Leemiso Maxaafa12gof_ltw
1Seera dosiya uray eratethi dosees; shin seera ixiya uray eeya.2Lo77o asi Godaape saba demmees; shin Goday genanchota pirdees.3Asi iitatethan minnidi eqenna;shin xillota xaphoy qaaxenna.4Wozanaama machiya ba azinaas kallacha mela; shin ba azina kawushiya machiya meqethi miya ajaaje mela.5Xilluwa qofay suure; shin iitata zorey cimo.6Iitata zoretay asa qohanaasa; shin xillota zoretay enta ashshanaasa.7Iita asati kundana; entaw zerethika attenna; shin xillota kochay minnidi de7ana.8Asi ba cincatetha mela galatetees; shin geella qofay de7iya asi kadhetees.9Dure asi daanidi, meton de7iya asaape coo asa daanidi, oothiiddi ba de7o sugiya asi keeha.10Xillo asi ba mehes qadhetees, shin wozana mino asas qadhey baawa.11Ba biitta minthi oothiya uray kathi kallees; shin pathonnaba yedethiya uray akeeki pacidaysa.12Iitati nagarancho asata di77anaw amottoosona; shin xillota xaphoy daayidi de7ana.13Iita asa iya doonape keyida odi xihe gididi oykees; shin xilloy metope kessi ekees.14Asi ba doonape keyiya qaalan lo77oba kallees; ba oothida ooso gatiya ekees.15Eeya asi biya buussay aw iya huuphen like daanees; shin cinca asi zore si7ees.16Eeya uraa hanqoy ellesidi eretees; shin cinca asi cashshe wuda geenna.17Tumaa haasayiya asi suureba odees; shin wordo markay wordo odees.18Akeekona odetiya odi mashshada caddees;shin cinca inxarsay pathees.19Wordo odi guutha wodesa; shin tuma odi merinaw de7ana.20Iita qopiya asaa wozanan cimoy de7ees;shin saroba zoreteyisata wozanan ufaysay kumees.21Xillota metoy gakenna; shin iitatas metoy darana.22Goday wordanchota ixees; shin tumancho asatan I ufaytees.23Cinca asi ba eraa qottees; shin eeyati banta eeyatetha odoosona.24Minnidi oothiya uray dere haarees; shin azalla asi haaretees.25Un7an kumida wozani azzano ehees; shin keeha odi iya ufaysees.26Xillo asi ba shooruwa zoridi, suure oge kaalethees; shin iitati oge tumaape haassees.27Azalla asi shankatidi ehida asho kathenna;shin minnidi oothiya uray ba miishiyas mishetees.28Xillotethaa ogen de7oy de7ees; he ogen hayqoy baawa.