Read Yáasiↄ 15

Yáasiↄ15bqc_sim

¹Yãwea dↄ̃ ì pↄkũma kpálɛ,yã́'ĩi ì ń pↄ fɛlɛ.²Ɔ̃nↄna yã'oa ì to dↄ̃a káńgu,sↄũ lɛ́ sↄ̃, yãfaasai ìↄ bↄlɛu.³Dii wɛ́ kú gupiiu,ìↄ gbɛ̃vãiↄ ń gbɛ̃maaↄ tàasika.⁴Nↄ̀sɛ níniyã ì ń gba wɛ̃ni dafu,yãkpaanla ì ń kãdɛ.⁵Faasaide ì saka a mae totoau,lɛdamamana sↄ̃ ìↄ laai vĩ.⁶Gbɛ̃maa ua ìↄ àizɛɛ zↄ̃ↄ vĩ,gbɛ̃vãi pↄ́ↄ ìↄ yãkele vĩ.⁷Ɔ̃nↄna lɛ́ ì dↄ̃a fã́ɛ,sↄũↄ sↄ̃ aa nↄ̀sɛ vĩo.⁸Dii ye gbɛ̃vãiↄ sa'oa gĩyãio,gbɛ̃maa wabikɛa mɛ́ ì kaaàgu.⁹Dii za gbɛ̃vãi yãkɛau,a ye gbɛ̃́ pↄ́ tɛ́ yã́zɛdeiↄzi.¹⁰Totoa pãsĩá gbɛ̃́ pↄ́ pã̀zɛa pↄ́ɛ,gbɛ̃́ pↄ́ ye lɛdamaio sↄ̃ gɛ̀kↄↄɛ.¹¹Lá Dii bɛda ń tɛ́o yã́ dↄ̃,wa gbɛ̃nazĩna sↄ̃ yã'o lↄe?¹²Láanide líↄ ye wà a gba laaio,ìli gɛ́ ↄ̃nↄnaↄ kĩ́io.¹³Nↄ̀sɛna ì oa tɛkɛ,nↄ̀sɛ ↄ̃̀ↄkpaa ì ń kúsu kwɛ́.¹⁴Làasoode ì dↄ̃a wɛɛlɛ,sↄũ ì yãfaasai mↄ́mↄ.¹⁵Gↄↄpii ìↄ ĩ́i wɛ̃nadeɛɛ,pↄnade ìↄ ku dikpɛ guu láasai.¹⁶Pↄvĩa yↄↄna vĩakɛa Diiɛ guumaa dɛ àizɛɛ zↄ̃ↄ kũa gili guua.¹⁷Dò sau blea yeakↄ̃i guumaa dɛ nↄ̀ↄ níside soa ń zaakↄ̃uoa.¹⁸Pↄkũmade ì sòle da,nↄ̀sɛniɛde ì zↄa midɛ.¹⁹Màade zɛ́ ìↄ dɛɛ̀ lɛkaa ũɛ,gbɛ̃maa zɛ́ ìↄ daaĩaɛ.²⁰Nɛ́ ↄ̃nↄde ì to a mae pↄ kɛ na,gbɛ̃nazĩn sↄũ ì saka a dau.²¹Yãfaasai ì kɛ ↄ̃nↄkɛ̃sãmadeɛ na,làasoode ì zɛ́sɛ súsu.²²Lɛkpaaĩsai ì yã́ gboo,lɛdamade dasiↄ ì to à kɛ.²³Yãwea dↄ̃ ì a òna pↄ kɛ na,yã'oa a gↄↄwa ìↄ na fá!²⁴Wɛ̃ni zɛ́ ì gɛ́ ń laaideↄ musu,kɛ́ aasu si bɛdauo yã́i.²⁵Dii ì káakuna ua wí,ì to gyaa kↄↄↄ ku a gbɛu.²⁶Dii za làasoo vãiu,yãna'oa gbãsĩ vĩɛ̀o.²⁷Gbɛ̃wɛtãna ì ĩada a uawa,gbɛ̃́ pↄ́ za gbagusaɛu aↄ ku aafia.²⁸Gbɛ̃maa ì làasookɛ yã́zãsiawa,yãvãi ì bↄlɛ gbɛ̃vãiↄ lɛ́u gↄ̃̀ↄ.²⁹Dii zã̀ ń gbɛ̃vãiↄ,ì swã́kpa gbɛ̃maaↄ wabikɛai.³⁰Oa weea ì ń pↄ kɛ na,baona ì ń wá wee.³¹Gbɛ̃́ pↄ́ ì swãdↄ aafia lɛdamaiaↄ bele ũ ↄ̃nↄnaↄ guuɛ.³²Gbɛ̃́ pↄ́ gì totoai za azĩau,lɛdamamana mɛ́ ì gↄ̃ nↄ̀sɛde ũ.³³Vĩakɛa Diiɛ ì ↄ̃nↄ danɛ́,zĩabusaa mɛ́ ì mↄ́ ń bɛɛɛo.

Yáasiↄ 15 / bqc_sim

Yáasiↄ15bqc_sim