Nongezi12kdc_pbt
1Kila munhu yonogelwa kuzumwa konogelwa kutanga vinhu,lakini yolema kuzumwa ayo zozolo.2Munhu yanogile kokoneligwa bazi na Mndewa Imulungu,lakini yeli na gehile kotagusigwa na Imulungu.3Munhu hagangamala kwa kusang'hana gehile,lakini habule kinhu chonda kimng'ole munhu yeli na haki.4Mtwanzi mwene tabiya inogile, taji kwa mkasano wake,lakini mtwanzi yomgela kinyala mkasano wake kamba kilonda mmizege ya mkasano wake.5Magesa ga munhu yosang'hana golondigwa ayo haki,lakini magesa ga munhu yehile awo uvizi.6Mbuli za wehile za ukomaji,lakini mbuli za munhu yosang'hana ganogile zokombola.7Wanhu wehile obanangigwa na kulawanya,lakini wanhu wa mng'anda za wanhu weli na haki okala.8Munhu kotogoligwa kwa nzewele zake,lakini munhu iyogesa gehile kobezigwa.9Vinoga kuwa mkiwa na kuwa msang'hanaji, kubanza munhu yoikweza kana vinhu abaho kabule ndiya.10Munhu yeli na haki, kowagesa wanyama wa ukayake,lakini bazi da munhu yehile usede.11Mkulima yoiyoha kulima kana ndiya nyingi,lakini yokweleleza mbuli hazifaya hagelegeza goya.12Wasang'hana gehile osulukila kupata faida kwa kusang'hana gehile,lakini sina da mwene haki dolela matunda.13Munhu yosang'hana gehile konamata kwa uvizi wake mwenyego,lakini munhu yeli na haki kohonyoka mgamadununzo.14Munhu kopata ganogile kwa mbuli za mulomo wake kamba sang'hano ya makono gake viimtunza.15Mbozi koyona nzila yake inoga,lakini yeli na ubala kotegeleza magesa.16Mbozi kogundumuka himahima,lakini mbala kogabezeli maligo.17Mulonga kweli kolava usindila wa ukweli,lakini msindila wa uvizi kolava usindila wa uvizi.18Mbuli za chaka chaka zolumiza kamba sime,lakini mbuli za munhu yeli na ubala zohoneza kilonda.19Ukweli okala milele,lakini uvizi okala kipindi kidodo.20Wanhu osang'hana gehile wamema uvizi mmizoyo yao,lakini waja ogesa tindiwalo wana deng'ho.21Weli na haki hawapatigwa na mbuli yoyose ihile,lakini osang'hana gehile wamema magazo.22Mulomo ulonga uvizi, ngevuzo kwa Mndewa Imulungu,lakini wanhu otamanilwa awo deng'ho jake.23Munhu mbala halagusa kutanga kwake vinhu,lakini wabozi olonga ubozi wao.24Kuiyoha komgwaa munhu ukulu,lakini unyeke omtenda yawe mtumwa.25Kunyawanyawa muumoyo komsegesela munhu deng'ho,lakini mbuli inogile yomsamhusa munhu.26Munhu yeli na haki ayo kilongozi wa miyage,lakini nzila za wasang'hana gehile zowagiza wenyego.27Mnyeke honda yapate kiyosaka,lakini munhu yoiyoha kopata vinhu vingi vinogile.28Haki ayo nzila ya ugima,mnzila ayo kuduhu ifa.