ጌሻ ዱንካንያ አንጅሶ እሞታታ
1ሙሰይ ጌሻ ዱንካንያ ቶክድ ኦንግዳ ዎደ ሄ ዱንካንያነ እያ ሚሽያ፥ ያርሾ በሳነ እያ ሚሽያ ኡባ ዛይተን ትይድ ጌሽስ።2ሄሳፈ ጉየ፥ እስራኤለ አሳ ኮቻን ኮቻን ታይብድ ካለያ ዎደ ሀላቃ ግድዳ ኡባይ፥3ጎዳስ እሞታ ሺሽዶሶና። ኤንቲ እምዳ እሞታይ ናምኡ ሀላቃ ሱንን እስ ፓራ ጋረ፥ ቃስ እስ እስ ሀላቃ ሱንን እስ እስ ቦሩ ኦድ፥ ኡሱፑን ጋረታነ ታማነ ናምኡ ቦራታ ጌሻ ዱንካንያ ኤህዶሶና።4ጎዳይ ሙሰኮ፥5“ጌሻ ዱንካንያ ኦሱዋስ ጎአና መላ ኔኒ ሄ እሞታ ኤንታፈ ኤካዳ፥ ኤንታ ኦሱዋስ ኦሱዋስ ኮሸይሳዳ ሻካዳ ሌወታስ እማ” ያግስ።6ሄሳ ግሾ፥ ሙሰይ ጋረታነ ቦራታ ኤክድ ሌወታስ እሚስ።7ገድሶና ኮቻስ ኮሸይሳዳ ሻክድ ኤንታ ኦሱዋስ ናምኡ ጋረታነ ኦይዱ ቦራታ እሚስ።8መራራ ኮቻስ ኮሸይሳዳ ሻክድ፥ ኤንታ ኦሱዋስ ኡይዱ ጋረታነ ሆስፑን ቦራታ እሚስ። ኤንታ ኦሱዋ አዋተን ካለይ ካህንያ አሮና ናኣ እታማራ።9ሽን ቃሃታ ኮቻ ኦሶይ ዱንካንያ ጌሻ ሚሸታ ሀሸን ቶሆ ግድያ ግሾ ሙሰይ ኤንታዉ ፓራ ጋረነ ቦሩ እምቤና።10ሙሰይ ያርሾ በሲ ጎዳስ ዱማይዳ ጋላስ ሀላቃት ያርሾ በሳ ስን ባንታ እሞታ ኤህዶሶና።11ጎዳይ ሙሰኮ፥ “እስ እስ ጋላስ እስ እስ ሀላቃይ ያርሾ በሲ ጎዳስ ዱማያናዉ ባ እሞታ እሞ” ያግስ።12ኮይሮ ጋላስ ባ እሞታ ኤህዳይ ይሁዳ ኮቻፈ አምናዳበ ናኣ ናአሶና።13ናአሶን ኤህዳ እሞታይ ጌሻ ዱንካነን ኤረትዳ ምዛነን 1,500 ግራመ ብራፐ ኦሰትዳ ፕጫ ሳነ፥ 800 ግራመ ብራፐ ኦሰትዳ ኦላትያ ሳነ፥ ናምኣካ ካ ያርሾ ያርሻናዉ ዛይተራ ዋላከትዳ ሎኦ ለ ኩምዳይሳ፤14ቃስ 110 ግራመ ዎርቃፈ ኦሰትዳ እፃነይ ኩምዳ ሻተ፤15ፁሳ ያርሾስ፥ እስ ዎፋኖ፥ እስ ማራዘ፥ እስ ላይ ኡርገ ዶርስ፤16ናጋራ ያርሾስ እስ ኮለ፤17እስፈተ ያርሾስ ናምኡ ቦራታ፥ እቻሹ ማራዘታ፥ እቻሹ ኮለታነ እቻሹ ኡርገ ዶርሳታ ኤህስ። ካልያ ሀንኮ ሀላቃትካ አምናዳበ ናአይ ናአሶን እምዳይሳዳ ባንታ እሞታ ኤህዶሶና።