Read Yáasiↄ 17

Yáasiↄ17bqc_sim

¹Pɛ̃ɛ miↄn giina soa yãkelesaimaa dɛ nↄ̀ↄgbɛ̃a ua sòledeula.²Zↄ̀ laaide ìↄ iko vĩ nɛ́ giawaɛ,aà baa aↄ ku ua túbi guu.³Wì ã́nusu ń vuao baasa,Dii mɛ́ ì wá sↄ̃ tàasika.⁴Gbɛ̃vãi swã́ ìↄ na ń yãdↄↄsaio,ɛɛde laai ìↄ ku lɛkpɛdaamáwa.⁵Gbɛ̃́ pↄ́ ì taaside kɛ pↄ́ↄpↄↄ lɛ́ saka aà Kɛnaguɛ,gbɛ̃́ pↄ́ ì gbɛ̃́ yáalↄ músiwa a bↄ pão.⁶Tↄũnaↄ mɛ́ ń deziↄ gawi ũ,maeↄ mɛ́ ń nɛ́ↄ ĩ́andãbↄ ũ.⁷Yã́zɛde oa lí kↄ̃si ń sↄũoo,màa ɛɛ lí kↄ̃si ń bɛɛɛde lɛ́oo.⁸Gbagusaɛ dɛ zĩakɛkɛa ũ a danaɛ,gu pↄ́ à lìliu píi aà tá ìↄ naɛ.⁹Gbɛ̃́ pↄ́ lakà tàae pↄ́ wa kɛ̀ɛ̀la ye wàↄ yeaziɛ,yãzifɛlɛna sↄ̃ ì gbɛ̃kɛ bↄaa.¹⁰Ɔ̃nↄna gbaa laai ì tↄ̃wàdɛ sↄũ gbɛ̃a gɛ̃n basↄola.¹¹Yãvãi mɛ́ ì dↄaa swã́gbãadeɛ,wa zĩna sósobisaide gbaɛwà.¹²Kpaaũa ń wài pↄ́ wà a nɛ́ sɛ̀lɛosã̀ↄ dɛ kpaaũa ń sↄũo a mìsaikɛula.¹³Tó gbɛ̃maa fĩabò ń vãio,vãi a kɛ̃ aà uawao.¹⁴Lɛkpaadaa dɛ lán ízɛwɛ̃awaɛ,go we e sòle àↄ gɛ́ fɛlɛi.¹⁵Yãnakpaa tàaedewa ń yãdaa yãesaidelao,Dii za yã́ beeↄu píiɛ.¹⁶Bↄ́ ài sↄũ ↄ̃adɛa a kyodↄ̃a yã́i vĩi?Asa a nↄ̀sɛ vĩo.¹⁷Gbɛ̃naↄ ìↄ yekↄ̃i gↄↄpiiɛ,vĩ̀i ń dãunaↄ ku dↄ̃a kↄ̃ɛ yã́iɛ.¹⁸Mìsaide ì a gbɛ̃do fĩa di a miwa,ì kpɛ́gaausí a gbɛ̃́deeɛ.¹⁹Gbɛ̃́ pↄ́ ye sòlei ye duunaiɛ,yã́gbãa'ona ì músi'i azĩaɛ.²⁰Làasookpaanlade lí maa eo,lɛfↄlↄde ì lɛ́lɛ da taasiu.²¹Sↄũ'ina pↄ ìↄ siaɛ,faasaide mae pↄ líↄ nao.²²Nↄ̀sɛnaá ɛsɛ maaɛ,pↄsia ì ń ibaba.²³Vãikɛna ì gbagusaɛ sↄlↄ a ulaukɛ́ à e yã́zɛde bãdɛò yã́iɛ.²⁴Laaide ì wɛbii ↄ̃nↄwa,ãma sↄũ wɛ́pɛkĩi ìↄ zã̀ɛ.²⁵Nɛ́ sↄũ ì a mae pↄ ya,ì a da'ia nↄ̀sɛ ↄ̃̀ↄkpaɛ̀.²⁶A maa wà yãesaide yíao,bɛɛɛde gbɛ̃a a nↄ̀sɛmaa yã́i zɛvĩo.²⁷Gbɛ̃́ pↄ́ ì a lɛ́ fↄ̃́ dↄ̃a vĩ,nↄ̀sɛniɛde ìↄ laai vĩ.²⁸Baa sↄũ, tó à a lɛ́ fↄ̃̀, wì aà dilɛ ↄ̃nↄna ũɛ,gbɛ̃́ pↄ́ ì a lɛ́ kúá laaideɛ.

Yáasiↄ 17 / bqc_sim

Yáasiↄ17bqc_sim