Di Řexřa4rif_lti
Tasexxart n Iqahatiyyen
1Issiweř SIDI ak-d Musa d Harun, inna:2“Ḥseb ayt n Qahat azeǧif azeǧif jar ayt n Lawi, am ttwasettfen nitni ɛlaḥsab řaǧat nsen, ɛlaḥsab tudrin n ibabaten nsen,3zi třatin n iseggʷusa sennej ař xemsin n iseggʷusa, marra wenni i ɣa yadfen ɣar řɛeskar maḥend ad yegg řxedmet deg Uqiḍun n Umsagar.4D ta i ɣa yiřin d tasexxart n ayt n Qahat deg Uqiḍun n Umsagar: aḥeṭṭu x Weqdas x Uqeddas.5Xmi dd ɣa fesyen řmargeḥ, ad dd-yas Harun d warraw nnes uca ad kksen ařeḥḥaf i iǧan i dduri uca ad zzayes ssduryen Ttabut n Cchadet.6Ittxeṣṣa ad xas ggen ijj n dduri n iřmawen n ddenfiřat uca ad xas bezzɛen ijj n dduri marra d adeḥmi uca ad as ggen iɛumad nnes i tarebbut.7Ad bezzɛen ict n tjartiřṭ tadeḥmit x tzewḍa i weɣrum n wescan uca ad xas ggen ṭṭbaṣi, tiɣenjayin d řkisan d iɣarrafen s inni i ɣa kebben. Uca ittxeṣṣa ad xas yiři weɣrum n řebda.8Awarni uya ad xas bezzɛen ijj n dduri azeggʷaɣ iḥedqen uca ad tt dřen ɛawed s ijj n dduri n iřmawen n ddenfiřat uca ad as ggen iɛumad nnes i tarebbut.9Xenni ad ksin ict n tjartiřt tadeḥmanit uca ad zzayes dřen řqendiř i tfawt uřa d řefnarat nnes d tjeqqaḍin n teftič nnes d tmejmarin nnes d marra řeqcuɛ nnes i zzect di ṭṭweɛ n tsexxart i řqendiř.10Ad ggen řqendiř-a d marra řeqcuɛ nnes deg ijj n dduri n iřmawen n ddenfiřat uca ad t ssarsen x ǧuḥ n tkessit.11Ad bezzɛen ijj n dduri adeḥmani x uɛalṭar n řebxur uca ad t dřen ɛawed s yijj n dduri n iřmawen n ddenfiřat uca ad as ggen iɛumad nnes i tarebbut.12Uca ad ksin marra řeqcuɛ i tsexxart i ssxeddmen di Zzawect Iqeddsen uca ad ten ggen deg ijj n dduri adeḥmani uca ad t dřen s yijj n dduri n iřmawen n ddenfiřat, xenni ad ssarsen aya x ǧuḥ n tkessit.13Ad kksen min iqqimen n tadunt n uɛalṭar uca ad xas bezzɛen ict n tjartiřt tarjuwanit.14Ad xas ssarsen marra řeqcuɛ i ssxedmen i tsexxart: timejmarin, furcayat, iɣenjayen, ṭṭawyat i urucci d marra dduzan n uɛalṭar. Tiwwa nnes ad bezzɛen ijj n dduri n iřmawen n ddenfiřat uca ad as ggen iɛumad nnes i tarebbut.15Xmi ɣa ikemmeř Harun d warraw nnes dduri n Zzawect Iqeddsen d marra řeqcuɛ n Zzawect Iqeddsen xmi ɣa fesyen iqiḍan n řmargeḥ n řɛeskar, xenni ad dd-asen warraw n Quhat ḥima ad arbun marra, maca ittxeṣṣa war ttḥidin min iǧan iqeddsen, minzi mařa lla ad mmten. Man aya d min ittxeṣṣa ad arbun warraw n Qahat di tmesřact n Uqiḍun n Umsagar.16Aliɛazar, mmis n ukehhan Harun, ad iṭṭef acbar x zzect i tfawt d řebxur ittfuḥen d tewhibt n řɣiǧet n řebda d zzect i wedhan, wah, Harun