ሞአበት እስራኤለታ ባለዶሶና
1እስራኤለ አሳይ ሴፅማ ጌተትያ በሳን ዱንካንድ ደእሽን፥ እስራኤለ አደት ሞአበ ማጫታራ ላይማቶ ዶምዶሶና።2ሄ ማጫሳት ባንታ ፆሳታ ያርሹዋ ማና መላ ፄግዶሶና። ኤንቲ ሄ ያርሾ ካ ምድ ኤንታ ፆሳታ ጎይንዶሶና።3እስራኤለት ብኤል-ፋጎራ ጌተትያ ኤቃ ጎይንዳ ግሾ ጎዳይ ኤንታ ቦላ ሀንቀትስ።4ያትን፥ ጎዳይ ሙሰኮ፥ “ጎዳ ሀንቆይ እስራኤለፐ ስማና መላ ካለያ አሳ ኡባ ኤፋዳ ሴታ ጋላስ ጎዳ ስንን ካቃ” ያግስ።5ሙሰይ እስራኤለ ዳይናታኮ፥ “ህንተ እሶይ እሶይ ብኤል-ፋጎራ ጌተትያ ኤቃ ጎይንዳ አሳ ኡባ ዎተ” ያግስ።6ሙሰይነ ማባራይ ኡባይ ጌሻ ዱንካንያ ፐንገን ዬክሽን፥ እስራኤለታፐ እሶይ ምድያመ ማጫስዉ ኤንታ ስንራ አድ፥ ባ ኬ አሳኮ ኤህስ።7ካህንያ አሮና ናኣ አላዛራ ናአይ ፕንሃስ ሄሳ በእዳ ዎደ ማባራ ግዶፈ ደንድድ፥ ቶራ ኤክድ፥8እስራኤለ አድያ ካልድ ዱንካንያ ግዶ ገልድ፥ ኡራነ ማጫስዉ ቶራን ጫድድ ካን ከስስ። ሄስ ሀንን እስራኤለታ ዉርስያ ጋዶይ ኤቅስ።9ሽን ሄ ጋዶይ ላታማነ ኦይዱ ሙኩሉ አሳ ዎስ።10ጎዳይ ሙሰኮ፥11“ካህንያ አሮና ናኣ አላዛራ ናአይ ፕንሃስ እስራኤለ አሳ ግዶን ታኒ ታ ቦንቹዋስ ምሸተይሳዳ ምሸትዳ ግሾ፥ ታኒ ህንተ ቦላ ሀንቀትዳ ሀንቁዋ ዶሽስስ። ታኒ ታ ቃናትያን ኤንታ ፖሎ ይሳብከ።12ሄሳ ግሾ፥ ታኒ ታ ሳሮተ ጫቁዋ እያራ ጫቃናይሳ ፕንሃሳስ ኦዳ።13እ ባ ፆሳ ቦንቹዋስ ምሸትዳ ግሾነ እስራኤለ አሳስ ናጋራ አቶተ ኤህዳ ግሾ፥ እነ እያ ኮቻይ መርናዉ ካህነ ግዳና” ያግስ።14ምድያመ ማጫሴራ ሀይቅዳ ኡራ ሱንይ ሳሉ ናኣ ዝምራ ጌተቴስ። ሳሉ ስሞና ኮቻን እስ ኮቻ ሀላቃ።15ሀይቅዳ ምድያመ ማጫሰ ሱንይ ኮዝቦ፤ እ አዋይ ዙር ምድያመታ ኮቻ ሀላቃ።16ጎዳይ ሙሰኮ፥17“ምድያመ ቢታ አሳ ሞርክድ ኤንታ ዎተ።18ኤንቲ ህንተና ሞርክድ ፓኦራን ጭምዶሶና ቃስ ቦሻ ጋላስ ፓኦራን ሀይቅዳ ምድያመታ ኮቻ ሀላቃ ናኤ ኮዝብ ጋሶን ህንተና ሞርክዶሶና” ያግስ።