አሮና አደ ናይታ
1ጎዳይ ሲና ዙማ ቦላ ሙሰራ ኦደትያ ዎደ ደእያ አሮናነ ሙሰ ሶ አሳይ ሀይሳፈ ካልድ ፃፈትዳይሳ።2አሮና አደ ናይታ ሱንይ፥ ባይራይ ናዳባ፥ ካለይ አብዮዳ፥ አላዛራነ እታማራ።3ሄ አሮና አደ ናይት ኡባይ፥ ካህነ ግድድ ኦናዉ ትየትድ ሹመትዶሶና።4ሽን ኤንታ ግዶፈ ናዳበይነ አብዮድ ሲና መላ ቢታን ጎዳ ስንን ጌሽ ግዶና ታማን ያርሾ ያርሽድ ሀይቅዶሶና። ኤንታዉ ናእ ባዋ። ሄሳ ግሾ፥ ኤንታ አዋይ አሮን ፓፃ ደእዳ ላይ ኡባን አላዛርነ እታማራ ፃላል ካህነ ግድድ ኦዶሶና።ሌወታ ኦሶ
5ጎዳይ ሙሰኮ፥6“ሌወ ኮቻታ ኤሀዳ ካህንያ አሮና ማዳና መላ ኤንታ እያ ስን ሺሻ።7ኤንቲ አሮናነ እስራኤለ ማባራ ኡባ ጌሻ ዱንካንያ ስንን ዱማ ዱማ ኦሶ ኦድ ማዶ።8ኤንቲ ጌሻ ዱንካንያ ግዶን ደእያ ሚሸ ኡባ አዋተን አይሶ። እስራኤለ አሳ ግሾ ጌሻ ዱንካንያ ግዶን ኦሶ ኡባ ኤንቲ ኦና።9አሮናነ እያ አደ ናይታ ማዳና መላ ሌወታ ሹማ። ኤንቲ እስራኤለ አሳ ግዶፈ ሻከትድ አሮና ማዳና መላ እመትዶሶና።10አሮናነ እያ አደ ናይታ ካህነ ኦዳ ሹማ። ኤንታፈ ሀራ አስ ኦንካ ጌሻ ዱንካንያኮ ሺቅኮ ሀይቆ” ያግስ።11ቃስ ጎዳይ ሙሰኮ፥12“ታኒ እስራኤለን የለትያ ባይራ አደ ናይታ ግሾ ሌወታ ኤካስ። ሌወት ታባ።13አይስ ጊኮ፥ ባይራ የለትዳ ኡባይ ታባ። ታ ግብፀ ቢታን ባይራ የለትዳ ኡባ ዎዳ ጋላሳን፥ እስራኤለን ባይራ የለትዳባ ኡባ አሰ ግድን፥ መሄ ግድን፥ ታዉ ዱማያስ። ኤንቲ ታባ ግዳና። ታኒ ጎዳ” ያግስ።ሌወታ ታይቡዋ
14ቃስካ ጎዳይ ሙሰኮ ሲና መላ ቢታን፥15“ሌወታ ኤንታ ኮቻን፥ ቃስ ኤንታ ሶ አሳን አሳን ታይባ። የለትን እስ አጌናነ እያፐ ቦላ ግድዳ አደ ናይታ ኡባ ታይባ” ያግስ።16ያትን ጎዳይ ኪትዳይሳዳ ሙሰይ ኤንታ ታይብስ።17ሌወ አደ ናይት ገድሶና፥ ቃሀታ ማራራ።18ገድሶና አደ ናይት ልብናነ ሳመአ ጌተቶሶና።19ቃሃታ አደ ናይት አምራማ፥ ይዝሃራ፥ ከብሮናነ ኡዝኤላ።20መራራ አደ ናይት ማህላነ ሙሳ ጌተቶሶና። ሌወታ ማይዛት ሀይሳታ።21ናምኡ ገድሶና ኮቻት ልብናነ ስምአ።22የለትን እስ አጌናነ እያፐ ቦላ ግድዳ አደ ናይታ ታይቦይ 7,500.23ገድሶና ኮቻት ጌሻ ዱንካንያፐ ጉየን ዉሎሀ ባጋን ዱንካንዶሶና።24ገድሶና ኮቻ ሶ አሳ ሀላቃይ ላኤላ ናኣ ኤልያሳፋ።25ገድሶና ኮቻስ ጌሻ ዱንካንያ ቦላ ደእያ አዋተይ፥ ዱንካንያ፥ ጋ ካማ፥ ካረ ካማ፥ ዉላ ማጋራጁዋ፥26ዱንካንያ ዩሾን ደእያ ዳባባ ማጋራጁዋ፥ ያርሾ በሳ ማጋራጁዋ፥ ዳባባ ዉላ ማጋራጁዋ፥ ዎዶሮታነ እያን ጎኤትያ ሚሸታ ኡባ አዋተን አይሶሶና።