ቱማ አሽከተ
1ክርስቶሳን ህንተ ደእያ ደኦይ ህንተና ምንስ፤ ቃስ እያ ሲቆይካ ህንተና ምንስ። ጌሻ አያናራ ህንተዉ እስፈተ ደኤስ፤ ህንተ ሀራታስ ኬሄታነ ቃተታ።2ህዛ፥ ህንተ እስ ቆፋን፥ ሲቆን፥ እስ ዎዛናንነ አያናን እስኖ ግድድ ታና ፖሎ ኡፋይስተ።3ህንተና ዶሶን ዎይኮ ጬቀትያ ሀዳ አሞን እስባካ ኦፍተ። ሽን ህንተ እሶይ እሱዋፈ ግታታይስ ያግድ ቆፖና ህንተና ካዉሽተ።4ህንተ እሶይ እሶይ፥ ሀራ አስ ማድያባ ኮይተፐ አትሽን፥ ህንተና ማድያባ ፃላላ ኮዮፕተ።5ክርስቶስ የሱሳን ደእያ ቆፋይ ህንተናን ዳናዉ በሴስ።6እያዉ ኡባ ዎደ ፆሳ ሀኖት ደኤስ።ግዶሽን፥ እያ ፆሳራ እስኖ ኦያ ሀኖታ፥ዎልቃን ኤካናዉ ኮይቤና።7ግዶሽን፥ እ ባዉ ደእያ ቦንቹዋ ኡባ አግድ፥አይለ መታ ኤክስ፤አሰ ዳንድ ቆንጭስ።8እ ባና ካዉሽስ፤ሀይቃና ጋካናዉ፥ሀር አቶሽን ማስቃልያ ቦላሀይቃናዉ ኪተትስ።9ሄሳ ግሾ፥ ፆሳይ እያ ዳሮ ቁ ቁ ኦስ፤ቃስ ሱን ኡባፈካ አያ ቃ ሱን እሚስ።10ሳሎንነ ሳአን፥ሳአፐ ጋርሳን ደእያ ኡባይ፥የሱሳ ሱን ቦንቹዋስ ጉልባታና።11አሳ ኡባይ ባንታ እንፃርሳን፥የሱስ ክርስቶሳ ጎዳ ያግድ፥ፆሳ አዋ ቦንቹዋስ ማርካታና።አላመስ ፖኦ ግዶ
12ታ እሻቶ፥ ታኒ ህንተራ ደእያ ዎደ ኡባን ህንተ ኪተትዳይሳዳ፥ ሀእ ታኒ ህንተ ማታፐ ሃክንካ፥ ካሰይሳፈ አድ፥ ኪተታናዉ በሴስ። ፆሳስ ያሻንነ ኮኮርሳን ህንተ አቶተ ፖላናዉ ኦተ።13ፆሳይ፥ ህንተ እያዉ ኤሮ ግድ ኪተታና መላ ኡባ ዎደ ህንተ ግዶን ኦስ።14አይ ኦሶ ኦሸካ ዙዙሞና ዎይኮ ፓላሞና ኦተ።15ጌላነ ናጋራንቾ አሳ ግዶን ቦረቶናይሳታ፥ ጌሻታነ ፖኮይ ባይና ፆሳ ናይታዳ ግድተ። ህንተ ኤንታ ግዶን ሳሎ ፆልንቶዳ ፖእሸ፥16ደኦ እምያ ኪታ ኤንታዉ ኦድተ። ሄ ዎደ ታ ዳቡርሳይነ ታ ኦሶይ መላ አትቦና ግሾ፥ ክርስቶስ ያ ጋላስ ታ ህንተናን ጬቀታና።17ህንተ ፆሳስ እምያ አማኖ እሞታ ቦላ ታ ሱይ ኡሻ ያርሾዳጉክኮካ ታና ኡፋይሴስ። ህንተካ ታራ ኡፋይታና።18ሄሳዳ ህንተካ ኡፋይትድ ታናካ ኡፋይሳናዉ በሴስ።ፅሞትዮሳነ ኤጳፍራድቱሳ
19ታኒ ህንተ ደኡዋባ ስአዳ ኡፋይታናዉ ፅሞትዮሳ ህንተኮ ኤለሳዳ የዳና መላ ጎዳ የሱሲ ታና ማዳናይሳ አማነታይስ።20ህንተ ደኡዋስ ዎዛናፐ ቆፕያ እያ መላ አስ ሀር ኦንካ ባዋ።21ሀራት ባንታና ጎእያባ ኮዮሶናፐ አትሽን፥ የሱስ ክርስቶሲ ኮያባ ኦኮና።22እ ታራ እስፈ ግድድ ናእ ባ አዋስ ኦይሳዳ ዎንገላ ኦሶ ኦዳይሳነ አማነትያ አስ ግደይሳ ህንተ ኤሬታ።23ሄሳ ግሾ፥ ታባይ ሀንያባ በአዳ ኤለሳዳ እያ ህንተኮ የዳና ጋዳ ቆፓይስ።24ታኒ፥ ታ ሁጰን ማታ ዎደን ህንተኮ ባናይሳ ጎዳን አማነታይስ።25ሄሳዳካ፥ ታኒ፥ ታ እሻ ኤጳፍራድቱሳ፥ ታራ እስፈ ታ ባጋ ግድድ ኦዳይሳ፥ ኦለትዳይሳነ፥ ታና ማዳናዉ ህንተዉ ኪተትዳይሳ፥ ህንተኮ ኪታናዉ ቆፓስ።26እ ህንተና ኡባ በአናዉ ዳሮ ላሞቴስ። ቃስ እ ሀርገትዳይሳ ህንተ ስእዳ ግሾ፥ ባ ዎዛናን ዳሮ ኡንኤትስ።27እ ቱማ ሀርገትድ፥ ሀይቅ ክችድ አትስ። ሽን ፆሳይ እያዉ ቃትስ። እያ ፃላላስ ግዶናሽን፥ አዛኖይ አዛኖ ቦላ ጉዠቶናዳ ታዉካ ቃትስ።28ህዛ፥ ህንተ እያ ዛር በእድ ኡፋይታናዳ ታዉካ ታ ዎዛና ሴላይ እርፃናዳ ታኒ እያ ኤለሳዳ ህንተኮ የዳናዉ አሞታይስ።29ጎዳስ ሀጋዝያ አሳዳ እያ ኩመ ኡፋይሳን ሞክተ። ቃስ እያ መላ አሳ ኡባ ቦንችተ።30ህንተ ታ ማታን ግድድ ኦናዉ ዳንዳኦና ማድያ ማድድ ክርስቶሳ ኦሱዋ ግሾ፥ ባ ሸምፑዋስ ምሸቶና እፅድ ሀይቅ ክችድ አትስ።