ad iṭṭef acbar x Tzeddiɣt marra u x marra min dayes, řa x min iǧan di Zzawect Iqeddsen uřa x řeqcuɛ nnes.”17Issiweř SIDI ak-d Musa d Harun, inna:18“Ɣarwem ad tqeḍɛem taqbič n řaǧat n Iqahatiyyen zi řwesṭ n Ilawiyyen.19Ggem kisen ammu ḥima ad ddaren, war ttmettin xmi dd ɣa qarrben ɣar Weqdas x Uqeddas: ittxeṣṣa as i Harun d warraw nnes ad dd-adfen uca ad ggen kuř aryaz di řxedmet nnes u di ddqeř i ittxeṣṣa ad yarbu.20War iɛeddeř ad adfen maḥend ad ẓaren Zzawect Iqeddsen, mɣir i yict n wermac n wabřiwen waha, maɣar xenni ad mmten.”Tasexxart n Ijarcuniyyen21Issiweř SIDI ak-d Musa, inna:22“Ḥseb ɛawed ayt n Jarcun azeǧif azeǧif, am ttwasettfen nitni ɛlaḥsab tudrin n ibabaten nsen, ɛlaḥsab řaǧat nsen.23Ad ten tḥesbed zi třatin n iseggʷusa sennej, ař xemsin n iseggʷusa, kuř ijj i ɣa yadfen ɣar řɛeskar ḥima ad yegg tasexxart deg Uqiḍun n Umsagar.24D ta d tasexxart n řaǧat n Jarcun di tmesřact n tsexxart d tarebbut.25Ad arbun tijartiřin n Tzeddiɣt d Uqiḍun n Umsagar: taseqqaft nnes d tseqqaft nnes n iřmawen n ddenfiřat nni i ɣa yiřin tiwwa nnes, d warwaq n wadaf n Uqiḍun n Umsagar,26d řizarat n řemraḥ d arwaq i tewwart n wadaf ɣar řemraḥ i dd-innḍen i Tzeddiɣt d uɛalṭar d marra ifiřan nsen d marra řeqcuɛ i dd-ittasen ak-d tsexxart nsen u marra min d as ṣennɛen, d man aya ad tiři řxedmet nsen.27Marra řxedmet n ayt n Jarcun di tmesřact n marra tarebbut d marra tasexxart nsen, ad tiři ɛlaḥsab řumur n Harun d warraw nnes. Ittxeṣṣa awem ad ten tessecnem s uḥeṭṭu marra min ittxeṣṣa ad arbun.28Ta d tasexxart n řaǧat n ayt n Jarcun deg Uqiḍun n Umsagar. Nitni ad ksin amnus i uya sadu ufus n Itamar, mmis n Harun, akehhan.
Tasexxart n Ayt n Marari29Ad tḥesbed ayt n Marari, am ttwasettfen nitni ɛlaḥsab řaǧat nsen, ɛlaḥsab tudrin n ibabaten nsen.30Ad ten tḥesbed zi třatin n iseggʷusa sennej, ař xemsin n iseggʷusa, marra wenni i ɣa yadfen ɣar řɛeskar maḥend ad isexxar di tsexxart n Uqiḍun n Umsagar.31D ta d tasɣart nsen di trebbut ɣar marra tasexxart nsen deg Uqiḍun n Umsagar: tifeřwin n Tzeddiɣt d tḥenya n uɛarreḍ d ipilaren nnes d tyarsawin nnes,32d ipilaren n řemraḥ i d as dd-innḍen ak-d tyarsawin nsen d řewtad nsen d iseɣwan nsen, aqa d ta d tasɣart nsen di trebbut n marra řeqcuɛ nsen u di marra tasexxart i dd-ittasen ak-d marra man aya. Řeqcuɛ i ittxeṣṣa ad ten arbun, ittxeṣṣa kenniw ad ten tzemmed s ismawen nsen.33D ta d tasexxart n řaǧat n ayt n Marari ɣar marra tasexxart nsen deg Uqiḍun n Umsagar sadu ufus n Itamar, mmis n Harun, akehhan.”
