MAPINDA11tap_twf
1Kalingo ka bupompo, ni kilubo kuli Yawe,inzi bilemo bilingheene bilibyamuwamina.2Lulilwaiza kiitoni, ni busoni i pabulibwaiza,inzi mulangue uliwaleeta kwikeefia.3Bulunghami bwa balunghami bulibwabalombola,inzi kiitoni kya bapoti kilikyabalovia.4Bunonsi tebuli na kibwezia busiku bwa kukandua,inzi bulunghami buli bwapususyania ku lufu.5Bukisinka bwa mulunghami bulibwalundulula nzila yakue,inzi mubi aliwaponena mu bubi bwakue mwine.6Bulunghami bwa balunghami bulibwabapususia,inzi balia balibakita bya bupompo balibakwatua mu bupompo bwabo.7Mubi lu-aliwafua, maswapi akue aliazeeza,ni byonse bi-aketekeele mu maka akue bilibyapua.8Mulunghami aliwapususiiwa mu maavia,inzi mubi aliwaingila mu maavia.9Olia asiliwatiina Leza aliwainoona benakue na kanua kakue,inzi mu bukengezi balunghami balibapususiiwa.10Balunghami lubalibanonka, muzi uliwawaminua,ni babi lubalibaloba, bantu balibabulula tupundu.11Kupitila mu mapaalo a balunghami, muzi uliwalumbua,inzi uliwainoonua kupitila mu tunua twa babipuba.12Olia aliwalandila mwinakue twebo twa mufuupula ni kipuba,inzi muntu wa maano aliwatalala.13Olia aliwapitaana wa-ambana, aliwafyula tufiso,inzi aketekeelue aliwafiika milandu.14Kyalo kisili na mulombozi wa mulangue kilikya-anziiwa,inzi kolia kuli bakasoka bengi, kuli mutende.15Olia aliwaipeela kulipa mizia ya mweni, aliwaemenamo,inzi olia asiliwalaya kulipa mizia, ali ni mutende.16Mwanakazi wa mukinzi, aliwakindikua lyonse,inzi bapompo balibapokolola bunonsi.17Olia ali ni nkumbu, aliwakitila mutima wakue biweme,inzi asasile aliwaemia mubili wakue mwine.18Mubi aliwasaziiwa nsazio ya bupompo,inzi olia aliwabyala bulunghami, ali ni kilambu kya kisinka.19Olia aliwatwalilila mu bulunghami, ali ni bukose,inzi olia aliwakonkelela bubi, aliwafua.20Yawe asuulile balia bali ni mutima wa kiitoni,inzi balia bapwililikile mu nzila yabo balibamuwamina.21Kisinka mubi takabula kukandua,inzi balunghami baakapususiiwa.22Nga vili kazele ka oro ku moona wa ngulube,i vili ni mwanakazi aweme asili na mulangue.23Nkulu ya mulunghami iliyapeleela mu biweme,inzi maswapi a mubi, ni mu kukandua.24Muntu aliwapeelapeela, aliwakila kunonka,inzi olia aliwakilikila bisilungheeme, aliwakila kuba mupabi.25Muntu wa buntu aliwakitikilua na biweme,ni olia aliwapaana bya kumina ni ye aliwaminiiwa.26Olia aliwatanana nghano, bantu balibamutiipa,inzi mapaalo ali pa mutue wakua olia aliwatona kusisia.27Olia aliwakebesia kukita biweme, atonekele,inzi olia aliwakeba kukita bubi aliwabusanga.28Olia aswapiile bunonsi bwakue, aliwapona,inzi mulunghami aliwalunduluka nga maani abisi.29Olia aliwatuuta nghanda yakue, aliwapyana mwela.Ni kipuba alikuba muzia wa muntu wa mulangue.30Mazabo a mulunghami, i kimuti kya bukose,ni olia aliwapususia bantu ali ni mulangue.31Kine mulunghami aliwasaziiwa pa kyalo,paliibufi mubi pamo ni wa bibalo.