Read Números 7

Números7cuk_nvs

Bab-Dummadse-goled-negga ibmar-uksamalad

¹Moisés Bab-Dummadse-goled-neg-seleged-sobsad-obelosgu, ina-wawadikid a-neggi bomi-bomi imaksad. Degine, bela agi ibmarmar-bukwad Bab-Dummadga nug-imaksad. Agi, we-neg Bab-Dummadgarbi-ebulegega nug-imaksasunnad. Geb ibmar-ogumakar-ukleged-ailagi ina-wawadikid egi bomi-bomi imaksabalid, degine, bela ailagi-ibmarmar-ebulemalad Bab-Dummadga nug-imaksabalid. Agi, we-ibmar bela Bab-Dummadgarbi-ebulegega nug-imaksad.²Geb degine, Israel-dulemar-e-dummagan, a sogleged, na e-gwenad-e-gwenadgan-e-dummaganye, amala, e-dadgan-dummaganba-dulemar-ebislesmalad-e-dummagan gumalad. Amala, Bab-Jehováʼga ibmar uknonimalad.³We-ibmarmar senonimalad:Dummagan ebo-ebo ur-napagined-ibmar-seed-wargwen senonimalad,degine, dummagan-iliba moli-bebe-nikad-alugwasualed-war-wargwen senonimalad.Degisoggu, bela ur-napagined-ibmar-seed walanergwasundo (6),degine, moli-bebe-nikad-alugwasualed warambe-gakabosundo (12).We-ibmarmala, Bab-Jehováʼga-ukega Bab-Dummadse-goled-neg-sunna-selegedse senonimalad.⁴Bab-Jehová Moisésʼga sunmakded, ega sogded:⁵“We-ibmarmar-bega-uknanaid e-abin be sue, adi, dulemar-anbo-ambikued-neggi ebulegegar. We-ibmarde Leví-wagan-baiganga, na e-ibmar-ebulegedba ega be ukoed.”⁶Geb Moisés, we-urmar, degi, moli-alugwasuarmalad sussunnad. Geb degine, Leví-wagan-baiganga uksasunnad.⁷Gersón-e-waganga urmar-napagined-ibmar-seed walabo ega uksad, degine, moli-bebe-nikad-alugwasualed walabake ega uksabalid, arbagedgi-ibmar-abemaladba ebugegar.⁸Merari-e-waganga urmar-napagined-ibmar-seed walabake ega uksad, degine, moli-bebe-nikad-alugwasualed walabaabak (8) uksabalid, arbagedgi ibmar-abemaladba ebugegar. We-Leví-wagan-baigande dule-irwa-Bab-Dummadse-goled-Aarón-machi-Itamar-sogedba arbananai gusmalad.⁹Moisés, Coat-wagangardi we-ibmarmar uksasulid, ar ade, wemala e-gukingi ibmarmar-Bab-Dummadgadga-gusadi, semamai gumaloed.

Ibmar-ogumakar-ukleged-aila Bab-Dummadga-nugsalesad

¹⁰Ibmar-ogumakar-ukleged-aila Bab-Dummadga nugsalesgu, we-dummagan ibmar-ogumakar-ukleged-aila-asabin, Bab-Dummadga ibmarmar uksamalad.¹¹Ar ade, Bab-Jehová, Moisésʼga sogsagusad: “Ibmar-ogumakleged-aila-anga-nugsalesadga-ibmar-ukegale, iba-ibagwengi dummagan-war-wargwen anga ibmar ukoed.”

Judá-wagan-e-dummad Bab-Jehováʼga-ibmar-uksad

¹²Iba-gebe-onodedgine, Aminadab-machi-Naasón-inse Bab-Jehováʼga ibmar senonikid. We-Naasónʼde, e-dad-dummad-Judáʼgi danikid.¹³Naasón Bab-Jehováʼga-ibmar-uksadi, wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.¹⁴Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

¹⁵Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.¹⁶Deginbali, e-isgued-osulogega, sibad-machered wargwen, Bab-Dummadga-ukega senonibalid.

¹⁷Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Aminadab-machi-Naasón, Bab-Jehováʼga senonikid.

Isacar-wagan-e-dummad Bab-Jehováʼga-ibmar-uksad

¹⁸Ibabogi, Zuar-machi-Natanael, Bab-Jehováʼga ibmar-senonimogad. We-Natanaelʼde dad-dummad-Isacarʼgi-danimalad-e-dummadid.¹⁹Natanael Bab-Jehováʼga-ibmar-uksadi, wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.²⁰Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

²¹Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.²²Deginbali, e-isgued-osulogega, sibad-machered wargwen, Bab-Dummadga-ukega senonibalid.

²³Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Zuar-machi-Natanael, Bab-Jehováʼga senonikid.

