Read YAASINƆ 17

YAASINƆ17bus_sim

¹Burɛdi kusu kori sona yãkete saimaa dɛ nↄ̀bↄgbɛ̃na ua swèedeenla.²Zↄ̀ làakaridee ègↄ̃ gbãaa vĩ nɛ́ wídammari musu,égↄ̃ baka vĩ ua túbi guu.³Wè kondogi kↄ̃n vurao baasa,mↄde Dii è ń swɛ̃̀ tàasi kɛ.⁴Gbɛ̃ zaaa swã ègↄ̃ nna kↄ̃n yã dↄ̀rↄsaio,ɛgɛdee làakari ègↄ̃ kú gbɛ̃peria.⁵Gbɛ̃ kɛ̀ è takaasidee faboo è kyaka à Kɛ̀rimmɛ,gbɛ̃ kɛ̀ è gbɛ̃ yáa dↄ mↄ́nzia é bↄ pãro.⁶Dionↄmɛ ń dezinↄ gakui ũ,denↄmɛ ń nɛ́nↄ ĩadãbↄ ũ.⁷Yãzɛde'ona è kↄ̃si kↄ̃n yↄ̃nkↄↄoro,ɛgɛɛ è kↄ̃si kↄ̃n bɛ̀ɛdeeoro.⁸Ɔdↄnkpɛɛgbaa dɛ yↄbãndii ũ a dàrinɛ,guu kɛ̀ à lìɛn píngi à tá ègↄ̃ nnamɛ.⁹Gbɛ̃ kɛ̀ lá kà taarilaa e yenzi wɛtɛɛmɛ,yãzifɛɛri sↄ̃ è gbɛ̃nna kɛ̃kↄ̃a.¹⁰Ɔ̃ndↄ̃ri è kpãkɛ̃nzina ma,yↄ̃nkↄↄ sↄ̃ↄ e gbɛ̃na gɛ̃̀n baaagↄ̃ↄ daro.¹¹Yã zaaa è dↄ swãgbãadeenɛ aɛ,weé zĩ̀ri wɛ̃ndadↄ̃risaidee gbarɛzi.¹²Dakↄ̃rɛna kↄ̃n músu kɛ̀ wà à nɛ́nↄ sɛ̀ɛosã̀ↄ dɛ dakↄ̃rɛna kↄ̃n yↄ̃nkↄↄ mìsaikɛɛola.¹³Tó gbɛ̃ à maaa fĩa bò kↄ̃n à zaaao,à zaaa é kɛ̃ à uaaro.¹⁴Lɛokpakↄ̃adana dɛ lán ízɛwɛ̃na bàmɛ,ǹ gu gwe ai swèe gↄ̃ gá fɛɛ.¹⁵Yã nna kpana taarideeakↄ̃n yãdana taarisaideelaao,Dii zà yã beeenↄn píngi.¹⁶Bↄ́ àren yↄ̃nkↄↄ vĩ ↄↄblena kyódↄ̃na musuu?Zaakɛ à nↄ̀sɛ vĩro.¹⁷Gbɛ̃nna yenzi ègↄ̃ kuu gurↄ sãnda píngimɛ,vĩ̀i kↄ̃n dãaronↄ kuu dↄ̃kↄ̃nɛna yãnzimɛ.¹⁸Yↄ̃nkↄↄ è gbɛ̃ fĩa di a musu,è kpɛ́gaau sɛ́ a gbɛ̃daaanɛ.¹⁹Gbɛ̃ kɛ̀ ye swèezi ye durunzimɛ,gbɛ̃ kɛ̀ à a gãnulɛ bↄ̀ yàasa è mↄ́nzi wɛtɛ a zĩndanɛ.²⁰Laasuukpɛɛgãndadee è à maaa ero,lɛ́fↄtↄdee è lɛ́ɛ à da yãn.²¹Yↄ̃nkↄↄ da pↄↄ ègↄ̃ siamɛ,faasaidee de pↄↄ ègↄ̃ nnaro.²²Nↄ̀sɛ nnaan ɛ̃zɛ̃ maaa ũ,pↄsiaa è ń yãyã.²³Zaakɛri è ↄdↄnkpɛɛgbaa sↄtↄ a utan,lɛ à yãzɛdee mì dɛo yãnzimɛ.²⁴Làakaride wɛ́ɛ ègↄ̃ kú ↄ̃ndↄ̃ↄa,mↄde yↄ̃nkↄↄ wɛ́ɛpɛkii ègↄ̃ zã̀mɛ.²⁵Nɛ́ yↄ̃nkↄↄ è tó a de pↄↄ gↄ̃ sia,è a da'ina nↄ̀sɛ yaka.²⁶À maa wà wɛ́ɛ tã taarisaideearo,bɛ̀ɛdee gbɛ̃na a nↄ̀sɛ maa yãnzi zɛ́ vĩro.²⁷Gbɛ̃ kɛ̀ è a lɛ́ kũ dↄ̃na vĩ,nↄ̀sɛyĩidee ègↄ̃ làakari vĩ.²⁸Baa yↄ̃nkↄↄ, tó à yĩtɛna,wè à diɛ ↄ̃ndↄ̃dee ũmɛ,gbɛ̃ kɛ̀ è a lɛ́ kũ nɛ́ làakarideemɛ.

YAASINƆ 17 / bus_sim

YAASINƆ17bus_sim