ኮኦኪንሢ ማፃኣፔ13mdy_twf
1ጪንጫ ናይ ፔ ዓዶኮ ዞሮ ዋዋይዛኔ፤ቶኦቻያ ጋዓንቴ ጎሪ ዞራ ዞሮ ዋይዙዋሴ።2ዓሲ ፔኤኮ ኮሺ ጌስቴ ጎይፆ ዒንጎ ባኮ ዔካኔ፤ጌሻ ዓሶ ሱኡካ ጋዓንቴ ጌኔ ማዾ ማዺ ኩንሣኒኬ።3ማሊ ዔኪ ጌስታ ዓሲ ፔ ሼምፓሢ ካፓኔ፤ማሉዋዖ ጌስታሢ ጋዓንቴ ባይቃኔ።4ቤልፃ ዓሲ ፔቴ ባኣዚ ዴንቃኒ ኮሺ ኮዓኔ፤ያዺ ማዔቴያ ዒዚ ዴንቁዋሴ፤ዶዲ ማዻ ዓሲ ጋዓንቴ ኮዔ ባኮ ቢያ ዴንቃኔ።5ኮሺ ዓሲ ሉኡዙሞ ዒዒፃኔ፤ፑርቶ ዓሶኮ ጌኤዛ ጋዓንቴ ቦርሲሳያና ዻውሲሳያናኬ።6ኮዦ ዓሶ ዔያቶኮ ኮሹማ ካፓኔ፤ጎሞ ዓሶ ጋዓንቴ ዔያቶኮ ጎማ ባይዛኔ።7ፔቴ ፔቴ ዓሳ ፔቴታዖ ዓኣ ባኣዚ ባኣንቴዖርጎቺ ዓሲ ማዒ ጴዻኒ ኮዓኔ፤ሃንጎ ዓሳ ሃሣ ሚርጌ ቆሎ ዓኣንቴፔቴታዖ ቆሎባኣ ዓሲ ማሊ ናንጋኔ።8ዖርጎቺ ዓሲ ፔኤኮ ሼምፓሢ ሚኢሼና ዻቂሻኒ ማላኔ፤ማንቆ ዓሲ ጋዓንቴ ዔውታንዳ ቆሎ ዒዛኮ ባኣሢሮ ማሊ ሜታዹዋሴ።9ፂሎ ዓሶኮ ፖዓ ዓኣፓ ዱዱካያኬ፤ጎሞ ዓሶኮ ፖዓ ጋዓንቴ ሃሃይቃኔ።10ዖቶርሙሞ ዑራ ማዣኔ፤ዔራቶ ጋዓንቴ ዞሮ ዋይዛ ዓሲ ኮይላ ጴዻኔ።11ላቢንቲባኣዖ ዴንቆና ቆሎ ቤዞና ባይቃኔ፤ዶዲ ማዼም ጴዼ ቆሎ ጋዓንቴ ሚርጊ ሚርጊ ዓኣዻኔ።12ሃጊ ማዓ ዎዛ ባይቂ ኔጋዖ ዒና ዖዪሳኔ፤ዴንቃኒ ማሎና ባኣዚ ኩማዛ ጋዓንቴ ዎዎዛሳኔ።13ዓሲ ዑሣ ዓኣዼሢ ዓንካ ሙዓኔ፤ዓይሥሢ ቦንቻሢ ጋዓንቴ ዬያ ዛሎ ዒንጎ ባኮ ዴንቃኔ።14ዔሮ ዓሳ ዔርዛ ባካ ናንጊኮ ካራኬ፤ኔኤኮ ሼምፓሢ ሜቶይዳ ጌሌያታቴያኔኤኒ ቶሊ ኬስካንዳጉዲ ኔና ማኣዳያኬ።15ማሊ ጶቂሣያ ማዒሢ ዓሲ ቦቦንቺሳኔ፤ጉሙርቂንቱዋያ ማዒሢ ባይሲንታይዳ ጌልዛኔ።16ማሊ ጶቂሣ ዓሳ ማዾ ማዻኒ ቤርታ ማሊ ቱኪ ማዻኔ፤ማሊ ጶቂሥሢ ፓጬ ዓሳ ጋዓንቴ ዔኤቢ ዔሩዋያ ማዒፆ ፔጋሲ ዔርዛኔ።17ጉሙርቂንቱዋ ኪኢታ ዓሲ ሜቶ ዔኪ ዬዓኔ፤ጉሙርቂንታያ ማዔ ኪኢታ ዓሲ ኮሹሞ ዴንቂሳኔ።18ዞሮ ናሽኩዋ ዓሲ ማንቃቶና ዻውሲንቲና ሄላኔ፤ጎሪ ዞሮ ዞሮ ዔካ ዓሲ ጋዓንቴ ቦንቺንታኔ።19ዴንቃኒ ዓፃዾና ባኣዚ ዴንቂሢ ሚርጌና ዎዛሳኔ፤ማሊ ጶቂሥሢ ፓጬ ዓሳ ጋዓንቴ ፑርታ ባኣዚፓ ሃካኒ ኮዑዋሴ።20ጪንጫ ዓሲና ላጋታ ዓሲ ዔሮ ዓሲ ማዓኔ፤ማሊ ጶቂሥሢ ፓጬ ዓሲና ላጋታ ዓሲ ጋዓንቴ ሜሜታዻኔ።21ጎሞ ዓሳ ዴንዳ ቤዞ ቢያ ሜታ ዔያቶ ጊንፆ ዓኣዻኔ፤ኮዦ ዓሳ ጋዓንቴ ፔኤኮ ኮዦ ማዾ ዛሎሮ ዒንጎ ባኮ ዔካኔ።22ኮሺ ዓሲ ፔኤኮ ናኣዚ ናኣቶም ሄላንዳ ቆሎ ቆላኔ፤ጎሞ ዓሶ ቆሎ ጋዓንቴ ፒዜ ዓሳ ዻካላኔ።23ማንቆ ዓሲኮ ጎዣ ዑሣ ዓኣዼ ሚርጌ ሃኣኮካፃኒ ዳንዳዓንዳያ ናንዳኔ፤ጋዓንቴ ፒዜ ዎጌ ባይቄያ ማዓዛ ዬይ ባካ ዔውቲ ባባይቃኔ።24ናዖ ፔኤሲ ጳርቁዋ ዓሲ ናሽኩዋሴ ጌይሢኬ፤ናዖ ፔኤኮ ናሽካሢ ጋዓንቴ ጳርቂ ዲቻኔ።25ጎኔ ዓሳ ሙዓኒ ኮዓሢጉዴያ ሙሙዓኔ፤ጎሞ ዓሳ ጋዓንቴ ቢያ ዎዴ ናናይዺንታኔ።