Zabulón-wagan-e-dummad Bab-Jehováʼga-ibmar-uksad

²⁴Ibapaagine, Helón-machi-Eliab, Bab-Jehováʼga ibmar senonimogad. We-Eliabʼde dad-dummad-Zabulónʼgi-danimalad-e-dummadid.²⁵We-Eliab Bab-Jehováʼga-ibmar-uksadi wemalad:Mani-bate-gwagwen dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.²⁶Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

²⁷Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.²⁸Deginbali, e-isgued-osulogega, sibad-machered wargwen, Bab-Dummadga-ukega senonibalid.

²⁹Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Helón-machi-Eliab, Bab-Jehováʼga senonikid.

Rubén-wagan-e-dummad Bab-Jehováʼga-ibmar-uksad

³⁰Ibabakegine, Sedeur-machi-Elisur, Bab-Jehováʼga ibmar senonimogad. We-Elisurʼde dad-dummad-Rubénʼgi-danimalad-e-dummadid.³¹We-Elisur Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.³²Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

³³Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.³⁴Deginbali, e-isgued-osulogega, sibad-machered wargwen, Bab-Dummadga-ukega senonibalid.

³⁵Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Sedeur-machi-Elisur, Bab-Jehováʼga senonikid.

Simeón-wagan-e-dummad Bab-Jehováʼga-ibmar-uksad

³⁶Ibatargine, Zurisadai-machi-Selumiel, Bab-Jehováʼga ibmar senonimogad. We-Selumielʼde dad-dummad-Simeónʼgi-danimalad-e-dummadid.³⁷We-Selumiel Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.³⁸Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

³⁹Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁴⁰Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁴¹Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Zurisadai-machi-Selumiel, Bab-Jehováʼga senonikid.

Gad-wagan-e-dummad Bab-Jehováʼga-ibmar-uksad

⁴²Ibanergwadgi (6), Deuel-e-machi-Eliasaf, Bab-Jehováʼga ibmar senonimogad. We-Eliasafʼde dad-dummad-Gadʼgi-danimalad-e-dummadid.⁴³We-Eliasaf Bab-Jehováʼga-ibmar-uksadi wemalad:Mani-bate-gwagwen dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.⁴⁴Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

⁴⁵Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁴⁶Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁴⁷Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Deuel-machi-Eliasaf, Bab-Jehováʼga senonikid.

Efraín-wagan-e-dummad Bab-Jehováʼga-ibmar-uksad

⁴⁸Ibagugledgi (7), Amiud-machi-Elisama, Bab-Jehováʼga ibmar senonimogad. We-Elisamaʼde dad-dummad-Efraínʼgi-danimalad-e-dummadid.⁴⁹We-Elisama Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.⁵⁰Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

⁵¹Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁵²Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁵³Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Amiud-machi-Elisama, Bab-Jehováʼga senonikid.

Manasés-wagan-e-dummad Bab-Jehováʼga-ibmar-uksad

⁵⁴Ibabaabakadgi (8), Pedasur-machi-Gamaliel, Jehováʼga ibmar senonimogad. We-Gamalielʼde dad-dummad-Manasésʼgi-danimalad-e-dummadid.⁵⁵We-Gamaliel Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.⁵⁶Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

⁵⁷Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁵⁸Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁵⁹Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Pedasur-machi-Gamaliel, Bab-Jehováʼga senonikid.

Benjamín-wagan-e-dummad Bab-Jehováʼga-ibmar-uksad

⁶⁰Ibabakebakadgi (9), Gedeoni-machi-Abidán, Bab-Jehováʼga ibmar-senonimogad. We-Abidánʼde dad-dummad-Benjamín-e-dummadid.⁶¹We-Abidán Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.⁶²Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

⁶³Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁶⁴Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁶⁵Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Gedeoni-machi-Abidán, Bab-Jehováʼga senonikid.

Dan-wagan-e-dummad Bab-Jehováʼga-ibmar-uksad

⁶⁶Ibambegi (10), Amisadai-machi-Ahiezer, Bab-Jehováʼga ibmar senonimogad. We-Ahiezerʼde dad-dummad-Danʼgi-danimalad-e-dummadid.⁶⁷We-Ahiezer Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.⁶⁸Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

⁶⁹Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁷⁰Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁷¹Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Amisadai-machi-Ahiezer, Bab-Jehováʼga senonikid.

Aser-wagan-e-dummad Bab-Jehováʼga-ibmar-uksad

⁷²Ibambe-gakagwensakgi (11), Ocrán-machi-Pagiel, Bab-Jehováʼga ibmar senonimogad. We-Pagielʼde dad-dummad-Aserʼgi-danimalad-e-dummadid.⁷³We-Pagiel Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.⁷⁴Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

⁷⁵Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁷⁶Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁷⁷Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Ocrán-machi-Pagiel, Bab-Jehováʼga senonikid.

