ኮኦኪንሢ ማፃኣፔ14mdy_twf
1ዔራ ላኣሊ ማኣሮ ፔኤኮ ዛጊ ማዣኔ፤ዔኤያ ላኣሊ ጋዓንቴ ፔ ኩቻ ማኣሮ ሻሻሃኔ።2ሃንቲፃ ፒዜ ማዔ ዓሲ ናንጊና ናንጋ ጎዳ ዒጊጫያኬ፤ጎይፃ ዎቦ ማዔ ዓሲ ጋዓንቴ ናንጊና ናንጋ ጎዳ ቶቶኦቻኔ።3ዔኤያ ዓሲኮ ጌኤዛ ዒዛ ሜቶይዳ ዓጋኔ፤ዔሮ ዓሶ ጋዓንቴ ዔያቶኮ ኮዦ ጌኤዛ ካፓኔ።4ኔኤኮ ጎሽካ ጌማይ ባኣቴ ኮና ጉሪ ማዓኔ፤ጌማይ ኔኤኮ ዓኣቴ ኮና ኔኤኮ ሃኣኮና ኩማኔ።5ጉሙርቂንታ ማርካ ሉኡቁዋሴ፤ሉኡዚ ማርካዻይ ጋዓንቴ ኬኤዛሢ ሉኡዚ ባኣዚኬ።6ዔኤቢ ቦሂ ሺራ ዓሲ ዔራቶ ኮኮዓኔ፥ ጋዓንቴ ዒ ዴንቁዋሴ፤ማሊ ጶቂሣ ዓሳ ጋዓንቴ ዔራቶ ሼሌዔና ኮርማኔ።7ዔያቶይዳፓ ኔ ዔራንዳ ዔራቶ ባኣሢሮዔኤዮ ዓሶይዳፓ ሃኬ።8ጪንጮ ዓሲኮ ዔራታ ጎይፆ ዒዛ ዣኣሊሱዋሴ፤ዔኤያ ዓሲ ጋዓንቴ ዒዛኮ ዔኤያታ ጎይፆ ዣዣኣሊሳኔ።9ዔኤዮ ዓሳ ጎሜ ማዻኣና ዖዮንዶ ቤዞ ቦሂ ዓዓማላኔ፤ኮዦ ዓሳ ጋዓንቴ ጎማ ዔያቶኮ ዓቶም ጌይንታንዳጉዲ ኮዓኔ።10ኔኤኮ ዎዞ ማዔቴያ ዖዪፃ ኔኤሮኬ፤ዖኦኒያ ኔኤና ጊሽታንዳይ ባኣሴ።11ፑርታ ዓሲኮ ማኣራ ሻሂንታኔ፤ኮሺ ዓሲኮ ማኣራ ጋዓንቴ ዶዲ ናንጋኔ።12ዓሲም ፒዜ ማሊ ጴዻ ጎይሢ ዓኣኔ፤ጋፒንፃ ጋዓንቴ ሃይቢ ባንሢ ዔኪ ዴንዳያኬ።13ሚኢቺ ሚኢጪንታኣናታዖ ዒኔ ዖዖያኔ፤ዎዛኮዋ ጋፒንሢ ዬኤፒኬ።14ዎቦ ዓሳ ዔያቶኮ ፑርቶ ማዾ ዛሎ ዒንጊንታ ባኮ ዔካኔ፤ኮዦ ዓሳ ጋዓንቴ ፔኤኮ ኮዦ ማዾ ዛሎ ዒንጊንታ ባኮ ዴንቃኔ።15ዔኤያ ዓሲ ዒዛም ኬኤዞ ባኮ ቢያ ጉሙርቂ ዔካኔ፤ጪንጮ ዓሳ ጋዓንቴ ፔኤኮ ሃንቲፆ ሺርሺ ዛጋኔ።16ዔራ ዓሲ ፔና ካፓኔ፥ ፑርታፓኣ ሃካኔ፤ዔኤዮ ዓሳ ጋዓንቴ ፑርታ ባኣዚፓ ፔና ካፑዋኣያ፥ ሩኡራያኬ።17ዻጋ ዻጋዻ ዓሲ ዔኤያቶ ማዾ ማዻኔ፤ፔ ዒኖና ጌኔ ባኣዚ ሱካሢ ዓሲ ናሽኩዋሴ።18ዔራቶ ፓጬ ዓሳ ፔኤኮ ቤልፁሞ ዛሎ ዒንጊንታ ባኮ ዔካኔ፤ጪንጮ ዓሳ ጋዓንቴ ዔራቶ ፔኤኮ ቶኦካ ዓጎ ቦንቾ ባኮጉዲ ዓጋኔ።