Read ኣብዲዩ ቲንቢቴ 1

ኣብዲዩ ቲንቢቴ1gmv_etw

ናቤ ኣብዲዩይ ቤኢዳ ኣጁታ

¹ኣብዲዩይ ቤኢዳ ኣጁታ፤ጎዳይ ኤዶሜ ጊሻስኣብዲዩ ኪቲዴስ፤ኑ ሲዪዳ ጾሳ ኪታይ፥«ታኒ ጾሳይ ኤዶሜ ቦላሜቶ ጋና ማላ ኣዛዛዳዴራ ጊዶ ኣስ ኪታዲስ» ጌስ።²ጎዳይ ኤዶሜስ፥«ታ ኔና ዴሬ ኣሳፔ ላፊሳና፤ኔኒ ኣስ ኡባንሌቄቲዳዝ ጊዳና።³ኔኖ ዛላ ጎምፓን ዲዛይሶ!ኔ ዱሳሶ ቃሶሆንኬጺዳይሶ!‹ታ ዲዛሶፔ ታና ዚቃሶዎና ዳንዳይዛይ ኦኔ?›ጊዛይሶ!ኔ ዎዚና ኦቶሮቴኔና ባሌዴስ።⁴ኔ ጎሌ ካፎ ማላኬሃ ፑዴ ፒራኮካ፥ኔ ኬ ጾሊንቴ ጊዶንኬጺኮካታ ኔና ሄፔሃ ዱጌ ዎና።

⁵«ካይሶቲ ዎይኮ ቦንቂዛይቲኦማርስ ዪኮባስ ጊዲዛይሳ ኤኬቴስ፤ካ ማጺዛይቲ ፒጼ ኣሼቴስ፤ጊዶ ኣቲን ኔ ሞርኬቲኢሲኖካ ኣሼቴና።⁶ኢንቴኖ ኤሳዌ ዜሬቶ!ኢንቴ ኬ ቦንቄቲዴስ፤ሄኮ ኢንቴ ሃሮይ ዉሪቦጌቲዴስ።⁷ኔናራ ጫቄቲዳ ላጌቲኔና ባሌዳ፤ኔና ዶሲዛ ላጌቲኔ ቦላ ሞርኬቴን ዴንዲዳ፤ኔ ካ ሚዳይቲ ኔስ ያርዴዎዲ ኔናኔ ዴሬፔ ጎዲዳ፤ጊዶ ኣቲን ኢስቲ ሄሳ ኔ ቦላኦሺን ኔኒ ኤራቤካ።

⁸«ሄ ዎዴ ኤዶሜፔኣ ኤራንቻታ፥ኤሳዌ ዙማፔኤራቴ ይሳና።⁹ኤዶሜ ዴሬን ዴኢዛኣሳቲ ዉሪካ ሃይቃና፤ቴማኔ ኦሊዛ ዎልቃማኦላንቻቲ ባባና።

ጾሳይ ኤዶሜ ቃጻዪዛ ጋሶ

¹⁰«ኔ ኢሻ ያቆቤ ዜሬታኔኒ ጌኔ ዎዳ ጊሻስኔ ካዉያዳ ሜርናስ ያና።¹¹ዬሩሳላሜ ሞርኬቲፔንጌ ሜንዲሃሪዳ ሚሽ ኡባቦንቂዛ ዎዴኔኒ ላንቄራ ኤቃ ጼላዳሳ፤ሄሳ ጊሻስ ዬሩሳላሜ ቦላሳማ ዬጊ ጊሼቲኤኪዳይታፔኔኒ ዱማታካ።¹²ዩሁዳ ዴሬን ዴኢዛ ኢሻታ ቦላጋኪዳ ሜቶን ኔኒ ኡፋዬታናኮሼናሺን ኡፋዬታዳሳ፤ቃሴ ኢስታ ዮኒኔ ሜቶንኡፋዬታናኔ ኦቶሬታናኔስ ቤሴናሺን ኦቶሬታዳሳ።¹³ታ ዴሬይ ይዛ ጋላስኢስታ ፔንጌራኔኒ ጌላና ቤሴናሺን፤ኢስቲ ይዛ ጋላስ ሜቶቲሺንኔኒ ኡፋዬታና ቤሴናሺን፤ቃሴካ ኢስቲ ይዛ ጋላስኔ ኢስታ ሃሮቦጋና ኔስ ቤሴናሺን።¹⁴ጎዴቲዲ ቆቴቲዳይታ ዎናኔ ኦይዱ ኦጌ ቦላናጋና ቤሴናሺን ናጋዳሳ፤ቃሴ ኣቲዳ ኣሳታሜቶ ጋላስ ኔ ኣኢማናስ ቤሴናሺንኢማዳሳ።

¹⁵«ታ ጾሳይ ኣሳ ኡባ ቦላፒርዲዛ ዎዴይ ጋኪዳ ጊሻስኤዶሜ! ኔ ኦዳኢታ ኦሶይኔ ቦላ ሲማና፤ሄሳ ጊሻስ ኔ ኦሶ ማላኔ ኤካና።¹⁶ኣንጄቲዳ ታ ዙማ ቦላኢንቴ ዋዬ ኡሹ ኡዪዳ ማላኢንቴ ዩሾን ዲዛ ሃንኮ ዴሬይዋዬ ኡሹ ኡያና፤ኡዪዳይቲ ዉሪካ ያና።

ኢስራኤሌ ዴሬ ጾኖ

¹⁷«ጺዮኔ ዙማን ሜቶፔኣታናይ ዳና፤ሄ ዙማያካ ጌሽ ጊዳና፤ያቆቤ ዴሬይ ቦንቄቲዳባ ሃሮ ዛሪ ኤካና።¹⁸ያቆቤ ዜሬቲ ታማ ማላ፥ዮሴፌ ዜሬቲታማ ላጮ ማላ ጊዲንኤሳዌ ዜሬቲኡቱላ ማላ ጊዳና፤ታማይ ኡቱላ ሚዛ ማላያቆቤ ዜሬቲኔዮሴፌ ዜሬቲኤሳዌ ዜሬታ ይሳና።

¹⁹«ዩሁዳ ዴሬፔዱጌሃ ባጋራ ዲዛኔጌቤ ኣሳይ ኤዶሜቢታ ላታና፤ኣርሼይ ዉሊዛ ባጋራጋን ዲዛ ኣሳቲፊሊስጼሜ፥ ኤፍሬሜኔሳማሪያ ቢታ ላታና፤ቃሴ ቢኒያሜ ዜሬቲጋላኣዴ ቢታ ላታና።²⁰ቤቲ ቢዳ ኢስራኤሌ ኣሳይኣላሄ ጌቴቲዛዴሬፔ ሲሚዲካናኔ ቢታፌሲራፍታ ጋካናስዲዛ ቢታ ላታና፤ቤቴ ቢዲሲራፍታ ዴሬን ዲዛኢስራኤሌ ኣሳይኔጌቤን ዲዛ ካታማታ ላታና።²¹ኣቲዳ ኢስራኤሌ ኣሳቲጺዮኔ ዙማ ቦላ ኡቲዲኤዶሜ ዴሬ ኣይሳና፤ቃሴ ካዎቴይካጾሳስ ጊዳና» ጊ ዮቲዴስ።

ኣብዲዩ ቲንቢቴ 1 / gmv_etw

ናቤ ኣብዲዩይ ቤኢዳ ኣጁታ

ጾሳይ ኤዶሜ ቃጻዪዛ ጋሶ

ኢስራኤሌ ዴሬ ጾኖ

ኣብዲዩ ቲንቢቴ1gmv_etw