Read YAASINƆ 13

YAASINƆ13bus_sim

¹Nɛ́ ↄ̃ndↄ̃dee è a de lɛ́damma ma,fabori è gí kpãkɛ̃nazi.²Lɛ́gbɛ nnaa è gbɛ̃ ká pↄ́ maaaa,náanɛsaidee è ble a pãsĩ guumɛ.³Gbɛ̃ kɛ̀ è a lɛ́ kũ è a wɛ̃̀ndi dãkpa,gbɛ̃ kɛ̀ à lɛ́ è kúroo è a zĩnda yaka.⁴Mɛadee è pↄ́ kɛ̀ à yezi ero,aĩade sↄ̃ è nnaa ma.⁵Gbɛ̃ maaa zà mↄnafikiyãn,gbɛ̃ zaaa è wí daḿma è ń kpɛ bↄ.⁶Maakɛna è zɛ́maasɛri mì sí,zaakɛna è durunkɛri liɛ a kpɛɛgãnda.⁷Gbɛ̃kenↄ è ń zĩnda diɛ auzikidee ũ,mↄde aↄ̃ègↄ̃ pↄ́ke vĩro.Gbɛ̃kenↄ è ń zĩnda diɛ takaasidee ũ,mↄde aↄ̃ègↄ̃ pↄ́ vĩ bíta.⁸Auzikidee è a zĩnda bↄ kↄ̃n a auzikikɛɛo,takaasidee sↄ̃ è vĩadaanzina ero.⁹Gbɛ̃ maaanↄ gupuraa ègↄ̃ puna,gbɛ̃ zaaanↄ fitia è gaḿma.¹⁰Zĩndasɛna lezĩ è swèe da,lɛ́dammamana è tó wà ↄ̃ndↄ̃ kũ.¹¹Ɔↄ zaaa è gá aɛro,ↄↄ kɛ̀ wà è ísimma guu sↄ̃ è kↄ̃.¹²Tãmaa gìkɛna è ń nↄ̀sɛ yaka,pↄ́ kɛ̀ wà yezi ena è mↄ́ wɛ̃̀ndi dufuo.¹³Gbɛ̃ kɛ̀ è yã daroo é yã e,gbɛ̃ kɛ̀ è yã ma é àre e.¹⁴Ɔ̃ndↄ̃dee yãdannɛnan íbↄki wɛ̃̀ndidee ũ,è ń bↄ ga bàn.¹⁵Wɛ́ɛzɛ̃ maaa è tó gbɛ̃ dakↄ̃rɛ gòmio,mↄde náanɛsaideenↄ zɛ́ ègↄ̃ pãsĩ.¹⁶Làakarideenↄ è yã kɛ kↄ̃n dↄ̃nao,yↄ̃nkↄↄ è a faasaikɛɛ ↄdↄańnɛ.¹⁷Zĩ̀ri zaaa è gɛ̃ yãn,ìba náanɛdee è su aafia.¹⁸Gina totonazi è mↄ́ takaasio kↄ̃n wíyão,lɛ́dammamana è bɛ̀ɛ líńnɛ.¹⁹Pↄ́nidɛna ena è ń pↄↄ kɛ nna,mↄde yↄ̃nkↄↄ ye kɛ̃na yã zaaaaziro.²⁰Gbɛ̃ kɛ̀ tɛ́ ↄ̃ndↄ̃rinↄzi è ↄ̃ndↄ̃ kũ,gbɛ̃ kɛ̀ kakↄ̃ana kↄ̃n yↄ̃nkↄↄnↄ è yã e.²¹Mↄ́nzi ègↄ̃ tɛ́ durunkɛrinↄzi,nnamanan gbɛ̃ maaanↄ àre ũ.²²Gbɛ̃ maaa è túbi tó a dionↄnɛ,durunkɛri sↄ̃ auziki é gↄ̃ gbɛ̃ maaanɛ.²³Takaaside bura è pↄ́blee kɛ maamaa,mↄde yãkɛna lɛkpɛɛ è tó à korazi.²⁴Gbɛ̃ kɛ̀ è a nɛ́ gbɛ̃roo zàn,gbɛ̃ kɛ̀ ye a nɛ́zi è à toto káaku.²⁵Gbɛ̃ maaa è pↄ́ ble à kã,gbɛ̃ zaaanↄ nↄ̀sɛ ègↄ̃ da kori.

YAASINƆ 13 / bus_sim

YAASINƆ13bus_sim