19ፑርቶ ዓሳ ኮዦ ዓሶ ቤርታ ጉምዓታኔ፤ጎሞ ዓሳ ፂሎ ዓሶ ካራ ጉምዓቲ ዚጋኔ።20ማንቆ ዓሲ ፔኤኮ ዓሺኖ ኮይላታዖ ዒፂንታያኬ፤ዖርጎቺ ዓሲኮ ጋዓንቴ ሚርጌ ላጌ ዓኣኔ።21ዓሲ ቶኦቻያ ጎሜ ማዻያኬ፤ማንቆ ዓሶም ሚጪንታሢ ጋዓንቴ ዓንጂንቴያኬ።22ፑርቱሞ ማሊ ቱካ ዓሳ ዻቢንቴ ዓሲቱዋዓዳ?ኮሺ ባኣዚ ማሊ ቱካ ዓሳ ጋዓንቴ ማኣሪንቲሢና ጉሙርቂንቲና ዴንቃኔ።23ዶዲ ማዺሢ ዔኤቢ ማኣዳንዳ ባኣዚ ጴዺሳኔ፤ጉሪ ሃይሴ ዓሲ ማዒሢ ጋዓንቴ ማማንቂሳኔ።24ጪንጮ ዓሶኮ ቶኦካ ዓጎ ቦንቾ ባካ ዔያቶኮ ዔራቶኬ፤ዔኤዮ ዓሶኮ ፓልማሢ ጋዓንቴ ዔያቶኮ ዔኤያቶኬ።25ጎኑሞ ኬኤዛ ማርካ ሼምፔ ዓውሳኔ፤ሉኡዙሞ ኬኤዛ ማርካ ጋዓንቴ ጌሻያኬ።26ናንጊና ናንጋ ጎዳ ዒጊጫ ዓሲፔ ቶኦኮና ፔ ማኣሮ ዓሶናም ዶዲ ጉሙርቆያ፥ ሃሣ ጌኤቂንቶ ጎንጃኬ።27ናንጊና ናንጋ ጎዳ ዒጊጪሢ ናንጊኮ ካራኬ፤ዬያሮ ሃይቢ ፒሮይዳፓ ቶላኒ ኔ ኮዔቴ ናንጊና ናንጋ ጎዳ ዒጊጬ።28ካኣቶኮ ዼኤፑማ ዛጊንቲ ዔርታሢ ዒዚ ዎይሣ ዴሮ ሚርጉሞናኬ፤ዒዛም ዎርቃ ዴሬ ባኣያ ማዔቴ ጋዓንቴ ካኣቲም ባይሲንታኬ።29ጊቢ ዳንዳዓ ዓሲ ኔ ማዔቴ ማሊ ጶቂሣ ዓሲ ማዔሢ ፔጋሲ ኔኤኒ ዻዋኔ፤ዻጋዻ ዓሲ ማዔቴ ጋዓንቴ ቦኦዙሞ ኔኤኮ ኔኤኒ ፔጋሳኔ።30ኮሹሞ ዓኣ ዒኔ ዑሢኮ ዒቢሊ ማሃኔ፤ቂኢሩሞ ጋዓንቴ ሜጌሢ ጋኣጫኔ።31ማንቆ ዓሶ ሄርቂ ዎይሢፃ ማዤሢ ቶኦቺሢኬ፤ማንቆ ዓሶም ኮሺ ባኣዚ ማዺሢ ጋዓንቴፆኦሲ ቦንቺሢ ማዒ ፓይዲንታኔ።32ሜታ ሄላዛ ፑርቶ ዓሳ ሎሎኦማኔ፤ፂሎ ዓሳ ጋዓንቴ ዔያታ ሃይቄቴያፔኤኮ ጉሙርቂንቲፆና ካፒንታኔ።33ማሊ ጶቂሣ ዓሶኮ ዒና ዔራቶና ኩሜያኬ፤ጋዓንቴ ዔኤዮ ዓሶ ዒኖይዳ ዔራቶ ዔርቱዋያኬ።34ጎኑሞ ፔቴ ዴሬ ዼኤፒ ማሃኔ፤ጎሜ ጋዓንቴ ዓይጎ ዴሬያ ማዖም ዻዻውሲሳኔ።35ካኣታ ዔራቶና ማዻ ዓሶ ዛሎና ዎዎዛዻኔ፤ቦርሲሳያ ማዔ ማዻ ዓሳ ጋዓንቴ ካኣቲ ዻጋሳኔ።