ሌምሶ ማፃፋ13gof_etw
1ኤራንቾ ናአይ ባ አዋ ሴራ ስኤስ፤ ሽን ቀልቅሰይስ ሴራ ኤከና።2አስ ባ ዶናፐ ከይያ ቃላን ሎኦባ ኤኬስ፤ ሽን አማነቶናይሳት ማካላባ አሞቶሶና።3ባ ዶና ናግያ ኡራይ ባ ሸምፑዋ ናጌስ፤ሽን ኤሶን ሃሳያ ኡራይ ባና ይሴስ።4አዛላይ አሞቴስ፤ አሞትኮነ አይባካ ደመና፤ ሽን ምንድ ኦይሳት ካላና።5ፅሎ አሳት ዎርዶ ኦዳ እፆሶና። ሽን ኢታ አሳታ ኦድ ዬላዬስነ ካዉሼስ።6ሱረ ደኡዋ ደእያ ኡራ እያ ፅሎተይ ናጌስ፤ ሽን ናጋራንቾ እያ ናጋራይ ኦንጌስ።7ባና ዱረ ዳንስያ አስ ደኤስ፤ ሽን እያዉ አይብነ ባዋ፤ ቃስ ባና ማንቆ ዳንስያ አስ ደኤስ፤ ሽን እያዉ ዳሮ አቆይ ደኤስ።8አስ ባ ሚሸን ባ ሸምፖ ዎዛናዉ ዳንዳኤስ፤ ሽን ማንቁዋ ያሽስያባይ ባዋ።9ፅሎታ ፖኦይ ጶሌስ፤ሽን ኢታታ ፆምፐይ ቶአና።10ኦቶሮይ ኦሽ የሌስ፤ ሽን ዞረ ኤከይሳት ጭንጫታ።11ዳቡር ባይና ደምዳ ሚሸይ ኤሶን ዬስ፤ ሽን ምን ኦድ ደምዳ አቆይ፥ ዳር ዳርድ ቤስ።12ኮይያባይ ፖለቶና ጋምኤይስ አዛንስ፤ ሽን አሞትዳባይ ፖለተይስ ኡፋይሴስ።13ዞረ ካያ ኡራይ መቶን ገሌስ፤ ሽን ኪታ ቦንችያ ኡራይ ሳሮ ደአና።14ጭንጫተ እምያ ትምርተይ ደኦ ፑልቶ፤ ህገይ አሰ ሀይቆ ፅሄፐ ከስ ኤካናዉ ማዴስ።15አኬክ ደእያ ኡራይ ቦንቸቴስ፤ ሽን አማነቶና እፆይ ቆሆስ ጋስ።16ጭንጫ አስ ኡባይ ኤራን ኦስ፤ ሽን ኤይ ባ ኤያተ ቆንጭሴስ።17ኢታ አሳት ኪተትድ፥ መቶን ገሎሶና፤ ሽን አማንያ አሳት ኪተትድ፥ ሳሮተ ኤሆሶና።18ሴራ እፅያ አስ ማንቄስነ ዬላቴስ፤ሽን ሴራ ኤክያ ኡራይ ቦንቸቴስ።19አሞትዳባይ ፖለተይስ ዳሮ ኡፋይሴስ፤ሽን ኢታት ኢታባፐ ሃካናዉ ኮዮኮና።20ጭንጫ አሳራ ሄመትያ አስ ጭንጫ ግዴስ፤ሽን ኤያ አሳራ ሄመትያ አስ መቶን ገሌስ።21ናጋራንቾታ ኢታ ቃዳይ ካሌስ፤ሽን ዱረተ ፅሎታ ዎይቶ።22ሎኦ አስ ባ ናይታ ናይታ ላትሴስ፤ሽን ናጋራንቹዋ አቆይ ፅሉዋስ ዳጋየቴስ።23ማንቁዋ ጎሻይ ዳሮ ካ አይፈናዉ ዳንዳኤስ፤ሽን ሱረ ፕርዳ ፓጫን ዬስ።24ፕርጮን ሴራናዉ ዶሶና አስ ባ ናኣ እፄስ፤ሽን ባ ናኣ ሲቅያ ኡራይ ምንድ ሴሬስ።25ፅሎይ፥ ኡሎይ ካላና ጋካናዉ ሜስ፤ሽን ናጋራንቾይ ኡባ ዎደ ኮሻታና።