እስራኤለ ቢታ ዛዋ
1ጎዳይ ሙሰኮ፥2“እስራኤለ አሳስ ሀይሳዳ ጋዳ ኦዳ፤ ህንተ ካናነ ገልያ ዎደ ታ ህንተዉ ላታ ኦዳ እማና ቢታ ዛዋይ ሀይሳ።3ዱገሀ ባጋ ዛዋይ ሲና መላ ቢታፈ ደንድድ ኤዶመ ዛዋ ካንስ። ዶሎሀ ባጋራ ህንተ ዛዋይ ማፅነ አባፈ ዱገ ባጋራ ዶምድ፥4አቅራብማ አያ በሳ ሻክድ ሲና ቢታ ባዙዋ ካንድ ዱገሀ ባጋራ ቃደስ-ባርነ ጋኬስ። ያፐ ሀዳር-አዳራ ካንድ አፅሞና ጋኬስ።5አፅሞናፐ ደንድድ ግብፀ ሻፋ ጉየ ስሚድ መደትራነ አባ ጋኬስ።6“ዉሎሀ ባጋ ዛዋይ መደትራነ አባ ጋፃ ግዳና።7“ፑደሀ ባጋ ዛዋይ መደትራነ አባ ካልድ ሆራ ዙማ ጋካናዉ ቤስ።8ሆራ ዙማፐ ሀማታ ገልያ በሳ ጋካናዉ ቤስ፤ ሄ ዛዋ ዉርሰይ ፃዳዳ።9ያፐ ደንድድ ዝፍሮና ጋክድ፥ ሀፃር-ኤናናን ኤቄስ፤ ፑደሀ ባጋ ዛዋይ ሀይሳ።10“ዶሎሀ ባጋ ዛዋይ ሀፃር-ኤናናፐ ሳፋማ ማላ ጋኬስ።11ሳፋማ ማላፈ ደንድድ አይናፐ ዶሎሀ ባጋራ እርብላ ዱገ ዎድ ከነሬታ አባፈ ዶሎሀ ባጋራ ደእያ ዙማታ ጋኬስ።12ሄሳፈ ህንተ ዛዋይ ዱገ ዮርዳኖሰ ሻፋ ዎ ዛዋይድ ማፅነ አባ ጋኬስ። ህንተ ቢታ ዩሾ ዛዋት ሀይሳታ” ያግስ።13ሙሰይ እስራኤለ አሳ ሀይሳዳ ያግድ ኪትስ፤ “ኡዱፉን ባጋ ኮቻስ ህንተ ሳማ የግድ ሻካና ላታ ቢታይ ሀይሳ።14ሮቤላ ኮቻይ፥ ጋደ ኮቻይነ ምናሰ ኮቻፈ ባጋይ፥15ባንታ ላታ እያርኮፈ ሄፍንን፥ ዮርዳኖሰ ሻፋፐ ዶሎሀ ባጋን ኤክዶሶና” ያግስ።16ጎዳይ ሙሰኮ፥17“ካህንያ አላዛራነ ናወ ናኣ እያሱይ ሄ ቢታ አሳስ ሻኮ።18ቃስ ቢታ ሻካናዉ ማዳና መላ እስ እስ ኮቻፈ እስ እስ ሀላቃ ዶርተ።19ኤንታ ሱንይ ሀይሳፈ ካልድ ደኤይሳ። ይሁዳ ኮቻፈ ዮፎና ናኣ ካለባ፤20ስሞና ኮቻፈ አምሁዳ ናኣ ሳላምኤላ፤21ብንያመ ኮቻፈ ክስሎና ናኣ ኤልዳዳ፤22ዳነ ኮቻፈ ዮግላ ናኣ ቡቃ፤23ዮሰፋ ናኣ ምናሰ ኮቻፈ ሱፌዳ ናኣ ሀንኤላ፤24ዮሰፋ ናኣ ኤፍሬማ ኮቻፈ ሽፍፃና ናኣ፤ ቃሙኤላ፤25ዛብሎና ኮቻፈ ፋርናካ ናኣ ኤልሳፋና፤26ይሳኮራ ኮቻፈ ሆዛ ናኣ ፓልፅኤላ፤27አሴራ ኮቻፈ ሳሎማ ናኣ አሁዳ፤28ንፍታለመ ኮቻፈ አምሁዳ ናኣ ፓዳህኤላ፤29ካናነ ቢታ እስራኤለ አሳስ ላታ ኦድ ሻክድ እማና መላ ጎዳይ ኪትዳ አሳት ሀይሳታ” ያግስ።