Neftalí-wagan-e-dummad Bab-Jehováʼga-ibmar-uksad

⁷⁸Ibambe-gakabogi (12), Enán-machi-Ahira, Bab-Jehováʼga ibmar senonimogad. We-Ahiraʼde dad-dummad-Neftalíʼgi-danimalad-e-dummadid.⁷⁹We-Ahira Bab-Jehováʼga-ibmar-uksadi wemalad:Mani-bate-gwagwen, dulanergwa-gakambe-aidikued (130) senonikid.E-aidikuedi, Bab-Dummadse-goled-neggi mani-aidikued-ebislegedyobid.Degine, mani-nog-dummad, dulapaa-gakambe-aidikued (70) senonibalid.E-aidikuedi, Bab-Dummadse-goled-neggi mani-aidikued-ebislegedyobid.A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.⁸⁰Degine, or-wesar-dummad gagwen, mani-sibugan-gwaambe-aidikue-wilub (10) senonibalid.A-or-wesargi, ina-wawadikid ena senonibalid.

⁸¹Deginbali, Bab-Dummadga ibmar-ogumakar-ukega we-ibmarmar senonibalid:Moli-bebe-nikad-sapingwagwad, wargwen.Sibad-wawaad-machered, wargwen.Sibad-wawaad-sapingwagwad-birgagwen-nikad, wargwen.⁸²Deginbali, e-isgued-osulogega, sibad-machered wargwen, Bab-Dummadga-ukega senonibalid.

⁸³Deginbali, gwenatigwar-guega, we-ibdurgan senonibalid:Moli-bebe-nikad-alugwasualed, warbo.Sibad-wawaad-machered, walatar.Sibad-machered, walatar.Degi, sibad-wawaad-sapingwagwad-birgagwen-nikad, walatar senonikid.We-ibmarmala, Enán-machi-Ahira, Bab-Jehováʼga senonikid.

Israel-dummagan Bab-Jehováʼga bela-ibmar-uksad

⁸⁴Weyobi, Israel-dulemar-e-dummagan Bab-Jehováʼga ibmar-ogumakar-ukleged-aila nug-imaknanaigusgu ibmarmar senonigusmalad:Mani-bate, gwaambe-gakabo (12),mani-nog-dummad, gwaambe-gakabo (12),or-wesar, warambe-gakabo (12) senonigusmalad.⁸⁵Mani-bate gwa-gwagwengi, mani-dulanergwa-gakambe-aidiku (130) nanaed.Degine, nog-dummad gwa-gwagwengi, mani-dulapaa-gakambe-aidiku (70) nanaed.Bela batemar, degine, nogmar, Bab-Dummadse-goled-neggi mani-aidikued-ebislegedyobi, mani-nibir-milibo gaka dulataled-ilabake-aidiku (2,400) daklealid.⁸⁶Or-wesar-warambe-gakabo (12) egi ina-wawadikid-ena-senonimaladi, a-or-wesar-ga-gagwengi mani-ambe-aidiku (10) nanaed.Bela or-wesar Bab-Dummadse-goled-neggi mani-aidikued-ebislegedyobi, mani-nibir-dulanergwa-aidikue (120) gussundo.

⁸⁷Bab-Jehováʼga ibdurgan-ogumakar-ukega senonimaladdina, weyob mergued:Molimar-bebe-nikmalad-sapingwagwad, warambe-gakabo (12),sibad-wawaad-machered, warambe-gakabo (12),sibad-wawaad-sapingwagwad-birgagwen-nikad, warambe-gakabo (12).We-sibad-wawaad-birgagwenadba ibmar-gwag-ukleged senonimarbalid.Degine, isgued-eliega sibad-machered, warambe-gakabo (12) senonimarbalid.

⁸⁸Gwenatigwar-guega, ibdurgan-senonimalad, weyob mergued:Molimar-bebe-nikad-alugwasuarmalad, waladulagwen-gakabake (24),sibad-wawaad-machered, waladulapaa (60),sibad-machered, waladulapaa (60),degine, sibad-wawaad-sapingwagwad-birgagwen-nikad, waladulapaa (60) mergued.We-ibmarmala ibmar-ogumakar-ukleged-aila-nug-imaklenaigusgu Bab-Jehováʼga uklesad.

Bab-Jehová Moisés-ebo-sunmaksad

⁸⁹Moisés Bab-Jehová-ebo-sunmakega, Bab-Jehová-dulemarbo-ambikued-negse dogdegu, Moisés, Bab-Jehová-ega-sunmake itosad. Bab-Jehová-Dulemarbo-Igar-Mesisad-Ulu-e-atued-birgi, baliwitur-warbo-querubinʼye-nugad-gwichimalad-imbagi ega sunmake itosad. Weyobi, Bab-Jehová Moisés-ebo sunmakdaed.

Números 7 / cuk_nvs