Read YAASINƆ 12

YAASINƆ12bus_sim

¹Gbɛ̃ kɛ̀ lɛ́damma è kɛnɛ nnaa ye dↄ̃nazi,gbɛ̃ kɛ̀ totona è kɛnɛ zaaa mì vĩro.²Gbɛ̃ maaa è Dii pↄnnaa e,mↄde Dii è yã da mↄnafikideela.³Zaakɛna è gbɛ̃ke kãsãa pɛ́ɛro,gbɛ̃ maaa kãsãa ègↄ̃ degena vĩro.⁴Nↄ maaa dɛ a zãnɛ lán fùra bà,nↄ wídammari dɛnɛ lán mɛ̀kɛmuna bà.⁵Gbɛ̃ maaanↄ ègↄ̃ pɛɛ yãzɛdeea,gbɛ̃ zaaanↄ lɛ́damma mↄnafiki vĩ.⁶Gbɛ̃ zaaanↄ yã nɛ́ gbɛ̃dɛna yãmɛ,gbɛ̃ maaanↄ lɛ́ sↄ̃ è ń bↄ.⁷Wè gbɛ̃ zaaanↄ liɛ ń kpɛɛgãnda aↄ̃ mì dɛ,mↄde gbɛ̃ maaanↄ ua ègↄ̃ kuu.⁸Wè gbɛ̃ tↄ́ bↄ a ↄ̃ndↄ̃ lɛ́mmɛ,wè kya ká faasaideen.⁹Gbɛ̃ futa kɛ̀ à zĩ̀ri vĩi sã̀ↄ dɛgbɛ̃ kɛ̀ è a zĩnda diɛ pↄ́ke ũ bensↄ̃ à pↄ́blee vĩroola.¹⁰Gbɛ̃ maaa a pↄ́kãdeenↄ gwana dↄ̃,gbɛ̃ zaaanↄ dà pãsĩ kↄ̃n ń pↄ́nↄ.¹¹Búbari aĩadee ègↄ̃ kãna,laasuu kɛ̃̀sã gbɛ̃ kɛ̀ è pɛ́ gukoriaa.¹²Gbɛ̃ zaaa è ↄↄ zaaa ni dɛ,mↄde gbɛ̃ maaa kãsãa ègↄ̃ mↄdↄ vĩ.¹³Gbɛ̃ zaaa lɛ́ zaaa è à kũ,mↄde gbɛ̃ maaa è bↄ yãketen.¹⁴Lɛ́ maaa è ń ká pↄ́ maaaa,zĩi kɛ̀ gbɛ̃ kɛ̀ àre è gɛ̃ a ↄzĩ.¹⁵Yↄ̃nkↄↄ yãkɛna è kɛnɛ maa,ↄ̃ndↄ̃dee sↄ̃ è lɛ́damma ma.¹⁶Yↄ̃nkↄↄ è tó wà à pↄfɛ̃ dↄ̃ gↄ̃ↄ,làakaridee sↄ̃ è sↄ̃sↄ̃ daro.¹⁷Yãpura'ori è yãzɛdee o,sèeda'ɛgɛde yã ègↄ̃ mↄnafiki vĩmɛ.¹⁸Laasuusaiyã è ń swɛ̃̀ zↄ̃ lán fɛ̃ɛdaa bà,ↄ̃ndↄ̃dee lɛ́gbɛ è mↄ aafiao.¹⁹Yãpuraa kɛ̀ wà ò ègↄ̃ gìkɛna,ɛgɛɛ sↄ̃ è gɛ̃ zɛ́la lán wɛ́ɛ'ibakɛna bà.²⁰Mↄnafiki kú zaalɛkpakↄ̃sↄ̃rinↄ swɛ̃̀n,gbɛ̃'aafiawɛtɛrinↄ bé aↄ̃ↄ pↄnnaa vĩ.²¹Zaa ke è gbɛ̃ maaa lero,gbɛ̃ zaaanↄ sↄ̃, yã è dańla.²²Dii tɛ̃̀n ɛgɛdee ũ,à pↄↄ ègↄ̃ nna yãpuradeea.²³Làakaridee ègↄ̃ a dↄ̃na kũna a swɛ̃̀n,yↄ̃nkↄↄ è yã faasai kpàakpa kɛ.²⁴Zĩkɛna ↄplaplaa è tó gbɛ̃ kí ble,mɛa è gbɛ̃ da zↄ̀bleen.²⁵Kuuna bídi guu è gbɛ̃ sↄ̃ɛ,yãnna'onnɛna è ń pↄↄ kɛ nna.²⁶Gbɛ̃ maaa è a gbɛ̃daaa da zɛ́a,gbɛ̃ zaaanↄ yãkɛna è ń sãsã.²⁷Mɛadee è a nↄ̀bↄ kã wawaro,aĩadee è làakari dↄ a pↄ́nↄa.²⁸Kuuna yãzɛde zɛ́n wɛ̃̀ndi vĩ,zɛ́ pì sɛna è ń kpá gaaziro.

YAASINƆ 12 / bus_sim

YAASINƆ12bus_sim