Read Yáasiↄ 12

Yáasiↄ12bqc_sim

¹Gbɛ̃́ pↄ́ lɛdama ì kɛɛ̀ na ye dↄ̃ai,gbɛ̃́ pↄ́ totoa ì kɛɛ̀ ĩ́i mi vĩo.²Dii ì gbɛ̃maa wɛgwa,ãma ì yãda làasoovãidea.³Vãikɛa lí gbɛ̃e zɛdↄo,gbɛ̃maa zĩ́na sↄ̃ deea vĩo.⁴Nↄ maa dɛ a zã́ɛ lán fùawa,nↄ widamade dɛɛ̀ mɛkɛmuuna ũ.⁵Gbɛ̃maaↄ ìↄ yã́zɛde yá,gbɛ̃vãiↄ lɛdama mↄafili vĩ.⁶Gbɛ̃vãiↄ yã́á gbɛ̃wɛa yã́ɛ,gbɛ̃maaↄ lɛ́ ì ń bↄ.⁷Wì gbɛ̃vãiↄ fuangba, aai midɛ,ãma gbɛ̃maaↄ ua ìↄ ku.⁸Wì gbɛ̃́ tↄbↄ aà ↄ̃nↄ lɛ́uɛ,faasaide sↄ̃, wì sakauɛ.⁹Gbɛ̃́ kpɛɛ pↄ́ ì a zĩkɛ maannↄdɛ zĩadilɛngbia pↄ́ blɛ ì kɛ̃́sãwàla.¹⁰Gbɛ̃maa a pↄtuoↄ gwaa dↄ̃,ãma gbɛ̃vãiↄ sósobi pãsĩ.¹¹Zↄ̃ɛ ãiade ìↄ kãa,gugiiyana sↄ̃, ↄ̃nↄ ì kɛ̃́sãwaɛ.¹²Gbɛ̃vãi ì ↄvãi nidɛ,kási gbɛ̃maa zĩ́na mɛ́ ìↄ mↄ̀sɛ vĩ.¹³Gbɛ̃vãi lɛ́ vãi ì aà kṹ,gbɛ̃maa sↄ̃ ì bↄ yãkeleu.¹⁴Lɛ́ maa ì ń ká pↄmaawa,zĩ pↄ́ gbɛ̃́ kɛ̀ ài a suwà.¹⁵Sↄũ yãkɛa ì kɛɛ̀ maa,ↄ̃nↄna sↄ̃ ì lɛdama ma.¹⁶Sↄũ ì to wà a pↄfɛ̃ dↄ̃wa gↄ̃̀ↄ,laaide sↄ̃ ìli sↄ̃́sↄ̃a dao.¹⁷Sĩan'ona ì yã́zɛde o,seelade vãi yã́ ìↄ mↄafili vĩ.¹⁸Yãbↄlɛna yã́ ì gbɛ̃́ sↄ̃ zↄ̃ lán fɛ̃nawa,ↄ̃nↄna lɛgbɛ'i ì mↄ́ ń aafiao.¹⁹Sĩana pↄ́ wa ò ìↄ zɛdↄa,ɛgɛ sↄ̃ ì gɛ̃zɛa lán wɛdɛawa.²⁰Mↄafili kú vãi wàaipanaↄ sↄ̃u,gbɛ̃'aafiawɛɛlɛnaↄ mɛ́ pↄna vĩ.²¹Vãie lí gbɛ̃maa leo,gbɛ̃vãiↄ sↄ̃, taasi ì dańla.²²Dii ye ɛɛde gĩyãio,aà pↄ ìↄ na sĩandewa.²³Laaide ìↄ a dↄ̃a kũa a sↄ̃u,sↄũ ì yãfaasai kpàwakɛ.²⁴Zĩkɛa ↄplapla ì to gbɛ̃́ kible,màa ì gbɛ̃́ da zↄbleu.²⁵Kua bíli guu ì gbɛ̃́ kúsu kwɛ́,yãna'oanɛ ì ń pↄ kɛ na.²⁶Gbɛ̃maa ì a gbɛ̃na dazɛwa,gbɛ̃vãiↄ yãkɛa ì ń sã́sã.²⁷Màade lí nↄ̀ↄ sãsã maamaao,ãiade ì laaidↄ a pↄ́ↄwa.²⁸Kua yã́zɛde zɛ́u wɛ̃ni vĩ,zɛ́pi sɛa lí ń kpá gaio.

Yáasiↄ 12 / bqc_sim

Yáasiↄ12bqc_sim