فِنّ كّ كَنيِ قُتِقٍ سّرِيّ
1دٍنبَيَ شُنيِ نَشٍيٍ نُ نَ فَلَدِ شَبِلّ يَ مَ، مَكِرِ شَ دِيٍ، مَنَسِ شَ مَمَدِيٍ، يُسُقُ شَبِلّيٍ، نٍيٍ نَشَ سِفَ مُنسَ نُن عِسِرَيِلَ دٍنبَيَ شُنيِيٍ يِرٍ.2عٍ نَشَ عَ قَلَ مُنسَ بّ، «عَلَتَلَ بَرَ عَ يَمَرِ عِ تَن ﭑ مَرِفِ، عِ شَ يِ بْشِ عِتَشُن عِسِرَيِلَ دِيٍ مَ عَلَتَلَ شَ مَرَفِرِ كّحَ مَ، عَ شَ قِندِ عٍ كّ رَ. عَلَتَلَ مَن بَرَ عِ يَمَرِ عِ شَ مُشُ تَارَ سٍلٌقٍشَدِ شَ هَرِفٍ سٌ عَ شَ دِ فِنّيٍ يِ رَ.3كْنْ شَ نَ دِ فِنّيٍ سَ دْشْ بْنسْي فبّتّ شّمّيٍ شْن، عٍ كّ بَمَ نّ مُشُ بْنسْي كّ رَ، عَ سَ عٍ شَ شّمّيٍ بْنسْييٍ كّ شُن مَ. نَ كُي ندٍ بَمَ نّ مُشُ كّ رَ، نَشَن قِشِ مُشُ بْنسْي مَ مَرَفِرِ كُي.4شْرّيَ حّ نَ عَ لِ، عٍ كّ بَمَ نّ مُشُ بٍنبَيٍ كّ رَ، عَ سَ عٍ شَ شّمّيٍ بٍنبَيٍ كّ شُن مَ.»5مُنسَ نَشَ عَلَتَلَ شَ يَامَرِ رَدَنفِ عِسِرَيِلَكَيٍ مَ، عَ قَلَقٍ رَ،6«يُسُقُ بْنسْي، وٌ نْندِ. عَلَتَلَ شَ يَامَرِ نَن يَ سٍلٌقٍشَدِ شَ دِ فِنّيٍ بّ. عٍ شَ دْشْ شّمّ شْن نَشَن نَ شَبِلّ ندٍ كُي عٍ بَبَ بْنسْي يَ مَ.7سٍسٍ مُ بَمَ عِسِرَيِلَ بْنسْي ندٍ كّ رَ، عَ قِندِ بْنسْي فبّتّ كّ رَ. بِرِن عَ بٍنبَ كّ نَن شُن مَكَنتَمَ.8دِ فِنّ كّ كَنيِ شَ دْشْ شّمّ شْن نَشَن نَ شَبِلّ ندٍ كُي عَ بَبَ بْنسْي يَ مَ.9سٍسٍ مُ بَمَ عِسِرَيِلَ بْنسْي ندٍ كّ رَ، عَ قِندِ بْنسْي فبّتّ كّ رَ. بِرِن عَ بٍنبَ كّ نَن شُن مَكَنتَمَ.»10سٍلٌقٍشَدِ شَ دِ فِنّيٍ نَشَ عَلَتَلَ شَ يَامَرِ سُشُ عَلْ مُنسَ عَ قَلَ كِ نَشّ.11عٍ شِلِيٍ نَن يَ؛ مَشَلَ، تِرِ سَ، شٌفَلَ، مِلِكَ، نُن نٌوَ. عٍ بِرِن نَشَ دْشْ عٍ دّيشْيٍ شْن مَ.12عٍ دْشْ مَنَسِ شَ دِ شَبِلّيٍ نَن شْن مَ. نَ كُي عٍ كّ نَشَ لُ عٍ بٍنبَ يُسُقُ بْنسْي.13عَلَتَلَ شَ سّرِيّ نُن يَامَرِيٍ نَن نَ كِ عَ نَشٍيٍ قِشِ مُنسَ مَ، كَتَرَبِ عِسِرَيِلَ مَ، عٍ نُ نَ مٌوَبَ قِيلِ مَ تّمُي نَشّ، يُرُدّن شُرٍ قّ مَ، يٍرِكٌ يَ تَفِ.