Isra7eele Asay Gibxeppe Mo7aabe Gakkanaas Bida Taarike
1Isra7eele asay ba zarkken zarkken shaaketti shaaketti Museynne Aarooney kaaleththiin Gibxeppe kezidaappe guye dumma dumma wode istti dunkaani uttidasohoti hayssafe kaallizayta;2istti dumma dumma wode dunkaani uttidasohota sunththaa GODAY azazida mala Musey xaafides.3Isra7eele asay koyro aginay gelida 15 gallas Paaziga ba7aaleppe wonteth Gibxe asay ubbay istti xeellishin yayyontta Eraamise katama yeggi kezides.4He wode Gibxe asay istta giddofe GODAA boshan hayqqida bayrata bayrata moogon deettes; he wode GODAY istta eeqa xoossata bollaka pirdides.5Isra7eele asay Eraamiseppe dendi biidi Sukooten dunkaani uttides.6Sukooteppe dendidi bazzo gaxa bolla diza Etaamen dunkaani uttides.7Etaameppe dendidi Ba7aali-Xafooneppe arshey mokkiza baggara diza Pihaahiroote simmidi Migidoole heeran dunkaani uttides.8Pihaahirooteppe dendidi Zo7o abba pinnidi Etaame bazzo bides; Etaame bazzon heedzdzu gallas gakkanaas biidi Maara gakki dunkaanides;9Maarappe dendidi tammanne nam7u haaththa pulttotinne laappun tammu tamire miththati dizaso Eelaame gakki dunkaani uttides.10Eelaameppe dendidi Zo7o abbaa matan dunkaani uttides.11Zo7o abbaa matappe dendidi Siina bazzon dunkaani uttides.12Siina bazzofe dendidi Dufiqan dunkaani uttides.13Dufiqappe dendidi Alushen dunkaani uttides.14Alusheppe dendidi ushsha haaththi bayndason Erafidimen dunkaani uttides.15Erafidimeppe dendidi Siina bazzon dunkaani uttides.16Siina bazzofe dendidi Kibroote-Hatta7aaben dunkaani uttides.17Kibroote-Hatta7aabeppe dendidi Haxirooten dunkaani uttides.18Haxirooteppe dendidi Eretiman dunkaani uttides.19Eretimappe dendidi Eremon-Perezen dunkaani uttides.20Eremon-Perezeppe dendidi Libinan dunkaani uttides.21Libinappe dendidi Erisan dunkaani uttides.22Ersappe dendidi Qahalaaten dunkaani uttides.23Qahalaateppe dendidi Shefere zuman dunkaani uttides.24Shefere Zumaappe dendidi Haradan dunkaani uttides.25Haradappe dendidi Maqihaloten dunkaani uttides.26Mahalooteppe dendidi Tahaaten dunkaani uttides.27Tahaateppe dendidi Taaran dunkaani uttides.28Taarappe dendidi Mitiqan dunkaani uttides.29Mitiqappe dendidi Hashemoonen dunkaani uttides.30Hashemooneppe dendidi Moserooten dunkaani uttides.31Moserooteppe dendidi Beeni Yaqinen dunkaani uttides.32Beeni Yaqineppe dendidi Hori-Haggidigan dunkaani uttides.33Hori-Haggidigappe dendidi Yoxbaaten dunkaani uttides.34Yoxbaateppe dendidi Abroonen dunkaani uttides.35Abrooneppe dendidi Eexiyoon-Gaabiren dunkaani uttides.36Eexiyoon-Gaabireppe dendidi Xiine bazzon diza Qaadeesen dunkaani uttides.37Qaadeeseppe dendidi Eedoome dere dhassan diza Hoore zuman dunkaani uttides.38Qeese Aarooney GODAA azazon pude Hoore zumaa bolla kezides; heen Isra7eele asay Gibxeppe kezida oyddu tammanththa layththan ichchashanththo aginay xeerida koyro gallas hayqqides.39Aarooney Hoore zumaa bolla hayqqiza wode iza layththay xeetanne nam7u tammanne heedzdza.40Kanaane biittan Negeben diza Kanaane as Araade kawoy Isra7eele asay yizayssa siyides.41Derezikka Hoore zumaappe dendidi Xelimonan dunkaani uttida.42Xelimonappe dendidi Panoonen dunkaani uttides.43Panooneppe dendidi Obooten dunkaani uttides.44Obooteppe dendidi Mo7aabe dhassan diza Iye-Abaarimen dunkaani uttides.45Iye-Abaarimeppe dendidi Diboon-Gaaden dunkaani uttides.46Diboon-Gaadeppe dendidi Almmoon-Dibilatayen dunkaani uttides.47Almmoon-Dibilatayeppe dendi Nebo matan diza Abaarime zumata bolla dunkaani uttides.48Abaarime zumatappe dendidi Iyarkkofe Yordaanoose pinththan diza Mo7aabe demban dunkaani uttides.49Heen Yordaanoose matan Mo7aabe demban Beeti-Yashimooteppe biidi Aabeeli-Shuutime gakkanaas dunkaani uttides.Yordaanoose Pinnidi Ooththanaas Bessiza Woga
50Iyarkko ginara Yordaanoose pinththan Mo7aabe demban istti dishin Isra7eele derezas yootana mala GODAY Muses hayssafe kaalliza wogaa immides.51Neni Isra7eele asaas, «Intte Kanaane dere gelanaas Yordaanoose pinniza wode,52he biittaan diza asaa ubbaa intte sinththafe gooddi kessite; shuchchafenne biratappe oosettida istta eeqa xoossata menththereththi yeggite; hessaththoka dhoqqasohotan diza istti goynnizasotakka laallite.53Tani he biittayo inttes immida gishshas laattidi intte izin diite.54Biittayo intte zarkken zarkken gishetti ekkite; qoodan dariza zarkkes dalga gade immite; qoodan guuxxiza zarkketas xunththa gade immite; issoy issoy ba zarkken zarkken biittayo ay gidiinkka saamay gaththida mala baas laata gade histti ekko.55«Kase he biittan diza asata ubbaa gooddi kessontta isttafe shaakki ashshiko istti intte ayfe caddi toyssiza pilqe mala gidana; mille caddiza agunththa mala gididi istti inttena waayisana; intte diza derezan istti ubba wode ola denththi denththi inttena metoththana.56Intte hessaththo ooththontta aggiko tani istta dhayssana ga qoppoyssa intte bolla zaara polana» gides.