀ↄ e nↄ̀sɛ kpɛau.⁹Gbɛ̃́ pↄ́ ì pãkpa a zĩiá músi dãunaɛ.¹⁰Dii tↄ́á ulɛkĩi lɛsĩɛ,gbɛ̃maa ì bàalɛ à azĩa yeu.¹¹Ɔde àizɛɛ ìↄ dɛɛ̀ wɛ̃́lɛ kàede ũ,a dɛɛ̀ bĩ́i pↄ́ wa fↄ̃ dɛdɛwào ũ.¹²Zĩasɛa lɛsĩ ì mↄ́ gbɛ̃́ɛ ń lɛ́lɛaoɛ,zĩabusaa ì mↄ́ ń bɛɛɛo.¹³Gbɛ̃́ pↄ́ ì yã́zãsi yãmasai,mìsaikɛ ń kpɛbↄao mɛ́ ì gↄ̃ɛ̀.¹⁴Sↄ̃dilɛa ì gbɛ̃́ gba gbãa gyãpɛwa,ãma démɛ a pↄsia fↄ̃i?¹⁵Wɛzɛ̃na ì yãdada a sↄ̃u,ↄ̃nↄna swã́ ìↄ dↄ dↄ̃ai.¹⁶Gba pↄ́ gbɛ̃́ dà ì zɛkɛkɛɛ̀,ì zɛwɛ̃ɛ̀ gbɛ̃zↄ̃ↄↄ kĩ́i.¹⁷Gbɛ̃́ pↄ́ dↄ̀aa a yã'ò, wì aà yã́zɛ e,e aà ibɛɛ àↄ gɛ́ aà pↄ́ oi.¹⁸Yãkɛkɛa gbɛaa Diiwa ń gbɛoì sòle midɛ, ì gↄ̃gbãaↄ yoaa.¹⁹Daɛ pↄ́ wà tàaekɛ̀ɛ̀ yã́ ìↄ gbãa lán bĩ́iwaɛ,aà sòle dɛ lán zɛ́kakaa ń lɛowaɛ.²⁰Yã'oa ì gbɛ̃́ ká kãawa,aà lɛgbɛ'i ì to pↄ́ mↄ́wà.²¹Ga ń wɛ̃nio ku lɛ́uɛ,gbɛ̃́ pↄ́ ye yã'oai a a gbɛ'e.²²Gbɛ̃́ pↄ́ nↄ è pↄmaa è,báaa bee bↄ̀ Dii kĩ́iɛ.²³Taaside ì yã'o wɛ̃nawɛ̃na,ↄde ì yã́zãsi gbã́ugbãu.²⁴Gbɛ̃na yàaa ì yãvãi inɛ́ɛ,gbɛ̃naeↄ ku aaìↄ nańnↄ dɛ ua gbɛ̃́a.

Yáasiↄ 18 / bqc_sim

Yáasiↄ18bqc_sim