Obushinganyanya kwâgo n’obulyâlya kwâgo
1Kuli Nyakasane, omunzâni gusherîre binali bikabulirwa, ci kwône omunzâni guyumanîne gwo gurhona emunda ali.2Aha akagayo kajire erhi cihemu cinahajire, aha obwîrhôhye bwajire erhi burhimanya bunahajire.3Abashinganyanya murhima gwa budahemuka gubalangûla enjira: enkola maligo bulyâlya bwâzo bunazihabula.4Olusiku lw’omutula, obugale burhâjire bici, Obushinganyanya bôhe bunakûle omuntu omu lufù.5Obushinganyanya bw’omuntu nkana bunamukâbûlire enjira, oku omumînya ashâya omu bumînya bwâge.6Entagengwa bushinganyanya bwâzo buziciza, enkonola-masù mwo zinagwa omu mirhego yazo.7Omumînya erhi afà, n’obulangâlire bwâge bunahirigirhe, okulînda kw’ababî kufânanda kufananda.8Omushinganyanya anafume entanya. n’enkola-maligo ebè yo ezigwamwo.9Akalimi k’endyâlya kanagayîse abalungu, n’obumanye bw’abashinganyanya bubalikûze!10Abashinganyanya bakabêrwa, olugo lunasîme, enkola-maligo ekabà buligo, banacishînge.11Mugisho gwa bashinganyanya guzûsa olugo, n’akanwa k’enkola-maligo kalushâbe.Abagula bayinjiha ekà
12Omuntu ogaya owâbo erhi muhwinja, omwenge yêhe anacihulikire.13Ow’akalimi anabase amahwe, oku omwikubagirwa afulisire omwanzi gwa bene.14Aharhali murhambo, abantu kuhona banahona, obwôloloke bunali omu kujira abahanûzi.15Kulengana analengana omuntu ocîkubagira ecigolo omuntu ocîlanga oku mirhego arhabà kurhi.Orhugani-gâni
16Omukazi mwinjà lîba irenge ly’îba, ci omukazi oshomba obushinganyanya anabonêsa omuntu nshonyi.17Ôbà lukogo minjà acîjirira yênene, omuntu ohâna erhi kucîbikira acîbikìre yêne, ci omuntu ominya erhi yêne ocîmînyize.18Enkola-maligo enabone oluhembo lwayirheba, omuntu omîra obushinganyanya yêhe, oluhembo lwâge ho luli.19Omuntu mushinganyanya kalamo acîfulukiza, okuhenekera amaligo kubà kucîhêka ebwa lufù.20Omu masù ga Nyakasane emirhima mibî bibà bikabulirwa, bo arhonya abw’olugêndo nkana21Okuli! Omubî arhâbule buhanwa. obûko bw’abashinganyanya bôhe kucira bwacira.22Mulinga gwa masholo oku izûlu ly’engulube: mukazi mwinjà buzira bwenge.23Omwîfinjo gw’abashinganyanya ebwa kucira gubà guyêrekîre, omulangâliro gw’enkola-maligo gôhe gubà gwa busha.24Hali abagaba ebyâbo babuligala, abandi balunde ebirugu oku bindi, banabulikena.25Omurhima gujira aminjà gwabêrwa, odômera abandi naye àyishidômerwa.26Oyôrhana engano yâge kubehêrerwa ahehêrerwa n’olubaga, ci omuntu oguliza abandi engano kusîmwa asîmwa.Mpara-magara arhabula kuguma abîre
27Olwîra obwinjà kurhona alonza olwîra obubî abubona.28Ocîkubagira obugale abushâyamwo, abashinganyanya kwo bajinîrira nka buhasi.29Oleka aha mwâge bashûbuka mpûsi asigalana, omuhwinja âzinda erhi àbarhulira omushinganyanya.30Emburho y’obushinganyanya yo emerakwo omurhi gw’akalamo enkola-maligo zàhêkwa n’amango garhajihika.31Erhi omushinganyanya ahemberwa hanôla igulu, omumînya n’omunya-byâha bôhe kurhi byâyishibà?