ናዝራወ ዎጋ
1ጎዳይ ሙሰኮ፥2“እስራኤለ አሳ ሀይሳዳ ጋዳ ኪታ፤ አደ ግድን ዎይኮ ማጫ ባና ጎዳስ ዱማይድ ናዝራወ ግዳናዉ ቃንግኮ፥3ዎይነ ዎይኮ ሀራ ማይያ ኡሽ ኡዮፖ። ጫላባነ ማያባ ኡዮፖ፤ ዎይነ ቴራ፥ ትያነ መላ ሞፖ።4እ ባና ጎዳስ ዱማይዳ ዎደ ኡባን፥ ዎይነ አይፍያ ግድን ፖቁዋ ግድን ዎይኮ ኮቻ ግድን ሞፖ።5“እ ባና ጎዳስ ዱማይዳ ዎደ ኡባን፥ ባ ሁጵያ ሜደቶፎ ዎይኮ ቃንፀቶፎ። እ ባ ሁጰ ብናና አዱስድ ድቾ። እ ባና ጎዳስ ዱማይዳ ዎደይ ፖለታና ጋካናዉ ጌሽ ግዳናዉ ኮሼስ።6እ ባና ጎዳስ ዱማይዳ ዎደን ኡባን አሀኮ ሺቆፖ።7እ ባና ዱማይዳይሳ ኤርሰይ እያ ሁጵያ ግድያ ግሾ፥ እያ አዋይ ዎይኮ እያ አይያ ዎይኮ እያ እሻይ ዎይኮ እያ ምችያ ሀይቅኮ ኤንታ አሀ ቦችድ ባና ቱንሶፖ።8እ ባና ጎዳስ ዱማይዳ ዎደ ኡባን ጎዳስ ጌሽ።9“አስ እያ ማታን ቆፖና ሀይቅኮ፥ ጎዳስ ጌሽ ግድዳ ባ ሁጵያ ቱንስኮ ላፑን ጋላስ ጋምእድ ባ ሁጵያ ሜደቶ።10ሆስፑን ጋላሳን ናምኡ ሆለታ ዎይኮ ናምኡ ኩራቾታ ጌሻ ዱንካንያ ፐንገን ደእያ ካህንያስ ኤሆ።11ናዝራወይ አሀ ቦችድ ቱንዳ ግሾ ናጋራፐ እያ ጌሻናዉ ካህነይ ሆለታፐ እሱዋ ናጋራ ያርሾ፥ ሀንኩዋ ቃስ ፁሳ ያርሾ ኦድ ያርሾ። ሄ ጋላስ እ ባ ሁጵያ ዎጋዳ ዛሪድ ጎዳስ ጌሾ፤12እ ባና ዛሪድ ጎዳስ ዱማዮ። ያትድ እስ ላይ ማራዘ ናቆ ያርሾ ኦድ ያርሾ። እ ጎዳስ ዱማይዳ ሁጰይ ቱንዳ ግሾ፥ ካሰ እ ባና ጎዳስ ዱማይድ ደእዳ ዎደይ ታይበተና።13“እስ ናዝራወይ ባ ቃንገ ዎድያ ኦንግዳ ዎደ ፖላና ዎጋይ ሀይሳ፤ ጌሻ ዱንካንያ ፐንገ ብድ፤14ቦረይ ባይና እስ ላይ ዶርሳ ኡርገ ፁሳ ያርሾስ፥ እስ ላይ ኡዞ ዶርስ ናጋራ ያርሾስ፥ እስ ማራዘ እስፈተ ያርሾስ ሄ በሳ ኤሆ።15ቃስ ካ ያርሾነ ኡሻ ያርሾ ኤንታራ እስፈ ያርሻናዉ ኤሆ። ሄ ካ ያርሾይ እርሾይ ገልቦና ሎኦ ለ ሻማሆ ዛይተራ ኡከትዳ ኦርደ ኡይነ ሻማሆ ዛይተን ትየትዳ ሌኦ ጋይታን ኤሆ።16“ካህነይ ሄ ኡባ ናጋራ ያርሾነ ፁሳ ያርሾ ኦድ ጎዳስ ያርሾ።17ካህነይ ማራዝያ ጋይታን ደእያ ኡይራ ጎዳስ እስፈተ ያርሾ ኦድ ያርሾ፤ ካልድ ካ ያርሹዋነ ኡሻ ያርሹዋ ያርሾ።18ናዝራወይ ጎዳስ ዱማይዳ ባ ሁጵያ ጌሻ ዱንካንያ ፐንገን ሜደትድ፥ ብናና እስፈተ ያርሾይ ኤፅያ ታማን የጎ።19“ናዝራወይ ባ ሁጵያ ሜደትዳፐ ጉየ፥ ካህነይ ዶይሰትዳ ማራዝያ ገዳ አሹዋ ጋይታን ደእያ ኦርደ ኡይፈነ ሌኦ ኡይፈ ኤክድ፥ ናዝራውያ ኩሸን ዎ።20ያትድ ካህነይ ሄ ኡባ ዩሾ ያርሾ ኦድ፥ ጎዳስ ያርሾ። ሄ ኡባይ ካህንያ ግሾ ግድያ አንጋሱዋራነ ገዳራ ካህንያስ ጌሻ ያርሾ ግዴስ። ሄሳፈ ጎዳስ ናዝራወይ ዎይነ ኡሻ ኡዮ።21ህዛ ጎዳስ ባና ዱማይዳ ናዝራወይ ኦና መላ እመትዳ ዎጋይ ሀይሳ። ሽን ናዝራወይ ያርሻናዉ ኮሽያ ያርሾታፐ አድ እማናዉ ቃንግዳባ ግድኮ፥ ባ ቃንገ ጋናዉ ኮሼስ” ያግስ።ካህነት አንጅያ አንጁዋ
22ጎዳይ ሙሰኮ፥23“አሮንነ እያ አደ ናይት እስራኤለ አሳ አንጅያ ዎደ ሀይሳዳ ያግድ አንጅተ ያጋ፤24“ ‘ጎዳይ ህንተና አንጆ፥ ጎዳይ ህንተና ናጎ፤25ጎዳይ ባ ሶምኡዋ ህንተዉ ፖእሶ፤ እ ህንተዉ ቃቶ፤26ጎዳይ ባ ኬሀ አይፍያን ፄሎ፤ እ ህንተዉ ሳሮተ እሞ’ ያግድ አንጅተ” ያጋ።27“ኤንቲ እስራኤለ አሳ ታ ሱንን አንጅያ ዎደ ታ ኤንታ አንጃና” ያግስ።