ሃላቃቲ ኢሚዳ ኢሞታ
1ሙሴይ ጋይቶቴ ዱንካኔዛ ቶሊ ጊጊዳ ዎዴ ዱንካኔዛኔ ኢዛን ጎኤቲዛ ሚሻታ ኡባ፥ ያርሾ ያርሺዛሶዛኔ ኢዛን ጎኤቲዛ ሚሻታ ቲይዲ ዱማሲዴስ።2ሄሳፌ ጉዬ ኢስራኤሌ ኣሳ ካሌዛይቲ፥ ዴራ ቆዲዛ ዎዴ ኢስታ ቦላ ኣላፌቴ ዲዛ ኮራፒኔቲ ዉሪ ባ ያርሾ ያርሾ ጎዳስ ሺሺዳ።3ኢስቲ ሺሺዳ ያርሾቲ ናምኡ ናምኡ ሃላቃታ ሱንን ኢሲ ፓራ-ጋሬ፥ ሄሳካ ኢሲ ኢሲ ሃላቃ ሱንን ኢሲ ኢሲ ቦራ፤ ሄ ኢስቲ ሺሺዳ ያርሾቲ ኢሲ ቦላ ኡሱፑን ፓራ-ጋሬታኔ ታማን ናምኡ ቦራታ፤ ሄይታ ሄ ያርሾታካ ጋይቶቴ ዱንካኔዛ ሲንን ሺሺዳ።4ጎዳይ ሙሴስ ሂዝጊዴስ፥5«ሃይቲ ሚሻቲ ጋይቶቴ ዱንካኔዛን ዱማ ዱማ ኦሶስ ኢስታን ጎኤታና ማላ ሃይታ ያርሾ ሚሻታ ኢስታፌ ኤካዳ፥ ዱማ ዱማ ኦሶስ ኢስታስ ኮሺዛ ማላ ሻካዳ ሌዌታስ ኢማ።»6ሄሳ ጊሻስ ሙሴይ ፓራ-ጋሬታኔ ቦራታ ኤኪዲ ሌዌታስ ኢሚዴስ።7ጌርሾኔ ዛርኬታስ ኦሶስ ኮሺዛ ናምኡ ፓራ-ጋሬታኔ ኦይዱ ቦራታ ኢሚዴስ።8ቃሴካ ሜራሬ ዛርኬታስ ኦይዱ ፓራ-ጋሬታኔ ኦስፑን ቦራታ ኢሚዴስ፤ ሄይታንታ ኦሶይ ፖሌታናይ ኣሮኔ ና ኢታማሬ ኣላፌቴና።9ኢስታስ ዲዛ ኣላፌቴ ጌሻ ሚሻታ ባ ሃሼን ቶኪዛ ጊሻስ ሙሴይ ቃኣቴ ዛርኬታስ ፓራ-ጋሬታ ጊዲን ዎይኮ ቦራታካ ኢሚቤና።10ያርሾ ያርሺዛሶዛ ሙሴይ ቲይዲ ጌሺዳ ጋላስ ሃላቃቲ ያርሾ ያርሺዛሶዛ ኣንጂሳናስ ባንታ ኢሞታ ኤሂዲ ያርሾ ያርሺዛሶዛ ሲንን ሺሺዳ።11ጎዳይ ሙሴስ፥ «ታማኔ ናምኡ ጋላሳታን ታማኔ ናምኡ ሃላቃቲ ፓጬይ ባይንዳ ኢሶይ ኢሶይ ኢሲ ኢሲ ጋላስ ኣንጂሶ ባኣሌስ ጊዲዛ ያርሾ ሁኤን ሁኤን ሺሻና ማላ ዮታ» ጊዴስ።12ኮይሮ ጋላስ ዩሁዳ ቆሞታ ጋርሳፌ ኣሚናዳቤ ና ኔኣሶኔይ ሺሺዴስ።13ኢዚ ሺሺዳ ያርሾቲካ ሃይሳፌ ካሊዛይታ፤ ኤሬቲዳ ሜዛኔን ዎን 130 ሳቂሌቢራፔ ኦሴቲዳ ኢሲ ፒጫ ሳኔኔ 70 ሳቂሌኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።14ኢዛን ኤጻኔይ ኩሚ ኡቲዳ 10 ሳቂሌዎርቃፌ ኦሴቲዳ ጪልፋ።15ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥16ናጋራ ያርሾስ ኢሲ ዴይሻ ኦርጌ፥17ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ኣሚናዳቤ ና ኔኣሶኔይ ሺሺዳ ያርሾታ።18ናምኣን ጋላስ ዪሳኮሬ ዛርኬታ ጋርሳፌ ጹኣሬ ና ናቲናኤሌይ ሺሺዴስ።19ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን ጼታኔ ሄ ታሙ ሳቂሌ ቢራፔ ኦሴቲዳ ኢሲ ፒጫ ሳኔኔ ላፑን ታሙ ሳቂሌ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚ ኡቲዴስ።20ኢዛን ኤጻኔይ ኩሚ ኡቲዳ ታሙ ሳቂሌ ዎርቃፌ ኦሴቲዳ ጪልፋ።21ጹጌቲዛ ያርሾስ ኢሲ ሚርጎ፤ ኢሲ ርሾ፥ ኢሲ ላይ ርሾ ላቃ፥22ናጋራ ያርሾስ ኢሲ ዴይሻ ኦርጌ፥23ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ጹኣሬ ና ናቲናኤሌይ ሺሺዳ ያርሾታ።24ሄን ጋላስ ዛቢሎኔ ዛርኬታ ጋርሳፌ ሄሎኔ ና ኤልያቤይ ሺሺዴስ።25ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን ጼታኔ ሄ ታሙ ሳቂሌ ቢራፔ ኦሴቲዳ ኢሲ ፒጫ ሳኔኔ ላፑን ታሙ ሳቂሌ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።26ኢዛን ኤጻኔይ ኩሚ ኡቲዳ ታሙ ሳቂሌ ዎርቃፌ ኦሴቲዳ ጪልፋ።