1Vigabitile gago Mndewa Imulungu kamulongela Musa na Eleazali mwanage Haluni imulava nhosa,2“Wapeteni Waizilaeli wose kila munhu kamba viyeli mna dikabila jake. Wapeteni wambigalo wose kusongela weli na miyaka malongo mabili na kugendelela awo odaha kuchola kuing'hondo.”3Musa na imulava nhosa Eleazali walonga na iwanhu kudibawe da Moabu, behi na lwanda lwa Yolidani, ukalile oilola na buga da Yeliko dikalile umwambu wa ulwanda, wawalongela,4“Wapeteni iwanhu kusongela waja weli na miyaka malongo mabili na kugendelela, kamba Mndewa Imulungu viyamulagize Musa.” Iwanhu wose kwa wose walawile Misili wakala wano.5Mdikabila da Lubeni chaudele wa Yakobo zilawa ng'holo zino.Kubitila Henoki lulawa lukolo lwa Wahanoki,kubitila Palu lulawa lukolo lwa Wapalu,6kubitila Hesiloni lulawa lukolo lwa Wahesiloni,kubitila Kalimi lulawa lukolo lwa Wakalimi.7Iwambigalo wose kwa wose wapetigwe kulawa mzing'holo za kabila da Lubeni wakala elufu alobaini na ndatu na magana saba na selasini (43,730).8Mwanage Palu kakala Eliabu,9na wanage Eliabu wakala Nemueli na Datani na Abilamu, awo iwabili Datani na Abilamu wakala wasaguligwe mna umting'hano lakini wamuleka Musa na Haluni na wailumba na iwanhu wamkweleleze Kola, viwamulemile Mndewa Imulungu.10Isi igubuka na iwameza, wafa hamoja na Kola na iwanhu wamkweleleze, moto viuwalukuze wanhu magana mabili na malongo matano, acho kiwa kinhu cha kuwazuma iwanhu.11Lakini wanhu wa ulelo wa Kola hawakomigwe wose.12Mdikabila da Simeoni zilawa ng'holo zino.Kubitila Nemueli lulawa lukolo lwa Wanemueli,kubitila Yamini lulawa lukolo lwa Wayamini,kubitila Yakini lulawa lukolo lwa Wayakini,13kubitila Zela lulawa lukolo lwa Wazela,kubitila Shauli lulawa lukolo lwa Washauli.14Iwambigalo wose kwa wose wapetigwe kulawa mzing'holo za kabila da Simeoni wakala elufu ishilini na mbili na magana mbili (22,200).15Mdikabila da Gadi zilawa ng'holo zino.Kubitila Sifoni lulawa lukolo lwa Wasifoni,kubitila Hagi lulawa lukolo lwa Wahagikubitila Shuni lulawa lukolo lwa Washuni,16kubitila Ozini lulawa lukolo lwa Waozini,kubitila Eli lulawa lukolo lwa Waeli,17kubitila Alodi lulawa lukolo lwa Waalodi,kubitila Aleli lulawa lukolo lwa Waaleli.18Iwambigalo wose kwa wose wapetigwe kulawa mzing'holo za kabila da Gadi wakala elufu alobaini na magana tano (40,500).19Wanage Yuda wakala Eli na Onani. Awo wafila mwiisi ya Kanaani.20Mdikabila da Yuda zilawa ng'holo zino.Kubitila Shela lulawa lukolo lwa Washela,kubitila Pelesi lulawa lukolo lwa Wapelesi,kubitila Zela lulawa lukolo lwa Wazela.21Wanage Pelesi wakala Hesiloni na Hamuli.Kubitila Hesiloni lulawa lukolo lwa Wahesiloni,kubitila Hamuli lulawa lukolo lwa Wahamuli.22Iwambigalo wose kwa wose wapetigwe kulawa mzing'holo za kabila da Yuda wakala elufu sabini na sita na magana tano (76,500).23Mdikabila da Isakali zilawa ng'holo zino.Kubitila Tola lulawa lukolo lwa Watola,kubitila Puva lulawa lukolo lwa Wapuva,24kubitila Yashubu lulawa lukolo lwa Wayashubu,kubitila Shimuloni lulawa lukolo lwa Washimuloni.25Iwambigalo wose kwa wose wapetigwe kulawa mzing'holo za kabila da Isakali wakala elufu sitini na nne na magana ndatu (64,300).26Mdikabila da Zabuloni zilawa ng'holo zino.Kubitila Seledi lulawa lukolo lwa Waseledi,kubitila Eloni lulawa lukolo lwa Waeloni,kubitila Yaleeli lulawa lukolo lwa Wayaleeli.27Iwambigalo wose kwa wose wapetigwe kulawa mzing'holo za kabila da Zebuloni wakala elufu sitini na magana tano (60,500).28Kulawa Yusufu tatao Manase na Efulaimu galawa makabila mabili, kabila da Manase na kabila da Efulaimu.29Mdikabila da Manase zilawa ng'holo zino.Kubitila Makili lulawa lukolo lwa Wamakili,kubitila Gileadi lulawa lukolo lwa Wagileadi,30wanage Gileadi wakala Yezeli na Heleki,kubitila Yezeli lulawa lukolo lwa Wayezeli,kubitila Heleki lulawa lukolo lwa Waheleki,31kubitila Asilieli lulawa lukolo lwa Waasilieli,kubitila Shekemu lulawa lukolo lwa Washekemu,32kubitila Shemida lulawa lukolo lwa Washemida,kubitila Hefeli lulawa lukolo lwa Wahefeli.33Selofehadi mwanage Hefeli halelile wana wa kimbigalo, ila kalela wana wa kitwanzi waiyeka, matwaga gao gakala Mala na Nuhu na Hogila na Milika na Tiliza.34Iwambigalo wose kwa wose wapetigwe kulawa mzing'holo za kabila da Manase wakala elufu hamsini na mbili na magana saba (52,700).35Mdikabila da Efulaimu zilawa ng'holo zino.Kubitila Shutela lulawa lukolo lwa Washutela,kubitila Bekeli lulawa lukolo lwa Wabekeli,kubitila Tahani lulawa lukolo lwa Watahani.36Mwanage Shutela kakala Elani,kubitila Elani lulawa lukolo lwa Waelani.37Iwambigalo wose kwa wose wapetigwe kulawa mzing'holo za kabila da Efulaimu wakala elufu selasini na mbili na magana tano (32,500). Kabila zose azo mbili zilawa kwa Yusufu.38Mdikabila da Benjamini zilawa ng'holo zino.Kubitila Bela lulawa lukolo lwa Wabela,kubitila Ashibeli lulawa lukolo lwa Waashibeli,kubitila Ahilamu lulawa lukolo lwa Waahilamu,39kubitila Shufamu lulawa lukolo lwa Washufamu,kubitila Hufamu lulawa lukolo lwa Wahufamu.40Wanage Bela wakala Alidi na Naamani.Kubitila Alidi lulawa lukolo lwa Waalidi,kubitila Naamani lulawa lukolo lwa Wanaamani.41Iwambigalo wose kwa wose wapetigwe kulawa mzing'holo za kabila da Benjamini wakala elufu alobaini na tano na magana sita (45,600).42Mdikabila da Dani lulawa lukolo luno.Kubitila Shuhamu lulawa lukolo lwa Washuhamu.43Iwambigalo wose kwa wose wapetigwe kulawa mzing'holo za kabila da Dani wakala elufu sitini na nne na magana nne (64,400).44Mdikabila da Asheli zilawa ng'holo zino.Kubitila Imina lulawa lukolo lwa Waimina,kubitila Ishivi lulawa lukolo lwa Waishivi,kubitila Belia