18ናምአን ጋላሳን ይሳኮራ ኮቻፈ ዙአራ ናአይ ናትናኤል ባ እሞታ ኤህስ።24ሄን ጋላሳን ዛብሎና ኮቻፈ ሄሎና ናአይ ኤልኣብ ባ እሞታ ኤህስ።30ኦይዳን ጋላሳን ሮቤላ፥ ኮቻፈ ሻደኡራ ናአይ ኤልዙር ባ እሞታ ኤህስ።36እቻሻን ጋላሳን ስሞና ኮቻፈ ዙርሻዳያ ናአይ ሳሉምኤል ባ እሞታ ኤህስ።41ኡሱፑን ጋላሳን ጋደ ኮቻፈ ራጉኤላ ናአይ ኤልያሳፍ ባ እሞታ ኤህስ።48ላፑን ጋላሳን ኤፍሬማ ኮቻፈ አምሁዳ ናአይ ኤልሻማእ ባ እሞታ ኤህስ።54ሆስፑን ጋላሳን ምናሰ ኮቻፈ ፓዳዙራ ናአይ ጋማልኤል ባ እሞታ ኤህስ።60ኡዱፉን ጋላሳን ብንያመ ኮቻፈ ግዳኦና ናአይ አብዳን ባ እሞታ ኤህስ።66ታማን ጋላሳን ዳነ ኮቻፈ አምሳዳያ ናአይ አክኤዘር ባ እሞታ ኤህስ።72ታማነ እስን ጋላሳን አሴራ ኮቻፈ ኦክራና ናአይ ፓግኤል ባ እሞታ ኤህስ።78ታማነ ናምአን ጋላሳን ንፍታለመ ኮቻፈ ኤናና ናአይ አክራ ባ እሞታ ኤህስ።84ያርሾ በሳይ ትየትያ ዎደ ጎዳስ ዱማያናዉ እስራኤለ ሀላቃት ኤህዳ እሞታይ ሀይሳፈ ካልድ ደኤይሳ። ብራፐ ኦሰትዳ ታማነ ናምኡ ፕጫ ሳነታነ ኦላትያ ሳነታ፤ ዎርቃፈ ኦሰትዳ ታማነ ናምኡ እፃነይ ኩምዳ ሻተታ ኤህዶሶና።85እሶይ እሶይ 1,500 ግራመ ብራፐ ኦሰትዳ ፕጫ ሳነ፤ ቃስ እሶይ እሶይ 800 ግራመ ብራፐ ኦሰትዳ ኦላትያ ሳነ፥ ጌሻ ዱንካነን ኤረትዳ ምዛነን ሄ ኡባ 28 ክሎ ግራመ ኤህዶሶና።86እፃነይ ኩምዳ ታማነ ናምኡ ዎርቃ ሻተታ 1.4 ክሎ ግራመ ጌሻ ዱንካነን ኤረትዳ ምዛነን ሺሽዶሶና።87ፁሳ ያርሾስ ሺቅዳ መሄይ ካ ያርሹዋራ ዎላ ታማነ ናምኡ ዎፋኖታ፥ ታማነ ናምኡ ማራዘ፥ ታማነ ናምኡ እስ ላይ ኡርገ ዶርስነ፥ ታማነ ናምኡ ኮለታ ናጋራ ያርሾስ ሺሽዶሶና።88እስፈተ ያርሾስ ላታማነ ኦይዱ ቦራት፥ ኡሱፑን ታሙ ማራዘታ፥ ኡሱፑን ታሙ ኮለታ፥ ኡሱፑን ታሙ እስ ላይ ኡርገ ዶርሳታ ሺሽዶሶና። ጌሻ ዱንካንያ ዱማያናዉ ትያ ዎደ ሺቅዳ ያርሾት ሀይሳታ።89ሙሰይ ጎዳራ ኦደታናዉ ጌሻ ዱንካንያ ገልያ ዎደ ጫቆ ታቦትያ ካማ ቦላ ደእያ ናምኡ ክሩበታፐ ግዶን ግድድ ጎዳይ ኦድሽን ስእስ።