27ጹጌቲዛ ያርሾስ ኢሲ ሚርጎ፤ ኢሲ ርሾ፥ ኢሲ ላይ ርሾ ላቃ፥28ናጋራ ያርሾስ ኢሲ ዴይሻ ኦርጌ፥29ኢሲፌቴ ያርሾስ 5 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ሄሎኔ ና ኤልያቤይ ሺሺዳ ያርሾታ።30ኦይዳን ጋላስ ኦሮቤሌ ቆሞታ ጋርሳፌ ሻዱሬ ና ኤልጹሬይ ሺሺዴስ።31ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣንካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃይ ኩሚ ኡቲዴስ።32ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥33ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥34ናጋራ ያርሾስ ኢሲ ዴይሻ ኦርጌ፥35ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ሻዱሬ ና ኤልጹሬይ ሺሺዳ ያርሾታ።36ኢቻሻን ጋላስ ሲሞና ቆሞታ ጋርሳፌ ጹርሻዳዬ ና ሳሉምኤሌይ ሺሺዴስ።37ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።38ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥39ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥40ናጋራ ያርሾስ ኢሲ ዴይሻ ኦርጌ፥41ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ ኢቻሹ ርሾ ላቃታ፤ ሄይቲ ዉሪ ጹርሻዳዬ ና ሳሉምኤሌይ ሺሺዳ ያርሾታ።42ኡሱፑን ጋላስ ጋዴ ዛርኬታ ጋርሳፌ ዳኡኤሌ ና ኤልያሳፌይ ሺሺዴስ።43ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናዉ ሊቆ ሌፌ ዛይቴን ሙኑቄቲዳ ሙኑቃን ኩሚዳ።44ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥45ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥46ናጋራ ያርሾስ ኢሲ ዴይሻ ኦርጌ፥47ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ዳኡኤሌ ና ኤልያሳፌይ ሺሺዳ ያርሾታ።48ላፑን ጋላስ ኤፍሬሜ ዛርኬታ ጋርሳፌ ኣሚሁዴ ና ኤልሻማይ ሺሺዴስ።49ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።50ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥51ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥52ናጋራ ያርሾስ ኢሲ ዴይሻ ኦርጌ፥53ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ኣሚሁዴ ና ኤልሻማ ያርሾታ።54ኦስፑን ጋላስ ሚናሴ ዛርኬታ ጋርሳፌ ፔዳጹሬ ና ጋማልኤሌይ ሺሺዴስ።55ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።56ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥57ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥58ናጋራ ያርሾስ ኢሲ ዴይሻ ኦርጌ፥59ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ፔዳጹሬ ና ጋማልኤሌ ያርሾታ።60ኡዱፉን ጋላስ ቢኒያሜ ዛርኬታ ጋርሳፌ ጊዲኦኔ ና ኣቢዳኔይ ሺሺዴስ።61ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።62ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥63ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥64ናጋራ ያርሾስ ኢሲ ዴይሻ ኦርጌ፥65ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ጊዲኦኔ ና ኣቢዳኔ ያርሾታ።66ታማን ጋላስ ዳኔ ቆሞታ ጋርሳፌ ኣሚሻዳዬ ና ኣሂኤዜሬይ ሺሺዴስ።67ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።68ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥69ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥70ናጋራ ያርሾስ ኢሲ ዴይሻ ኦርጌ፥71ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ኣሚሻዳዬ ና ኣሂኤዜሬ ያርሾታ።72ታማኔ ኢሲን ጋላስ ኣሴሬ ቆሞታ ጋርሳፌ ኦክራ ና ፋጉኤሌይ ሺሺዴስ።73ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።74ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥75ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥76ናጋራ ያርሾስ ኢሲ ዴይሻ ኦርጌ፥77ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ኦክራ ና ፋጉኤሌ ያርሾታ።78ታማኔ ናምኣን ጋላስ ኒፍታሌሜ ዛርኬታ ጋርሳፌ ኤናኔ ና ኣሂሬይ ሺሺዴስ።79ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካ ያርሾ ሺሻናስ ሊቆ ሌፌ ዛይቴን ሙኑቄቲዳ ሙኑቃን ኩሚዳ።80ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥81ጹጌቲዛ ያርሾስ ኢሲ ሚርጎ፥ ኢሲ ርሾ፥ ኢሲ ላይ ርሾ ላቃ፥82ናጋራ ያርሾስ ኢሲ ዴይሻ ኦርጌ፥83ኢሲፌቴ ያርሾስ 2 ቦራታ፥ 5 ርሾታ፥ 5 ዴይሻ ኦርጌታኔ ላይ ኩሚዳ 5 ርሾ ላቃታ፤ ሄይቲ ዉሪ ኤናኔ ና ኣሂሬ ያርሾታ።84ያርሾ ያርሺዛሶዛ ቲይዲ ጌሺዳ ጋላስ ሃላቃቲ ያርሾሶዛ ኣንጂሶ ጋሶን ሺሺዳ ኢሞታይ ሃይታንታ፤ ቢራፔ ኦሴቲዳ 12 ፒጫ ሳኔታ፥ ቢራፔ ኦሴቲዳ 12 ጉቃ ሳኔታኔ ዎርቃፌ ኦሴቲዳ ኢስታን ኤጻኔ ዎዛ 12 ኬሬታ።85ቢራፔ ኦሴቲዳ ኢሲ ኢሲ ኬሬይ 130 ሳቂሌ ጊዲ ዴጼስ፤ ቢራፔ ኦሴቲዳ ኢሲ ኢሲ ቁሌ ማላ ሳኔይ 7 ሳቂሌ ጊዲ ዴጼስ፤ ቢራፔ ኦሴቲዳ ኬሬቲኔ ቁሌ ማላ ሳኔቲ ጾሳ ኬ ሜዛኔን ዎዛ ዎዴ ኡባይ ኢሲ ቦላ 2,400 ሳቂሌጊዲዳ።86ዎርቃፌ ኦሴቲዳ ኤጻኔይ ኢስታ ኩሚ ኡቲዳ ታማኔ ናምኡ ሻቴቲ ጎዳ ኬ ሜዛኔን ዎዛ ዎዴ ኢሶይ ኢሶይ 10 ሳቂሌ ጊዲሺን ኡባይ ኢሲ ቦላ 120 ሳቂሌጊዲዴስ።87ካ ያርሾራ ኢሲፌ ጹጌቲዛ ያርሾስ ሺቂዳ ሜሄ ቆዳይ 12 ቦራታ፥ 12 ርሾታኔ ላይ ኩሚዳ 12 ርሾ ላቃታ፤ ቃሴ ኢስቲ ናጋራ ያርሾስ ሺሺዳይ 12 ዴይሻ ኦርጌታ።88ኢሲፌቴ ያርሾስ ሺቂዳ ሜሄ ቆዳይ 24 ቦራ፥ 60 ርሾ፥ 60 ዴይሻ ኦርጌኔ ላይ ኩሚዳ 60 ርሾ ላቃ፤ ያርሾ ያርሺዛሶዚ ቲዬቲ ጌዪዳፔ ጉዬ ኣንጂሶ ባኣሌስ ኢሜቲዳ ኢሞታቲ ሃይታንታ።89ሙሴይ ጎዳራ ሃሳያናስ ጌዴ ጋይቶቴ ዱንካኔዛን ጌሊን ኣቶቴ ዴማናስ ሺቂዛሶን ታቦታ ካማ ቦላ ዲዛ ናምኡ ኪሩቤታ ጊዶራ ጎዳይ ኢዛስ ሃሳይዛ ቃላ ሲዪዲ ኢዚካ ኢዛራ ሃሳዬቲዴስ።