Read YAASINƆ 10

YAASINƆ10bus_sim

Sulemanu yáasinↄ

¹Nɛ́ ↄ̃ndↄ̃dee è tó a de pↄↄ kɛ nna,nɛ́ yↄ̃nkↄↄ è a da nↄ̀sɛ yakanɛ.²Ɔↄ zaaa è àre kɛro,yãkɛna a zɛ́a è ń sí gaa ↄzĩ.³Dii è tó nↄaa gbɛ̃ maaa dɛro,è zaakɛrinↄ tɛ̃ pↄ́ kɛ̀ aↄ̃ↄ yezi.⁴Ɔ mɛadee è mↄ́ takaasio,zĩkɛna ↄplaplaa sↄ̃ è mↄ́ auzikio.⁵Nɛ́ kɛ̀ pↄ́wɛɛ kàkↄ̃a kwɛɛ nɛ́ làakarideemɛ,nɛ́ kɛ̀ è ii o pↄ́kɛ̃gurↄ wí vĩro.⁶Gbɛ̃ maaa mì ègↄ̃ aubarika vĩ,mↄde yã pãsĩ bé à zaakɛri lɛ́ pà.⁷Gbɛ̃ maaa è ga kↄ̃n a tↄ́oro,zaakɛri tↄ́ è kaatɛmɛ.⁸Ɔ̃ndↄ̃dee è zĩi kɛ yãdiɛnanↄa,yãbↄɛri è a zĩnda nɛ.⁹Gbɛ̃ kɛ̀ è yã kɛ a zɛ́a kú a làakaria,zɛ́zaasɛri yã é bↄ gupuraaa.¹⁰Gbɛ̃gwana kↄ̃n wɛ́ɛ pãsĩo è mↄ́ yão,gbɛ̃ kɛ̀ è yã utɛ a nↄ̀sɛ guuroo è íbɛtɛ mì dɛ.¹¹Gbɛ̃ maaa lɛ́ nɛ́ íbↄki wɛ̃̀ndideemɛ,yã pãsĩ è zaakɛri lɛ́ pa.¹²Zangu è swèe da,yenzi è lá ká taari píngila.¹³Ɔ̃ndↄ̃ yã ègↄ̃ kú làakaridee lɛ́n,flã̀n faasaidee pↄ́ ũ a kpɛɛa.¹⁴Ɔ̃ndↄ̃rinↄ è dↄ̃na zi ká,làakarisaidee lɛ́ è à kaatɛ aagamɛ.¹⁵Ɔↄdee auziki ègↄ̃ dɛnɛ lán wɛ́tɛ bĩidee bà,takaasidee takaasi sↄ̃ è à kaatɛ.¹⁶Gbɛ̃ maaa asaia è mↄ́nɛ wɛ̃̀ndio,zaakɛri àre è wɛ́ɛtãmma inɛ.¹⁷Gbɛ̃ kɛ̀ è lɛ́damma maa è wɛ̃̀ndi zɛ́ ↄdↄańnɛ,gbɛ̃ kɛ̀ è pã kpá totonazi è ń sãsã.¹⁸Gbɛ̃ kɛ̀ è zangu utɛ nɛ́ ɛgɛdeemɛ,gudɛri nɛ́ yↄ̃nkↄↄmɛ.¹⁹Yã pari bↄɛna ègↄ̃ durun sairo,gbɛ̃ kɛ̀ è a lɛ́ kũ nɛ́ làakarideemɛ.²⁰Gbɛ̃ maaa lɛ́ dɛ lán kondogi wásawasa bà,zaakɛri nↄ̀sɛ bɛ̀ɛ vĩro.²¹Gbɛ̃ maaa yã'ona è paridee da zɛ́a,làakarisaidee è ga faasaikɛɛ guu.²²Dii aubarika è ń kɛ auzikidee ũ,zĩkɛna nawɛ̃ao è pↄ́ke kaararo.²³Zaakɛna dɛ yↄ̃nkↄↄnɛ kↄ̃kↄ̃ yã ũ,ↄ̃ndↄ̃ↄ è kɛ làakarideenɛ nna.²⁴Yã kɛ̀ zaakɛri e vĩa kɛɛnɛ bé eé à le,Luda é pↄ́ kɛ̀ gbɛ̃ maaa yezi kpáa.²⁵Tó zàga'ĩa kàka à gɛ̃̀, zaakɛrinↄ ègↄ̃ kuu dↄro,gbɛ̃ maaa kãsãa ègↄ̃ pɛɛna gurↄ sãnda píngi.²⁶Lán lɛvũu kpã̀kpã è kɛ swaanɛ nà,lán tɛ́sukpɛ è kɛ wɛ́ɛnɛ nà,lɛn mɛadee dɛ lɛ gbɛ̃ kɛ̀ aↄ̃ à zĩ̀nↄnɛ.²⁷Vĩakɛna Diinɛ è wɛ̃̀ndi gbã̀a kaara,zaakɛrinↄ sↄ̃, ń wɛ̃̀ndi égↄ̃ kusumɛ.²⁸Gbɛ̃ maaanↄ wɛ́ɛ ègↄ̃ dↄ pↄnnaazi,zaakɛrinↄ sↄ̃, tãmaa é ń nɛ.²⁹Dii zɛ́ dɛ utɛkii ũ gbɛ̃ maaanↄnɛ,zaakɛrinↄ sↄ̃, è ń kaatɛmɛ.³⁰Weé gbɛ̃ maaa fɛɛ à gbɛ̀n zikiro,gbɛ̃ zaaa sↄ̃ é vɛ̃ɛkii e bùsunlo.³¹Ɔ̃ndↄ̃ yã è bↄ gbɛ̃ maaa lɛ́n,lɛ́zaadee sↄ̃, weé à nɛ́nɛ zↄ̃kↄ̃rɛmɛ.³²Gbɛ̃ maa yã kɛ̀ kↄ̃ sío wà ońnɛ dↄ̃,yãkpɛɛgãnda'ona ègↄ̃ da gbɛ̃ zaaa lɛ́n.

YAASINƆ 10 / bus_sim

Sulemanu yáasinↄ

YAASINƆ10bus_sim