Read Yáasiↄ 1

Yáasiↄ1bqc_sim

Yã́ pↄ́ a yã́i wì yáasikɛi

¹Yáasi pↄ́ Davidi nɛ́ Salomↄↄ,Isailiↄ kía kɛ̀,²kɛ́ gbɛ̃́ↄ e ↄ̃nↄkũ, aaↄ laai vĩ,aai dↄ̃ayã dada,³aai gↄ̃ wɛzɛ̃n làasoodeↄ ũ,maakɛa ń yã́zɛdeo ń náaio yã́ musu.⁴Yáasipiↄ ì nↄ̀sɛdoũde gba laai,ì to ɛ̀waaso àↄ ku a dↄ̀ↄwa ń dↄ̃ao.⁵Laaide i ma, aà yãdadaa i gɛ́ aɛ,nↄ̀sɛde i lɛdama e a guu,⁶i yáasi ń yãlɛɛũanɛo midↄ̃ń ↄ̃nↄdeↄ yã'oao ń ń faai yã́ↄ.⁷Vĩakɛa Diiɛ mɛ́ dↄ̃a zĩ́na ũ,gbɛ̃́ pↄ́ ì saka ↄ̃nↄ ń yãdadaaoguá sↄũɛ.

Laaikaa gbɛ̃vãiↄ kↄ̃nii

⁸Ma nɛ́, nìli n mae yã'onɛ ma,ńsu pãkpa n da lɛdamaio.⁹Aↄ dɛ fùa kɛfɛna ũ n miwa,aↄ dɛ yàbaa ũ n nↄɛ.

¹⁰Tó duunkɛnaↄ lɛ́ kↄ̃nikɛnɛ,ńsu weio, ma nɛ́.¹¹Aaì mɛ:Mↄ wà gɛ gbɛ̃́ↄ dã́dã wà ń dɛdɛ,wà yãesaideↄ kpákpa wà ń kṹkũ.¹²Wà ń mↄ́mↄ bɛ̃̀ɛ lá mia ì kɛwa,wà ń mↄ́ ĩ́i lá bɛda ì kɛwa,¹³wí pↄ́ ↄde bui píi e,wá kpɛ́ↄ i pa ń pↄ́ pↄ́ wá nàaapiↄ.¹⁴Mↄ wà wá baa daaa,wápii, wá mↄkpɛ iↄ doũ.¹⁵Ma nɛ́, ńsu gɛ́ńnↄo,ńsu zɛ́sɛńnↄo.¹⁶Asa an kɛ̀sɛ lɛɛũ ń vãikɛaoɛ,aa wãa ń gbɛ̃dɛao.¹⁷Bakpaa bãↄ wáaá pãɛ.¹⁸Aalɛ baikpá ńzĩaɛɛ,an tòe mɛ́ a ń pui.¹⁹Ɔvãi'enaↄ zian we ḿpii,an luaa pↄ́i mɛ́ ì ń wɛ̃ni bↄ.

Ɔ̃nↄ gbɛ̃́sisia

²⁰Ɔ̃nↄ lɛ́ wiilɛ gãaɛ,aà lɛ́ dↄ zɛau.²¹Ì lɛzu zɛ́ pↄ́ wìli láauo miwa,ì kpàwakɛ wɛ̃́lɛ bĩ́ibↄlɛↄ guu à mɛ:²²Ɔ̃nↄsaideↄ, áↄ kú ń ↄ̃nↄsaio e bↄɛ ni?Ma láanikɛnaↄ, á zɛ ma láanikɛaɛ bↄɛ ni?Sↄũↄ, áↄ za dↄ̃agu e bↄɛɛ?²³Tó a ma lɛdama mà yãa,dↄ̃ ma a nisĩna pìsiwá,mí tó àↄ ma làasoo vĩ.²⁴Lá ma á sisi, a gi swã́kpai,ma ↄ pòoɛ́, á gbɛ̃e laai i kawào,²⁵lá a ma lɛdama kpà swã́a píi,i we laai pↄ́ ma á gbáio,²⁶tó músi á lé, má á yáalↄɛ,tó yã́ á lé, má á láanikɛɛ,²⁷baa tó yã́ á lé lán zàa'ĩanawa,mɛ́ músi á lé lán zàalolowa,mɛ́ taasi ń yã'ↄ̃mao gɛ̃̀ázi.²⁸Gↄↄ bee á gbasa lɛzumazi,kási má weo,á ma kĩ́i wɛɛlɛ, kási á ma eo.²⁹Asa á za dↄ̃auɛ,mɛ́ i zɛ ń vĩakɛa Diiɛoo.³⁰I we ma lɛdamaio,a sakà laai pↄ́ ma á gbáuɛ.³¹Á á dàa gbɛ'e,yãvãi pↄ́ a zɛò a wi á musu.³²Gia ↄ̃nↄi ì ↄ̃nↄsaideↄ dɛdɛ,làasoosai ì sↄũↄ tↄ̀lↄzↄ̃.³³Gbɛ̃́ pↄ́ ma yã́ kũa sↄ̃ aↄ dↄdↄa,aↄ ku niɛ musu vãi kã̀akɛsaiɛ.

Yáasiↄ 1 / bqc_sim

Yã́ pↄ́ a yã́i wì yáasikɛi

Laaikaa gbɛ̃vãiↄ kↄ̃nii

Ɔ̃nↄ gbɛ̃́sisia

Yáasiↄ1bqc_sim