27ቃሃታ ኮቻት አምራማ፥ ይዝሃራ፥ ከብሮናነ ኡዝኤላ።28የለትን እስ አጌናነ እያፐ ቦላ ግድዳ አደ ናይታ ታይቦይ 8,600. ቃሃታ ኮቻት ጌሻ ዱንካንያ አዋተን ናጎሶና።29ቃሃታ ኮቻት ጌሻ ዱንካንያፐ ዱገሀ ባጋራ ዱንካንዶሶና።30ቃሃታ ኮቻ ካለይ ኡዝኤላ ናኣ ኤልዛፋና።31ኤንቲ ታቦትያ፥ ፃርጴዛ፥ ፆምፐ ዎያ ኮጫ፥ ያርሽሶ በሳ፥ ካህነት ጎኤትያ ጌሻ ዱንካንያ ሚሸታ፥ ኡባፈ ጌሻ በሳ ገልያ ዉላ ቦላ ደእያ ማጋራጁዋ አዋተን አይሶ።32ሌወታ ሀላቃይ ካህንያ አሮና ናኣ አላዛራ። እ ጌሻ በሳን ኦይሳታስ ሹማ።33መራራ ኮቻት ማህላነ ሙሳ።34የለትን እስ አጌናነ እያፐ ቦላ ግድዳ አደ ናይታ ታይቦይ 6,200.35መራራ ኮቻ ካለይ አብካላ ናኣ ዙርኤላ። መራራ ኮቻይ ጌሻ ዱንካንያፐ ፑደሀ ባጋራ ዱንካንዶሶና።36መራራ ኮቻይ ዱንካንያ ቱቀታ፥ ልዮታ፥ ቱሳታነ ቱሳት ኤቅያ ገዳታ፥ ሄሳዳካ ግዶን ኮሽያ ሚሸታ ኡባ ኤንቲ አዋተን አይሶሶና።37ጉጅድካ፥ ዱንካንያ ዩሾን ደእያ ዳባባ ቱሳታነ ኤንታ ገዳታ፥ ሸታነ ዎዶሮታ አዋተን አይሶሶና።38ጌሻ ዱንካንያ ስንን ዶሎሀ ባጋራ ሙሰይ፥ አሮንነ እያ አደ ናይት ዱንካንዶሶና። ጌሻ ዱንካንያ ግዶን እስራኤላ አሳ ግሾ ኦሰትያ ኦሶ ኡባ ኤንቲ አዋተን አይሶሶና። ሀራ አስ ጌሻ ዱንካንያኮ ሺቅኮ ሀይቆ።39ጎዳይ፥ ሙሰነ አሮና ኪትዳይሳ መላ እስ አጌናነ እያፐ ቦላ ግድዳ ሌወታ አደ ናይታ ታይቦይ 22,000.ባይራ አደ ናይታ ዎዞ
40ጎዳይ ሙሰኮ፥ “የለትን እስ አጌናነ እያፐ ቦላ ግድዳ እስራኤለ ባይራ አደ ናይታ ታይባዳ ኤንታ ሱን ፃፋ።41እስራኤለ ባይራ አደ ናይታ በሳን ሌወታ፥ ቃስ እስራኤለ ባይራ መህያ በሳን ሌወታ ባይራ መህያ ታዉ ኤካ። ታኒ ጎዳ” ያግስ።42ጎዳይ ሙሰ ኪትዳይሳዳ እስራኤለን ባይራ የለትዳ ኡባ ታይብስ።43የለትን እስ አጌናነ እያፐ ቦላ ግድዳ ባይራ አደ ናይታ ታይቦይ 22,273.44ጎዳይ ሙሰኮ፥45“እስራኤለ ባይራ አደ ናይታ በሳን ሌወታ ታዉ ዱማያ። ቃስ እስራኤለ ባይራ መሄታ በሳን ሌወታ ባይራ መህያ ታዉ ዱማያ፤ ታኒ ጎዳ።46እስራኤለ ባይራ አደ ናይታ ታይቦይ ሌወታ ባይራ አደ ናይታ ታይቡዋፐ 273 አያ ግሾ ሄ አትዳይሳታ ታዉ ዎዛ።47እሱዋስ እሱዋስ ጌሻ ዱንካነን ኤረትዳ ምዛነን እቻሹ ብራ ሳንትመን ዎዛ።48ሄ ዎዞ ሚሽያ አሮናስነ እያ አደ ናይታስ እማ” ያግስ።49ፓላህዳይሳታ ዎዞ ሚሽያ ሙሰይ ሺሽስ።50ጌሻ ዱንካንያ ምዛንያ ልከን እስራኤለ ባይራ አደ ናይታ ዎዞ ሚሽያ 1,365 ብራ ሳንትመ ኤክስ።51ጎዳይ ኪትዳይሳዳ ሙሰይ ዎዞ ሚሽያ አሮናስነ እያ አደ ናይታስ እሚስ።