lulawa lukolo lwa Wabelia.45Wanage Belia wakala Hebeli na Malikieli.Kubitila Hebeli lulawa lukolo lwa Wahebeli,kubitila Malikieli lulawa lukolo lwa Wamalikieli.46Asheli kakala na mndele yakemigwe Sela.47Iwambigalo wose kwa wose wapetigwe kulawa mzing'holo za kabila da Asheli wakala elufu hamsini na ndatu na magana nne (53,400).48Mdikabila da Nafutali zilawa ng'holo zino.Kubitila Yaseeli lulawa lukolo lwa Wayaseeli,kubitila Guni lulawa lukolo lwa Waguni,49kubitila Yeseli lulawa lukolo lwa Wayeseli,kubitila Shilemu lulawa lukolo lwa Washilemu.50Iwambigalo wose kwa wose wapetigwe kulawa mzing'holo za kabila da Nafutali wakala elufu alobaini na tano na magana nne (45,400).51Waizilaeli wose kwa wose viwapetigwe wakala laki sita na elufu imoja na magana saba na selasini (601,730).52Abaho Mndewa Imulungu kamulongela Musa,53“Wanhu wa makabila gano gose uwagwelele isi ayo kamba uhazi wao, kamba viwapetigwe kwa matwaga gao.54Kabila dili na wanhu wengi wagweleligwe uhazi mkulu na kabila dili na wanhu wadodo wagweleligwe uhazi mdodo. Kila kabila digweleligwe uhazi wake kamba iwanhu viweli.55Vivija isi ayo igoligwe kwa kubwanha simbi. Kila kabila digweleligwe isi ayo kamba matwaga ga wahenga zao vigeli.56Uhazi wa kila kabila ugoligwe kwa kubwanha simbi, kila kabila digweleligwe kamba vidili kulu hebu vidili dodo.”57Mdikabila da Lawi zilawa ng'holo zino.Kubitila Gelishoni lulawa lukolo lwa Wagelishoni,kubitila Kohati lulawa lukolo lwa Wakohati,kubitila Melali lulawa lukolo lwa Wamelali.58Vivija ng'holo zino zilawa mdikabila da Lawi, Walibini na Wahebuloni na Wamahili na Wamushi na Wakola. Kohati kakala tata wa Amulamu.59Mwehe wa Amulamu twaga jake kakemigwa Yokebedi biti Lawi, kalelekela ako Misili. Mtwanzi ayo kamulelela Amulamu wana wadatu, wa kimbigalo wabili, Haluni na Musa na mtwanzi imoja yakemigwe Miliamu.60Haluni kakala na wana wa kimbigalo wane, Nadabu na Abihu na Eleazali na Itamali.61Lakini Nadabu na Abihu wafa viwamgalile Mndewa Imulungu nhosa ya moto haung'ala.62Walawi wambigalo wose kwa wose kusongela wana weli na mwezi umoja na kugendelela wakala elufu ishilini na ndatu (23,000). Wano hawapetigwe hamoja na Waizilaeli wayagwe kwavija wao hawagweleligwe isi yoyose kamba uhazi wao mna iwanhu wa Izilaeli.63Wano awo wambigalo mna iwanhu wa Izilaeli wapetigwe na Musa na imulava nhosa Eleazali kudibawe da Moabu, behi na lwanda lwa Yolidani uilola na buga da Yeliko dikalile umwambu wa ulwanda.64Kuduhu hata munhu imoja yasigale mna iwanhu wapetigwe na Musa na imulava nhosa Haluni, kipindi viwawapetile iwanhu kwa mwanza wa ichanduso ako kuluwala lwa Sinai.65Kwavija Mndewa Imulungu kakala yalongile wose ofila kuluwala, na vivo ikalile kuduhu hata munhu imoja yasigale mgima, ila Kalebu mwanage Yefune na Yoshua mwanage Nuni.