Tuma Ashketethi
1Kiristoosan hinte de7iya de7oy hintena minthees; qassi iya siiqoyka hintena minthethees. Geeshsha Ayyaanara hintew issifetethi de7ees; hinte haratas keehetanne qadheteta.2Hiza, hinte issi qofan, siiqon, issi wozananinne ayyaanan issino gididi tana polo ufaysite.3Hintena doson woyko ceeqetiya hada amon issibaaka oothopite. Shin hinte issoy issuwafe gitatayis yaagidi qoponna hintena kawushite.4Hinte issoy issoy, hara asi maaddiyaba koyitepe attishin, hintena maaddiyaba xalaala koyopite.5Kiristoos Yesuusan de7iya qofay hintenan daanaw bessees.6Iyaw ubba wode Xoossa hanoti de7ees.Gidoshin, iya Xoossara issino oothiya hanota,wolqan ekanaw koybeenna.7Gidoshin, I baw de7iya bonchuwa ubbaa aggidi,aylle medheta ekis;ase daanidi qoncis.8I bana kawushis;hayqana gakanaw,hari attoshin masqaliya bollahayqanaw kiitetis.9Hessa gisho, Xoossay iya daro dhoqu dhoqu oothis;qassi suntha ubbaafeka aadhiya dhoqa sunthaa immis.10Saloninne sa7an,sa7ape garsan de7iya ubbay,Yesuusa sunthaa bonchuwas gulbatana.11Asa ubbay banta inxarsan,Yesuus Kiristoosa Godaa yaagidi,Xoossaa Aawa bonchuwas markatana.Alames Poo7o Gido
12Ta ishato, taani hintera de7iya wode ubban hinte kiitetidaysada, ha77i taani hinte matape haakinka, kaseysafe aathidi, kiitetanaw bessees. Xoossaas yashshaninne kokorsan hinte atotetha polanaw oothite.13Xoossay, hinte iyaw ero gidi kiitetana mela ubba wode hinte giddon oothees.14Ay ooso oothisheka zuuzumonna woyko palamonna oothite.15Geellanne nagarancho asaa giddon boretonayisata, geeshshatanne pokoy bayna Xoossaa naytada gidite. Hinte enta giddon salo xoolintoda poo7ishe,16de7o immiya kiitaa entaw odite. He wode ta daabursaynne ta oosoy mela attiboona gisho, Kiristoosi yaa gallas ta hintenan ceeqetana.17Hinte Xoossaas immiya ammano imota bolla ta suuthay ushsha yarshodagukikoka tana ufaysees. Hinteka taara ufaytana.18Hessada hinteka ufaytidi tanaka ufaysanaw bessees.Ximotiyoosanne Ephafiraditusa
19Taani hinte de7uwabaa si7ada ufaytanaw Ximotiyoosa hinteko ellesada yeddana mela Godaa Yesuusi tana maaddanaysa ammanetayis.20Hinte de7uwas wozanape qopiya iya mela asi hari oonika baawa.21Harati bantana go77iyabaa koyoosonape attishin, Yesuus Kiristoosi koyaba oothokona.22I taara issife gididi na7i ba aawas ootheysada Wongela ooso oothidaysanne ammanetiya asi gideysa hinte ereeta.23Hessa gisho, tabay haniyaba be7ada ellesada iya hinteko yeddana gada qopayis.24Taani, ta huuphen mata woden hinteko baanaysa Godan ammanetayis.25Hessadaka, taani, ta ishaa Ephafiraditusa, taara issife ta bagga gididi oothidaysa, oletidaysanne, tana maaddanaw hintew kiitetidaysa, hinteko kiittanaw qopas.26I hintena ubbaa be7anaw daro laamotees. Qassi I hargetidaysa hinte si7ida gisho, ba wozanan daro un7etis.27I tuma hargetidi, hayqi kichidi attis. Shin Xoossay iyaw qadhetis. Iya xalaalas gidonashin, azzanoy azzano bolla guzhetonnaada tawuka qadhetis.28Hiza, hinte iya zaari be7idi ufaytanaada tawuka ta wozanaa seelay irxanaada taani iya ellesada hinteko yeddanaw amottayis.29Godaas haggaaziya asada iya kumetha ufaysan mokite. Qassi iya mela asa ubbaa bonchite.30Hinte ta matan gididi oothanaw danda7onna maaddiya maaddidi Kiristoosa oosuwa gisho, ba shempuwas mishetonna ixidi hayqi kichidi attis.