1Maalongo bhangu bhanubhapala, nunguapala muno kuabhona, mwenga mungundenda nyelelwe muno. Mungubhoneha kukita lihengo linilitendite kwa mwenga likihotola maha. Mungunoghwa kughendelela kutama ngingilima mu kulilunga na Bambo.2Nunguayupa, Eudia na Sitike kwa kubhahigha kukita nningane malobhe handa alongo mu Bambo.3Bubho, na ghwenga nnongo nnyangu nhyubhaliko, nungupala muatangatile adala abho ayitikile kutenda lihengo lya kulandamiha Nhalo ghwa Maha papamu na nenga, papamu na Kilementina na bhala ayangu bhangi atendalihengo bhoha papamu na nenga, bhene mahina ghabhe ghatyekwa mu kitabho kya ubhumi.4Nnyelelwe na Bambo manjubha ghoha, nungulongela kangi nnyelelwe!5Kila mundu kaumanye utokomaho ghwenu. Bambo kabhegha ugheghela.6Nkotoke kulighaha kwa kyohele, peni munnyupe Chapanga hilibhi himuhipala, na mumanjubha ghoha munnyupe kunu pamunnumba kwa ghala ghakaghatendite.7Naghwo uhihimilo ghwa Chgapanga, ghuupita mahala ghoha gha bhandu ghwaakingikiha miyoyo yenu na mahwacho ghenu mu kulilunga na Kilisto Yesu.8Kwa kuyomolela maalongo bhangu, muyighungile milando ya maha na yila yiinogha kutikilwa, mihalo ya hoto na ya telatela, milando ya maha na ya nyanyi ya kuhalala na ya kuhokamilwa.9Milando yoha yimulihundite na kukingama kuhuma kwa nenga, kangi kuyibhona kuhuma kwa nenga, muyitende milando ayo. Naywo Chgapanga ghwa uhihimilo katabhegha papamu na mwenga.
Paulo kangulumba bhandu bha ku Filipi
10Megha na uyelelo nkulu kulilunga mu Bambo kukita hinu nnyanda kangi kungulungwa nenga. Ndo hoto manyjubha ghoha mukibheghamungunguungwa peni mukilepelwa njila ya kulaghila utangwo ghwenu kwa nenga.11Nungulongela habhu ng'obhe kiyaha nungupala utangwo kuhuma kwa mundu, mana nulihunda kuyukuta kuhuma mu kila kimeghite nakyo.12Nungumanya bhula kya kutama kyangali kilibhi na kutama kwa kubhegha na hilibhi hitangalo. Nulihunda kuyukuta mu hyoha, pammegha na hilibhi ebu pamegha na njala mumanjubha gha kubhegha na hilibhi ndangalo na majubha pameghite ng'obhe na hilibhi.13Nunguhotola kuyitenda milando ayi yoha mu Kilisto, kiyaha ywombe kangumbegha makakala.14Peni mukitenda tela kulihanga mu mapungwo gha nenga.15Mwenga Makaafilipi mungumanya kukita ulongohi ghwa kulandamiha Nhalo ghwa Maha, pamukite ku kitami kya Mekadonia, mwenga ghweka chenu ndo ngwemuko liinfdangatilite, mwenga ghweka chenu ndo muulihangaite na nenga mu kukingama na kuapegha bhangi kyaakipalite.16Kiyaha hata pameghite ku kitami kya Sesalonike mukinyeghela utangwo kupitingana mala yimu hilibhi hinuhipalite.17Nungulongela ng'obhe kukita nungupala kukingama lilumbo ghweka, peni nungupala nonelo kuhuma kwa Chapanga handa pankingama mwenga.18Basi, ngingama kala hilibhi hyoha himumbeghite, kangi ndo kupitingana hila hinuhipalite. Megha na kila kilibhi kiyaha Epafolodito kangheghela kala malumbo ghenu. Malumbo agha ndo handa nyambi yiinungila maha, nyambi yiinnogheha na kuyitikilwa na Chgapanga.19Naywo Chgapanga ghwangu, kwa utopelo ghwake nkulu kwa njila ya Kilisto, kataapegha mwenga kila kilibhi kimukipala.20Ukulu ghubheghe kwa Chapanga ghwetu na Tate ghwetu manjubha ghoha ghanga uhiko. Mwika.
Majambuho gha kuyomolela
21Nunguajambuha bhandu bhoha bha Chgapanga bhaalilungite na Kilisto Yesu. Alongo bhaabheghite apa papamu na nenga bhanguajambuha.22Bhandu bhoha bha Chgapanga bhaabheghite apa, kyanalumu bhala bhaabheghite mu liboma lya mutwa Kaisali, bhanguajambuha.23Nunguayupa Chapanga kabhepeghe umaha ghwa Bambo ghwetu Yesu Kilisto ghubheghe papamu na mwenga.