Imsexxaren n Ilawiyyen34Musa d Harun d řḥukkam n tmesmunt ḥesben ayt n Qahat, am ttwasettfen nitni ɛlaḥsab řaǧat nsen u ɛlaḥsab tudrin n ibabaten nsen,35zeg wenni ɣar iǧa třatin n iseggʷusa sennej, ař wenni ɣar iǧa xemsin n iseggʷusa, kuř ijj i ɣa yadfen maḥend ad isexxar deg Uqiḍun n Umsagar.36Inni zzaysen ittwaḥesben, am ttwasettfen nitni ɛlaḥsab řaǧat nsen, tuɣa aten di ařfayen u-sebɛa-mya u-xemsin.37Ina d inni ittwaḥesben zi řaǧat n Iqahatiyyen, marra wi ittsexxaren deg Uqiḍun n Umsagar, inni ḥesben Musa d Harun x řumur n SIDI sadu ufus n Musa.38Inni ittwaḥesben zeg ayt n Jarcun, am ttwasettfen nitni ɛlaḥsab řaǧat nsen u ɛlaḥsab tudrin n ibabaten nsen,39zeg wenni ɣar iǧa třatin n iseggʷusa sennej, ař wenni ɣar iǧa xemsin n iseggʷusa, kuř ijj i ɣa yadfen maḥend ad isexxar deg Uqiḍun n Umsagar,40aqa inni zzaysen ittwaḥesben, am ttwasettfen nitni ɛlaḥsab řaǧat nsen, ɛlaḥsab tudrin n ibabaten nsen, tuɣa aten di ařfayen u-setta-mya u-třatin,41Ina d inni ittwaḥesben n řaǧat n ayt n Jarcun, marra wi ittsexxaren deg Uqiḍun n Umsagar, inni ḥesben Musa d Harun x řumur n SIDI.42Ina d inni ittwaḥesben n řaǧat n ayt n Marari, am ttwasettfen nitni ɛlaḥsab řaǧat nsen, ɛlaḥsab tudrin n ibabaten nsen,43zeg wenni ɣar iǧa třatin n iseggʷusa sennej, ař wenni ɣar iǧa xemsin n iseggʷusa, kuř ijj i ɣa yadfen di řɛeskar maḥend ad isexxar deg Uqiḍun n Umsagar,44aqa inni zzaysen ittwaḥesben, am ttwasettfen nitni ɛlaḥsab řaǧat nsen, tuɣa aten di teřt-ařaf u-mitayen.45Ina d inni ittwaḥesben n řaǧat n Marari, inni ḥesben Musa d Harun x řumur n SIDI sadu ufus n Musa.46Marra inni ittwaḥesben, inni ḥesben Musa d Harun d řḥukkam n Israil zeg Ilawiyyen, am ttwasettfen nitni ɛlaḥsab řaǧat nsen u ɛlaḥsab tudrin n ibabaten nsen,47zeg wenni ɣar iǧa třatin n iseggʷusa sennej ař wenni ɣar iǧa xemsin n iseggʷusa, marra wenni i ɣa yadfen maḥend ad igg řxedmet n tsexxart u řxedmet n trebbut n ddquřat deg Uqiḍun n Umsagar,48aqa inni zzaysen ittwaḥesben tuɣa aten di temn-ařaf u-xemsa-mya u-tmanin.49Nitni ttwaḥesben x řumur n SIDI sadu ufus n Musa, kuř aryaz ittwařeqqem di tsexxart nnes u x ddqeř nnes. Nitni ttwaḥesben zzayes am mammec d as yumur SIDI i Musa.