Nongezi17kdc_pbt
1Vinoga kuja gate dinyalile kuditindiwalo,kubanza kukala mwiing'anda ya nyimwilinyimwili ili na ndwagi.2Mtumwa mbala kosola hanhu ha mwana yogela kinyala,kopata uhazi mwiing'anda ya wanhu awo.3Zahabu na shaba vopimigwa muumoto,lakini Mndewa Imulungu ayo yopima mizoyo ya wanhu.4Yosang'hana mbuli zihile kotegeleza gehile,mvizi kotegeleza mbuli za uvizi.5Yomzeha mkiwa, komuliga yamulumbile,na yoideng'helela ndilo honda yalekigwe kutagusigwa.6Wavele oigodela wazukulu zao,wana oigodela tata zao.7Mbuli zinogile hazikala mmulomo wa munhu hakona kinyala kutenda gehile,vivo viili mbuli za uvizi hazidaha kukala kwa kilongozi.8Munhu yolava hongo kaigala na hilizi,kogelegeza kamba kila choyosang'hana kopata.9Yogela kumgongo gehile ga wayage kogala umbwiga,lakini yokumbusa gehile kougola umbwiga.10Kuzumigwa kwa munhu yotanga goya kokwingila ng'hani muumoyo,kubanza mikubulo gana kwa mbozi.11Goyogelegeza munhu yosang'hana gehile kulema ganogile,msenga msede kotumigwa kumwake.12Vinoga kuiting'hana na simba mtwanzi yabokigwe wanage,kubanza kuiting'hana na mbozi muubozi wake.13Yobweleza gehile hanhu ha ganogile,gehile hagamala mwiing'anda yake.14Kusonga ugomvi kuigala na kugavugulila mazi,avo lekeni ugomvi ung'hali haunakangala.15Kumuleka msang'hana gehile na kumtagusa mwene haki,gose mabili gomgevuza Mndewa Imulungu.16Yofaya choni kwa mbozi kuwa na sente mmakono gake za kugulila ubala,kuno heyo mwenyego kabule nzewele?17Mbwiga wa kweli ayo mbwiga siku zose,ndugu kavumbuka ili yakutaze kipindi cha madununzo.18Munhu hagelegeza goya koika lahani kwa deni da munhu iyagwe.19Yonogelwa na ndwagi konogelwa na nzambi,yoitapa koizahilila gehile.20Munhu yeli na moyo wa usede honda yapate ganogile,na yolonga uvizi kopata mikubulo.21Mwana zozolo mzigo kwa tatake,na tata wa mwana hakona kinyala kutenda gehile kabule deng'ho.22Kuwa na deng'ho muumoyo ayo dawa,lakini moyo uli na lusikisiki lousokeza lukuli.23Munhu yehile kobokela hongo kinyelegezi,ili yagize haki.24Munhu mwene nzewele meso gake golola ubala,lakini meso ga mbozi gowegesela kila hanhu mwiisi.25Mwana mbozi mzigo kwa tatake,na usungu kwa mamake yamulelile.26Havinogile kumtoza fidiya munhu yelibule kitala,hebu kuwatowa mbalati wanhu wene haki.27Yoikimila kulonga kotanga vinhu,na munhu muhole kana nzewele.28Hata mbozi yahanyamala kokoneka kana ubala,yahaukimila mulomo wake kokoneka kana nzewele.