Read Naokɛa 28

Naokɛa28bqc_sim

Lá gu lɛ́ dↄ sa'oa

¹Dii ò Mↄiziɛ à mɛ̀:²Yãdilɛ Isailiↄnɛ aali ma gba blɛ pↄ́ a tɛ́kũa gĩ ì kɛmɛɛ na a gↄↄwa.³Onɛ́ sa pↄ́ wì a pↄ́ nísi kátɛu à tɛ́kũn kɛ: Lá gu lɛ́ dↄ aaliↄ mↄmɛɛ ń sãnɛbↄlↄ wɛ̃dona sãasaio mɛ̀n pla sa pↄ́ wì a pↄ́ kátɛu à tɛ́kũ obↄↄ ũ.⁴Aali sa'o ń a mɛ̀ndoo kↄↄ, mɛ̀ndo oosiɛlɛ⁵ń pↄ́wɛntio kiloo do yãalɛa ń nísi íwa wásawasao litili do.⁶Lá gu lɛ́ dↄ sa pↄ́ wì a pↄ́ kátɛu a pↄ́ tɛ́kũa gĩ ì kɛmɛɛ na, má dìlɛ Sinai gbɛ musun we.⁷Aali vɛ̃ɛ ka sãpiwa litili do zwã̀akpɛu ma imia ũ.⁸Aali a plaade o oosiɛlɛ ń pↄ́wɛnti gbao ń vɛ̃ɛ gbao lán kↄↄ pↄ́waɛ. Sa pↄ́ wì a pↄ́ nísi kátɛu a pↄ́ tɛ́kũa gĩ ì kɛmɛɛ nan we.

Kã́mabogↄↄ sa'oa ń mↄ dafu gↄↄ sɛ̃́ia pↄ́o

⁹Kã́mabogↄↄzĩ àli sa'o ń sãsa wɛ̃dona sãasaio mɛ̀n plapla ń pↄ́wɛntio kiloo pla yãalɛa ń nísio ń a vɛ̃ɛo.¹⁰Kã́mabogↄↄ sa pↄ́ wì a pↄ́ kátɛu à tɛ́kũ obↄↄn we, lá gu lɛ́ dↄ sa pↄ́ wì a pↄ́ kátɛu à tɛ́kũ oa ń a vɛ̃ɛo bàasi.¹¹Mↄ gↄↄ sɛ̃́ia zĩ́ píi àli mↄmɛɛ ń gáaenao pla ń sãsakaoo do ń sãsa wɛ̃donao sopla sa pↄ́ wì a pↄ́ kátɛu à tɛ́kũ obↄ sãasaiↄ ũ.¹²Íli pↄ́wɛnti kiloo àaↄ̃ yãalɛa ń nísio kpa gáaena píi miwa, sãsakao pↄ́wɛnti kiloo plapla,¹³sãnɛbↄlↄ sↄ̃ kiloo dodo. Iↄ dɛ sa pↄ́ a pↄ́ tɛ́kũa gĩ ì kɛmɛɛ na ũ.¹⁴Íli vɛ̃ɛ kpa gáaena píi miwa litili plapla, sãsakao litili dodo ń kĩnio, sãnɛbↄlↄ sↄ̃ litili dodo. Sa pↄ́ wàli a pↄ́ kátɛu à tɛ́kũ mↄ gↄↄ sɛ̃́ia zĩ́n we mↄ ń mↄo píi.¹⁵Bee gbɛa àli sa'o ń blesanao mɛ̀ndodo duun awakpabↄ ũ, lá gu lɛ́ dↄ sa pↄ́ wì o ń a vɛ̃ɛo bàasi.

Gɛ̃amusu dikpɛ sa'oa

¹⁶Mↄ sɛ̃́ia gↄↄ gɛ̃o mɛ̀ndosaide zĩ́ àli Gɛ̃amusu sã dɛmɛɛ.¹⁷Mↄpi gↄↄ gɛ̃ode zĩ́ líↄ dɛ dikpɛ ũ. Àliↄ kàa so e gↄↄ sopla.¹⁸Dikpɛpi gↄↄ sɛ̃́ia zĩ́ àli kãaa à ma sísi. Ásuli zĩe kɛ zĩbeezĩo.¹⁹Àli sa pↄ́ wì a pↄ́ kátɛu à tɛ́kũ oa ń gáaenao pla ń sãsakaoo do ń sãsa wɛ̃donao sopla, apii iↄ dɛ pↄ́ sãasaiↄ ũ.²⁰Íli pↄ́wɛnti kiloo àaↄ̃ yãalɛa ń nísio kpa gáaena píi miwa pↄ́wɛnti gba ũ, sãsakao pↄ́wɛnti kiloo plapla,²¹sã mɛ̀n soplapiↄ sↄ̃ pↄ́wɛnti kiloo dodo.²²Íli sa'o ń blesanao mɛ̀ndo lↄ duun awakpabↄ ũ á duunakɛ̃awá yã́i.²³Íli sapiↄ o, sa pↄ́ wì a pↄ́ kátɛu à tɛ́kũ lá gu lɛ́ dↄ oa bàasi.²⁴Íliↄ sa'o màa lá gu lɛ́ dↄ e gↄↄ sopla, iↄ dɛ sa pↄ́ a pↄ́ tɛ́kũa gĩ ì kɛmɛɛ na ũ. Àliↄ sapi o lá gu lɛ́ dↄ sa pↄ́ wì a pↄ́ kátɛu à tɛ́kũ oa ń a vɛ̃ɛo bàasi.²⁵Gↄↄ soplade zĩ́ àli kↄ̃ kãaa à ma sísi. Zĩ́ bee ásuli zĩe kɛo.

Pãteko dikpɛ sa'oa

²⁶Bua pↄ́ káauↄ dikpɛgↄↄzĩ, tó álɛ mↄmɛɛ ń pↄ́wɛn dafuo Pãteko dikpɛpi kɛbↄ ũ,àli kↄ̃ kãaa à ma sísi. Zĩbeezĩ ásuli zĩe kɛo.²⁷Íli sa pↄ́ wì a pↄ́ kátɛu à tɛ́kũ oa ń gáaenao pla ń sãsakaoo do ń sãsa wɛ̃donao sopla. Apii iↄ dɛ pↄ́ sãasaiↄ ũ.²⁸Íli ma gba pↄ́wɛnti kiloo àaↄ̃ yãalɛa ń nísio gáaena píi miwa, sãsakao pↄ́ kiloo plapla,²⁹sã mɛ̀n soplapiↄ sↄ̃ kiloo dodo.³⁰Íli sa'o ń blesanao mɛ̀ndo lↄ á duunakɛ̃awá yã́i.³¹Àliↄ sapiↄ o lá gu lɛ́ dↄ sa pↄ́ wì a pↄ́ kátɛu à tɛ́kũ oa ń a pↄ́wɛntio bàasi, íli o ń pↄtuo sãasaiↄ ń vɛ̃ɛ pↄ́ wì kpaoo.

Naokɛa 28 / bqc_sim

Lá gu lɛ́ dↄ sa'oa

Kã́mabogↄↄ sa'oa ń mↄ dafu gↄↄ sɛ̃́ia pↄ́o

Gɛ̃amusu dikpɛ sa'oa

Pãteko dikpɛ sa'oa

Naokɛa28bqc_sim